«جۋسان» گۋمانيتارلىق وپەراتسيياسى نەتيجەسٸندە قازاقستانعا قاقتىعىس ايماعىنان 524 ازامات ورالعان. بۇل تۋرالى اقپارات جەنە قوعامدىق دامۋ مينيسترٸ دەۋرەن اباەۆ ەسەپ بەرۋ كەزدەسۋٸندە مەلٸمدەدٸ, دەپ حابارلايدى Baq.kz.
مينيستردٸڭ سٶزٸنشە, بٷگٸندە ەل اۋماعىندا بەيبٸتشٸلٸك, كەلٸسٸم جەنە بٸرلٸكتە 18 كونفەسسييا ٶكٸلدەرٸ ٶمٸر سٷرۋدە, ولاردىڭ مٷددەلەرٸن 3738 دٸني بٸرلەستٸك ۇسىنادى. بۇل رەتتە مينيسترلٸك ەكٸ نەگٸزگٸ باعىتقا ەرەكشە مەن بەرەدٸ: بٸرٸنشٸسٸ – مەملەكەتتٸك ۇيىمداستىرۋدا زايىرلى قاعيداتتاردى نىعايتۋ, ەكٸنشٸسٸ – دٸني سالاداعى تۇراقتىلىقتى قامتاماسىز ەتۋ جەنە دٸني نەگٸزدەگٸ ەكسترەميزم مەن راديكاليزمنٸڭ تارالۋىنىڭ الدىن الۋ.
«دٸنارالىق تۇراقتىلىق پەن كەلٸسٸمدٸ ساقتاۋ ٷشٸن دٸن سالاسىنداعى مامانداردىڭ بٸلٸكتٸلٸك دايارلىعى ٷلكەن رٶل اتقارادى. ٶتكەن جىلى نۇر-سۇلتان, الماتى جەنە اتىراۋ قالالارىندا دەسترۋكتيۆتٸ دٸني اعىمداردىڭ ىقپالىنا ۇشىراعان ادامداردى قايتا قالپىنا كەلتٸرۋ بويىنشا دٸني قايراتكەرلەردٸ دايارلاۋ كۋرستارىنان 190 يمام مەن تەولوگ ٶتتٸ.
سونىمەن قاتار, ٶڭٸرلٸك اقپاراتتىق-تٷسٸندٸرۋ توپتارىنىڭ جۇمىسى جاڭعىرتىلدى جەنە وڭتايلاندىرىلدى. ولاردىڭ سانى تٶرت ەسە قىسقاردى, الايدا ولاردىڭ جۇمىس ساپاسىنا باسا نازار اۋدارىلدى. 2018 جىلى لەكتورلىق توپتار 38 مىڭنان استام ٸس-شارا ۇيىمداستىردى», - دەدٸ اباەۆ.
مينيستر ۇلتتىق قاۋٸپسٸزدٸك ورگاندارى «جۋسان» گۋمانيتارلىق وپەراتسيياسىنىڭ 3 كەزەڭٸن سەتتٸ ٶتكٸزگەنٸن, ونىڭ شەڭبەرٸندە قاقتىعىس ايماعىنان قازاقستانعا 524 ازامات (137 ەيەل مەن 357 بالا) ورالعانىن ايتتى.
«بٸزدٸڭ مينيسترلٸك ەكٸمدٸكتەرمەن بٸرلەسٸپ ورالعاندارعا مەديتسينالىق, پسيحولوگييالىق, قۇقىقتىق جەنە ەلەۋمەتتٸك كٶمەك كٶرسەتەدٸ», - دەپ ايتتى ول.
