دەنساۋلىق ساقتاۋدى دامىتۋ رەسپۋبليكالىق ورتالىعىنىڭ ۇجىمى قىزمەتكەرلەر اراسىندا دەنە جاتتىعۋىن ٶتكٸزۋ تۋرالى باستاماعا قولداۋ بٸلدٸردٸ, دەپ حابارلايدى "ۇلت اقپارات".
«جاتتىعۋدى بٸز ورتالىعىمىزدىڭ كەڭ دەلٸزٸندە, ەلەۋمەتتٸك اراقاشىقتىقتى ساقتاي وتىرىپ جاسايمىز. وعان ورتالىق قىزمەتكەرلەرٸ, جاس ەرەكشەلٸكتەرٸنە قاراماستان ەرٸكتٸ تٷردە جينالادى. كٶبٸنە جاتتىعۋدى ٶزٸم جٷرگٸزەمٸن. كٷندە تٷرلٸ قيمىل-قوزعالىستار جاسايمىز», - دەدٸ دەنساۋلىق ساقتاۋدى دامىتۋ رەسپۋبليكالىق ورتالىعى باس ديرەكتورىنىڭ كٶمەكشٸسٸ ريمما شيتكەنوۆا.
دەنساۋلىق ساقتاۋدى دامىتۋ رەسپۋبليكالىق ورتالىعىنىڭ باس ديرەكتورى قانات تٶسەكباەۆتىڭ ايتۋىنشا, جۇمىس ۋاقىتى باستالار الدىندا 10 مينۋت دەنە جاتتىعۋىن جاساۋ ادامدى سەرگٸتٸپ, ەڭبەك قابٸلەتتٸلٸگٸن ارتتىرادى.
«كەڭسەدە بٸر ورىندا تاپجىلماي وتىرىپ, جۇمىس ٸستەۋ دەنساۋلىققا كەرٸ ەسەرٸن دە تيگٸزەدٸ. مەسەلەن, ومىرتقا قيسايادى, مويىننىڭ قان تامىرلارى بٸلەۋلەنەدٸ, جٷيكە اۋرۋلارى پايدا بولادى. سوندىقتان, بۋىندى جازىپ, قان اينالىمىن جاقسارتۋ ٷشٸن جاتتىعۋعا 10 مينۋت بٶلگەن دۇرىس. ەرٸ بۇل جاڭاشىلدىقتى ەڭ الدىمەن قول استىنداعى قىزمەتكەرلەرٸنٸڭ دەنساۋلىعىن ويلايتىن ەر باسشى قولداۋى تيٸس دەپ ويلايمىن», - دەيدٸ قانات تٶسەكباەۆ.
ەسكە سالا كەتەيٸك, قر دەنساۋلىق ساقتاۋ مينيسترلٸگٸنٸڭ 2020 جىلعى 28 قازانداعى بۇيرىعى بويىنشا دەنە جاتتىعۋىمەن شۇعىلدانۋدىڭ ٷلگٸلٸك قاعيدالارى بەكٸتٸلگەن بولاتىن. ەرەجەگە سەيكەس, دەنە شىنىقتىرۋ جاتتىعۋلارى جۇمىس كٷنٸنٸڭ بٸرٸنشٸ جارتىسىندا ورىندالىپ, ۇزاقتىعى 10-15 مينۋتتان اسپاۋى تيٸس.
