17 قىركٷيەك, جۇما كٷنٸ قازاقستانداعى ساناۋلى تەۋەلسٸز باسىلىمداردىڭ بٸرٸ "Dات" گازەتتەر جوباسىنىڭ شىعارۋشى رەداكتورى, جۋرناليست باقىتگٷل مەكٸمباي 59 جاسقا قاراعان شاعىندا ٶمٸردەن وزدى. بۇل اقپاراتتى گازەتتٸڭ باس رەداكتورى ەرمۇرات باپي حابارلادى, دەپ جازادى ازاتتىق.
- قازانىڭ سەبەبٸ – كوروناۆيرۋس. بٸر ايعا جۋىق اۋرۋحانادا جاتتى. سوڭعى 10 كٷن جانساقتاۋ بٶلٸمٸندە بولدى. ونىڭ قانت ديابەتٸ بار ەدٸ. دەرٸگەرلەر سٶزٸنشە, وسى دەرت اۋرۋدى ۋشىقتىرىپ جٸبەرگەن, – دەدٸ باپي.
جۋرناليستٸڭ قازاسىنا بايلانىستى ەلەۋمەتتٸك جەلٸدە كٶڭٸل ايتقان ساياساتكەر زەۋرەش باتتالوۆا: "جان جولداسىم, باقىتگٷلٸم! جازىلاسىڭ دەپ ٷمٸتتەنٸپ ەدٸم. ورالماس ساپارعا اتتانىپ كەتتٸڭ عوي... يماندى بول, قازاقتىڭ باتىر قىزى!" دەپ جازدى.
ەرمۇرات باپي "Dات" گازەتتەر جوباسىن باقىتگٷل مەكٸمبايمەن 23 جىلدان بەرٸ بٸرگە شىعارىپ كەلگەنٸن ايتتى. ول: "قيىن سەتتەردە, باسىمىزعا قيىن ٸس تٷسكەن كەزدە كٶپ ەرٸپتەسٸمٸز شىداماي, جۇمىستان كەتٸپ قالدى. بٸراق باقىتگٷل ولاي ٸستەمەدٸ. وسى كٷنگە دەيٸن تابان اۋدارماي جانىمدا بٸرگە قىزمەت ەتتٸ" دەدٸ.
باقىتگٷل مەكٸمباي 1962 جىلى 15 قازاندا شىعىس قازاقستان وبلىسىندا دٷنيەگە كەلگەن.
ول - قازاقستان جۋرناليستەر وداعى سىيلىعىنىڭ, وسى وداقتىڭ "التىن مەدالٸنٸڭ" يەگەرٸ. قازاقستان پاتريوتتارىنىڭ "الماس قىلىش" سىيلىعىنىڭ لاۋرەاتى. وعان سوروس قورىنىڭ جۋرناليستيكا سالاسىنداعى "باتىلدىعى مەن تاباندىلىعى ٷشٸن" سىيلىعى دا بەرٸلگەن.
ۇلت پورتالىنىڭ ۇجىمى بەلگٸلٸ جۋرناليستٸڭ مەزگٸلسٸز دٷنيەدەن وزۋىنا بايلانىستى ونىڭ وتباسى مەن تۋعان-تۋىستارىنا قايعىرىپ كٶڭٸل ايتادى.
مارقۇمنىڭ جاتقان جەرٸ جايلى, توپىراعى تورقا بولسىن. پەيٸشتە نۇرى شالقىپ, جاراتقان ارتىنداعى ۇرپاعىنا ۇزاق عۇمىر بەرسٸن!
