ەڭگٸمە بىلاي بولدى...
ارعى دەمالىستا تٷنگە قاراي ۆاتساپتاعى جەكە توبىمىزعا پروديۋسەرٸمٸز ەلييا قۇدايبەرگەنوۆادان «دابىل» كەلٸپ تٷستٸ. الدىندا عانا جۋرناليستەرٸمٸز شىمكەنتكە ٸسساپارمەن كەتكەن. ەكٸ وتباسىنىڭ جاعدايلارىن كٶزبەن كٶرگەن سوڭ, بەينەتاسپاعا تٷسٸرٸپ جٸبەرگەن عوي. سونى كٶرٸپ, جٷرەگٸ اۋىرعان ەلەكەڭ: بۇلاردى قالايدا حابارعا تٷسٸرۋٸمٸز كەرەك. تٷسٸرٸپ عانا قويماي ٷي الىپ بەرۋٸمٸز كەرەك! دەپ تالاپ قويدى.
بۇعان دەيٸن دە تالاي جانعا پايدامىز تيدٸ عوي. بٸرنەشە وتباسىنىڭ اللانىڭ قالاۋىمەن, كٶپتٸڭ كٶمەگٸمەن, بٸزدٸڭ سەپتٸگٸمٸزبەن باسپانالى بولعانى دا راس. بٸراق, جەتەكشٸمٸزدٸڭ تٶرت كٷننٸڭ ٸشٸندە ەكٸ بٸردەي ٷي الىپ بەرۋ تۋرالى تالابى ارتىقتاۋ كٶرٸندٸ (بٸراق, ونى ٶزٸنە ايتۋ قايدا?!).
بۇيرىق تٷسكەن سوڭ بەرٸمٸز ٸسكە كٸرٸستٸك. ەركٸم تانيتىن دەۋلەتتٸ ادامدارىنا حابارلاستى. پوست جازدى. دوستارىنا ٶتٸنٸش بٸلدٸردٸ. بٸرٸنشٸ كٷنٸ جولىمىز بولمادى. جٷز مىڭ تەڭگە, ەكٸ جٷز مىڭ تەڭگە بەرەمٸز دەۋشٸلەر شىققانىمەن, باسپانانىڭ مەسەلەسٸن شەشەتٸن ادام تابىلمادى.
ەكٸنشٸ كٷنٸ دە قىز-جٸگٸتتەر تىنىم تاپپاي ٸزدەۋدٸ جالعاستىردى. تٷسكە دەيٸن تىم-تىرىس. تٷس اۋا ارامىزداعى ٷلكەنٸمٸز امانگەلدٸ اعامىزدان جاقسى حابار جەتتٸ. تولقىن ەسٸمدٸ تانىس كەسٸپكەرٸ: اللا رازىلىعى ٷشٸن كٶمەكتەسەيٸن. الدىمەن ول وتباسىنىڭ جاعدايىن كٶزٸمٸزبەن كٶرۋٸمٸز كەرەك دەپتٸ. قۇدايعا مىڭ دا بٸر شٷكٸرٸمٸزدٸ ايتىپ, ٸزدەۋ جۇمىستارىن ارى قاراي جالعاستىردىق.
ٷشٸنشٸ كٷن. كەشەگٸ كەسٸپكەردٸڭ جٸگٸتتەرٸ ەرتەمەن بارىپ, انا كٸسٸلەردٸڭ جاعدايىن كٶرٸپتٸ. سول جەردە بٸردەن ٸسكە كٸرٸسٸپ, اينالاسى ەكٸ- ٷش ساعاتتىڭ ٸشٸندە ۇناتقان ٷيلەرٸن الىپ بەرٸپتٸ. بەس بٶلمە. سەگٸز سوتىق جەرٸ بار. سۋى, گازى قوسىلعان. وسى جاڭالىقتى ەستٸگەندە قىز-جٸگٸتتەردٸڭ ٶزدەرٸ باسپانالى بولعانداي قۋانعاندارىن-اي (جۋرناليستەردٸڭ جاعدايى بەلگٸلٸ عوي. سول بۇيرىق بەرۋشٸ باسشىمىزدىڭ ٶزٸنٸڭ ٷيٸ جوق. قىزدارمەن بٸرگە پەتەر جالداپ تۇرادى. كەسٸپكەرلەردٸ «قىلعىندىرىپ» جٷرگەن ابەكەڭنٸڭ ٷيٸ بولسا بانكتە «تۇتقىندا» تۇر).
كەشكە جۇمىستان قايتىپ بارا جاتىرمىز. مەن وسى بٸر ٷيدٸڭ مەسەلەسٸن شەشكەنٸمٸزگە دە تەۋبا دەپ كەلەمٸن. ابەكەڭ تەلەفونىنىن اقتارىستىرىپ, ٸزدەۋ جۇمىستارىن ارى قاراي جالعاستىرىپ جاتىر. مۋزىكانت ادام عوي (كەزٸندە امانگەلدٸ سەندٸباەۆتىڭ «جٸبەك جولى» دەگەن توبىنىڭ اتى دٷرٸلدەپ تۇرعانىن اعا بۋىن بٸلۋٸ تيٸس). ەشەيٸندە كٶپ سٶزگە جوق اعامىزدىڭ قىزىل تٸلٸنەن ماي تامادى:
«ورازادا جاساعان جاقسىلىقتىڭ ساۋابى مول», «اللا ساعان جٷز ەسە عىپ قايتارادى», «باتاسىن الاسىڭ, ەكٸ دٷنيەدە دە ابىرويلى بولاسىڭ» دەپ ادامنىڭ جٷرەگٸن ەزەتٸن سٶزدەردٸ جاۋدىرىپ جاتىر. جٷرەكتەن شىققان جانايقاي جٷرەككە بەرٸبٸر جەتەدٸ عوي. بٸر كەزدە ۋەلي دەگەن تانىسى: ەرتەڭ كەلەيٸن. سودان كەيٸن كٶرە جاتارمىز دەپ جاۋاپ بەردٸ. ە, اللا! ٶزٸڭ جار بولا كٶر! دەدٸك ٸشتەي.
ەرتەسٸنە تٷسٸرٸلٸم بولدى. ۋەدە بەرگەن ۋەلي كەلدٸ. جٷرەگٸ جۇمساق, قولى اشىق ازامات ەكەن. سول جەردە ەكٸنشٸ باسپانانىڭ مەسەلەسٸن شەشٸپ بەردٸ. كٶپ بالالى وتباسىنا باسقالاي دا كٶمەك بەرەتٸنٸن ايتتى. بالالاردىڭ قۋانعانىن كٶرسەڭٸز عوي...
قاسيەتتٸ ورازا ايىندا ەكٸ وتباسى باسپانالى بولدى. اقشالاي دا كٶمەك كٶرسەتٸلدٸ. قىزىلوردادان بٸر اپامىز قينالىپ حات جازعان ەكەن. ايتقالي دوسىم سول جەردە ول كٸسٸنٸڭ ەسەپ-شوتىنا قوماقتى قارجى اۋدارىپ جٸبەردٸ.
وسىلايشا, پروديۋسەرٸمٸزدٸڭ تالابى ارتىعىمەن ورىندالدى.
اللاعا - ماداق!
جومارت جاندارعا - العىس!
ورازا قابىل بولسىن!
بەيسەن قۇرانبەكتٸڭ فەيسبۋكتاعى جازباسىنان
