عالىمداردىڭ ايتۋىنشا, 2012 جىلدىڭ 21 جەلتوقسانىنان بەرٸ جەر شارى گالاكتيكاداعى «قاراقۇردىمنىڭ» (چەرنايا دىرا) تارتىلىس شەڭبەرٸندە كەلە جاتىر. ونىڭ الدىندا عالىمدار اراسىندا: «سول شەڭبەرگە كٸرگەن سوڭ جەر پلانەتاسى كەز كەلگەن ۋاقىتتا ساعىزشا سوزىلىپ بٸر-ەكٸ مٷينەت ٸشٸندە جوق بولىپ كەتۋٸ مٷمكٸن» دەگەن ٷرەي بولدى. ەرينە باعىمىزعا وراي ول قورقىنىش بٷگٸندە ارتتا قالدى. سودان بەرٸ جەر بەتٸنٸڭ ەر تٷپكٸرٸندە اقىلعا قونبايتىن, ساناعا سىيمايتىن قۇپييا قۇبىلىستار بۇرىنعىدان بەتەر قابىنداپ كٶبەيٸپ كەتتٸ. سونىڭ بٸرٸ – ٷلكەن تەمٸرلەردٸ بٸر-بٸرٸنە ٷيكەگەندەي ٷرەيلٸ دىبىستاردىڭ جيٸ-جيٸ ەستٸلە باستاۋى. بۇل قۇپييانى دا ەشكٸم ەلٸ دەل تٷسٸندٸرٸپ بەرٸپ جاتقان جوق.
شىندىعىندا, مۇنىڭ بارلىق سىرى قاسيەتتٸ «كەلام-شەرٸپتە» تۇر! بٸراق شەكەرٸم قاجى ايتقان: «سٶيتٸپ بۇزىپ, بٷلدٸرٸپ ەسٸل دٸندٸ, – دٸن دەسە ەستٸ ازامات تۇرا قاشار» زاماندا مۇنداي اقيقاتتار ەرتەگٸ سيياقتى ەستٸلەدٸ. ونى اتەيست تە, كوسموپوليت تە, تٸپتٸ, دٸندارلار دا قابىلداي المايدى. ەلگٸ دىبىستاردى قۇراندا «نەقۋۋر ٷنٸ» دەگەن. عۇلامالار ونداي قۇبىلىس 1-اقىرزاماندا بولادى دەپ جازىپ كەتكەن. وسى شىندىقتاردان شىعارىپ ايتايىن دەگەنٸم – مىناۋ.
مەنٸڭشە, ەربٸر ادام – گالاكتيكا! ول گالاكتيكادا بٸر قۇپييا پلانەتا بار. ونىڭ اتى – جٷرەك. ەگەر اماناتقا قييانات جاساماي, جٷرەكتٸ قۇدايدىڭ مەكەنٸنە اينالدىرا الساق, وندا ول ماياك قۇساپ مەڭگٸلٸك باقتىڭ ەلٸنە جەتكٸزەدٸ. ال ھانناس-لاعيننٸڭ ەركٸنە بەرٸپ قويساق, ول بارلىق سەۋلەسٸن توناتىپ, «قاراقۇردىمعا» اينالادى. بۇل – ادامنىڭ ٶلٸمٸ. تەنٸڭ تٸرٸ بولۋى مٷمكٸن, بٸراق رۋحىڭ سٶنٸك بولعاسىن, كٷللٸ جارىقتى جۇتىپ, جالماپ قوياتىن قۇبىجىقسىڭ.
وسى ٶلٸم تۋرالى ارداقتى پايعامبارىمىزدىڭ (سعس) نەمەرەسٸ حازٸرەتٸ قۇسايىن بۇدان 1340 جىل بۇرىن بىلاي دەپ ايتىپ كەتٸپتٸ: «ادامزاتتىڭ ٶلٸمٸ 3 نەرسەدەن بولادى. بٸرٸنشٸسٸ, تەكاپپارلىق. بۇل – دٸننٸڭ ٶلۋٸ. سول ٷشٸن ٸبٸلٸس قارعىسقا ۇشىراعان. ەكٸنشٸسٸ, قاناعاتسىزدىق. بۇل – رۋحتىڭ جويىلۋى. سول ٷشٸن ادام اتا جەنناتتان قۋىلدى. ٷشٸنشٸسٸ, قىزعانىش. ول – اشۋ-ىزانىڭ نەگٸزٸ. سول ٷشٸن قابىل ابىلدى ٶلتٸردٸ». مٸنە, قازٸرگٸ ادام بالاسىنىڭ جٷرەگٸن وسى ٷش كەساپات ٸندەت جايلاپ العان. وسى «قاراقۇردىمنىڭ» تارتىلىس شەڭبەرٸندە كەلە جاتقاندا بٸزدٸڭ بولاشاعىمىزدا – بايان, تٸرشٸلٸگٸمٸزدە – بەرەكە, ٶمٸرٸمٸزدە مەن بار دەپ ايتا المايمىن.
باسقانى بٸلمەيمٸن, ٶزٸم وسىناۋ قۇردىمنان ساۋ شىعۋدىڭ جالعىز جولى – قۇدايدىڭ راحمەت نۇرى سەبەلەگەن قاسيەتتٸ رامازان ايىنىڭ ەر تاڭسەرٸسٸندە: «ەي, نۇرىڭنان رۋحىمدى بٶلٸپ جان جاراتقان, اقىل-سانا, جٷرەك پەن مىي بەرگەن ەرەكشە مەيٸرٸمدٸ قۇل سٷيگٸش اللا, تەزٸرەك جەبٸرەيٸل (عس) پەرٸشتەڭدٸ جٸبەرٸپ: «جالعاندىقتىڭ كٷنٸ باتتى! اقيقاتتىڭ تاڭى اتتى!» دەپ 18 000 عالامعا جار شاشتىرا گٶر! عافٸلەت كٶرپەسٸن سەرپٸپ, ٶلٸم ۇيقىسىنداعى ادامزاتتى وياتىپ, مەن قارا بەت قۇلىڭنىڭ ٶلٸ جٷرەگٸن تٸرٸلتە گٶر!» دەپ زار ەڭٸرەپ دۇعا قىلۋ عانا دەگەن بايلامعا كەلدٸم...
سۆەتقالي نۇرجان,
05.05.2020 جىل
