بٷگٸن اقوردادا مەملەكەتتٸك حاتشى گٷلشارا ەبدٸقالىقوۆا ٷزدٸك جۋرناليستەرگە پرەزيدەنت سىيلىعى مەن گرانتتارىن تابىستادى. سالتاناتتى جيىندا «حابار» ارناسىنىڭ تٸلشٸسٸ مايرا ەبدٸراحمانوۆا پرەزيدەنت سىيلىعىنان الاتىن قارجىسىن قايىرىمدىلىق قورىنا اۋداراتىندىعىن ايتتى, دەپ حابارلايدى "ۇلت اقپارات".
«مەن ٷشٸن پرەزيدەنت سىيلىعىن الۋ ٷلكەن باقىت. بٸرٸنشٸدەن مەملەكەت باسشىسى نۇرسۇلتان ەبٸشۇلى نازارباەۆقا, ەرٸ «حابار» اگەنتتٸگٸ مەن «24 KZ» ۇجىمىنا, قر پرەزيدەنتٸنٸڭ باسپاسٶز قىزمەتٸنە جەنە كانديداتتاردى ٸرٸكتەپ العان بەدەلدٸ كوميسسييا مٷشەلەرٸنە العىسىمدى بٸلدٸرەمٸن. بۇل – ۇجىمنىڭ جەتٸستٸگٸ. مەن تەلەۆيدەنيەنٸڭ تابالدىرىعىن وسىدان 30 جىل بۇرىن اتتادىم», - دەدٸ ول.
وسى رەتتە تەجٸريبەلٸ جۋرناليست العان سىيلىعىن «مەيٸرٸمدٸلٸك» قايىرىمدىلىق قورىنا اۋداراتىندىعىن جەتكٸزدٸ.
«ٶزدەرٸڭٸز بٸلەتٸندەي, بۇل قوردى ەرٸپتەسٸم, جۋرناليست ارۋجان ساين باسقارادى. ەلباسى ٶزٸنٸڭ «جٸبەك جولى» بەيبٸتشٸلٸك سىيلىعىنان العان قارجىسىن وسى قورعا اۋدارعان بولاتىن. نەتيجەسٸندە 29 بالا ٶلٸم اۋزىنان قۇتقارىلدى. ولارعا شۇعىل تٷردە وپەراتسييا جاسالدى. مەنٸڭ ويىمشا, بالالارعا ەلٸ دە كٶمەك كەرەك. سوندىقتان بٸز مەملەكەت باسشىسى نۇرسۇلتان نازارباەۆتان ٷلگٸ الۋىمىز كەرەك», - دەپ تٷيٸندەدٸ سٶزٸن مايرا ەبدٸراحمانوۆا.
