جەرورتا تەڭٸزٸندەگٸ بوسقىندار. كٶرنەكٸ سۋرەت
پەكٸستان فەدەرالدىق تەرگەۋ اگەنتتٸگٸ بەيسەنبٸدە Reuters اقپارات اگەنتتٸگٸنە گرەكييا جاعالاۋلارىندا 209 پەكٸستاندىق قازا بولعانىن حابارلادى. جٷزدەگەن بوسقىن مٸنگەن شاعىن كەمە اشىق تەڭٸزدە اۋدارىلىپ, سۋعا باتىپ كەتكەن.
مارقۇمداردىڭ تۋىستارىنىڭ ايتۋىنشا, ميگرانتتار مٸنگەن كەمە ليۆييادان گرەكيياعا قاراي جٷزگەن.
بۇنىڭ الدىندا رەسمي تٷردە 82 ادام ٶلدٸ دەپ تانىلعان, 104 ادام تٸرٸ قالعانى جارييالانعان. تەرگەۋشٸلەر قازا بولعان بوسقىنداردىڭ كٸمدەر ەكەنٸن انىقتاپ جاتىر. تەڭٸزگە باتقاندار بۇدان دا كٶپ بولۋى مٷمكٸن.
كەيٸنگٸ بٸرنەشە جىلدا جەرورتا تەڭٸزٸندە وسىنشا كٶپ ادام ٶلگەن اپات بولماعان.
بۇعان دەيٸن كەمەدە 181 پەكٸستاندىق, 28 كاشميرلٸك بولعانى ايتىلعان. دەرٸگەرلەر ەكٸ جٷزگە جۋىق وتباسىنىڭ گەنەتيكالىق مەلٸمەتٸن جيناعان.
ال كۋەگەرلەردٸڭ ايتۋىنشا, ۇزىندىعى 20-30 مەترلٸك كەمەدە 400-گە جۋىق ادام بولعان.
