جىل باسىنان بەرٸ 3 مىڭعا جۋىق قانداس جەڭٸلدەتٸلگەن تەرتٸپپەن قازاقستان رەسپۋبليكاسى ازاماتتىعىن الدى. بۇل تۋرالى قر ٸشكٸ ٸستەر مينيسترلٸگٸنٸڭ رەسمي ٶكٸلٸ نۇردٸلدە وراز ايتىپ بەردٸ, دەپ حابارلايدى قازاقپارات.
«بيىلعى 1 قاڭتاردان باستاپ قانداستارعا قازاقستاندا تۇراقتى تۇرۋعا رۇقسات الۋعا جەنە قازاقستان ازاماتتىعىنا قابىلداۋعا بٸر مەزگٸلدە قۇجاتتار تاپسىرۋ مٷمكٸندٸگٸ زاڭدى تٷردە ەنگٸزٸلگەن. بۇرىن ولار بۇل پروتسەدۋرالاردان بٶلەك ٶتەتٸن, ال تۇراقتى تۇرۋ رەسٸمٸ 2 ايعا سوزىلاتىن. سودان كەيٸن بٸر اي ٸشٸندە تۇرۋعا ىقتييارحات دايىندالدى, سودان كەيٸن عانا قازاقستان ازاماتتىعىنا قابىلداۋ ٷشٸن قۇجاتتار تاپسىرۋعا بولاتىن ەدٸ. ونى قاراۋ مەرزٸمٸ 3 ايعا سوزىلاتىن. ال قازٸر بارلىق ٷش كەزەڭ بٸر ۋاقىتتا ٶتەدٸ», - دەدٸ نۇردٸلدە وراز مينيسترلٸكتٸڭ اپتالىق بريفينگٸندە.
ونىڭ ايتۋىنشا, جىل باسىنان بەرٸ 3 مىڭعا جۋىق وتانداس قازاقستان رەسپۋبليكاسىنىڭ ازاماتتىعىنا وسىنداي تەرتٸپپەن قابىلدانعان.
«قازٸرگٸ ۋاقىتتا وسى مىسال بويىنشا قانداس كۋەلٸگٸن بەرۋدەن باستاپ, ازاماتتىققا قابىلداۋعا دەيٸنگٸ شارالارعا تارتىلعان بارلىق مەملەكەتتٸك ورگاندار (ەحەقم, سٸم, ٸٸم, اقدم, جەرگٸلٸكتٸ اتقارۋشى ورگاندار) جۇمىسىنىڭ بٸرىڭعاي الگوريتمٸ ەنگٸزٸلۋدە. نەتيجەسٸندە ولار ەر مەملەكەتتٸك ورگانعا جەكە-جەكە ەمەس, تەك بٸر رەت-حالىققا قىزمەت كٶرسەتۋ ورتالىعىنا جٷگٸنەتٸن بولادى. قۇجاتتار تٸزٸمٸ دە ەكٸ ەسەگە قىسقاردى, بارلىق كەزەڭدەردەن ٶتۋ مەرزٸمٸ 90 كٷندٸ قۇرايدى. ماتەريالداردى بارلىق مەملەكەتتٸك ورگاندار قازٸرگٸدەي كەزەك بويىنشا ەمەس, بٸر مەزگٸلدە قارايتىن بولادى», - دەپ تٷسٸندٸردٸ قر ٸٸم رەسمي ٶكٸلٸ.
