فوتو: مەجٸلٸستٸڭ باسپاسٶز قىزمەتٸ
مەجٸلٸس سپيكەرٸ وتىرىس بارىسىندا دەپۋتات باقىتجان بازاربەككە ەسكەرتۋ جاسادى, دەپ حابارلايدى Kazinform اگەنتتٸگٸ.
«جالىندى سەلەمٸمدٸ تامارا دٷيسەنقىزىنا جولدايمىن. بٸر-ەكٸ جىل بۇرىن پرەزيدەنتتٸڭ كٶمەكشٸسٸ بولىپ تۇرعان كەزٸڭٸزدە سٸزبەن ۆيدەوكونفەرەنتسيياعا شىققانبىز. سوندا سقو بوستاندىق دەگەن اۋىل بار. اۋىل تۇرعىندارى جايىلىمدىق جەرلەرٸنەن ايىرىلىپ قالعان. سٸز جەكە ماعان جەنە اۋىل تۇرعىندارىنا ۋەدەنٸ تٶگٸپ-تٶگٸپ بەرگەنسٸز. مٸنە, ەندٸ ەپ-ەدەمٸ, تٷك بٸلمەگەندەي مينيستردٸڭ قىزمەتٸنە وتىردىڭىز. سوندىقتان مىنا جەردە وسى مٷمكٸندٸكتٸ پايدالانىپ سٸزگە اۋىل تۇرعىندارىنىڭ جالىندى سەلەمٸن جەتكٸزٸپ وتىرمىن», — دەدٸ مەجٸلٸس دەپۋتاتى باقىتجان بازاربەك جالپى وتىرىستا.
سونداي-اق, حالىق قالاۋلىسى اۋىل شارۋاشىلىعى مينيسترلٸگٸنە ساۋال جولدادى.
«ەگەر جۇمىس ٸستەي الماساڭىزدار, مينيسترمەن قوسا مينيسترلٸكتەن قۋىپ شىعامىز», — دەدٸ ول اۋىل شارۋاشىلىعى ۆيتسە-مينيسترٸ ەبٸلحايىر تامابەككە قاراتىپ.
ٶز كەزەگٸندە مەجٸلٸس سپيكەرٸ ەرلان قوشانوۆ دەپۋتاتقا رەگلامەنتتٸ بۇزباۋىن سۇراپ, ەسكەرتۋ جاسادى.
«قۇرمەتتٸ باقىتجان جۇمابەكۇلى! بٸرٸنشٸ كەزەكتە دەپۋتاتتىق ەتيكا دەگەن بار. سٸز قاتتى كەتپەڭٸز! اگرەسسيياسىز سٶيلەڭٸز. ەكٸنشٸدەن, مەن جاقتاپ وتىرعانىم جوق. قويىپ وتىرعان سۇراعىڭىز دۇرىس. 10 ملن گەكتارعا جۋىق جەر قايتارىلدى. بۇل — بٸرٸنشٸ كەزەكتە „جەر اماناتى“ كوميسسيياسىنىڭ جۇمىسى. ەندٸ ونى ەرٸ قاراي بٶلۋ كەزٸندە ەدٸل بٶلٸنٸپ جاتىر ما, جوق پا — سول عوي سٸزدٸڭ سۇراعىڭىز. ول — ەڭ الدىمەن جەرگٸلٸكتٸ ەكٸمدەردٸڭ, ەكٸنشٸ كەزەكتە وسى قۇزىرەتتٸ ورگانداردىڭ مەسەلەسٸ, سولاردىڭ جاۋاپكەرشٸلٸگٸ. ەكٸنشٸدەن, „جەر اماناتى“ كوميسسيياسىنىڭ قۇرامىنا باس پروكۋراتۋرا دا, اۋىل شارۋاشىلىعى مينيسترلٸگٸنٸڭ باسشىلىعى, جەر رەسۋرستارى كوميتەتٸنٸڭ باسشىسى, دەپۋتاتتار, سونىمەن قاتار قوعامدىق بەلسەندٸلەر, قوعام ٶكٸلدەرٸ دە كٸرەدٸ. ونىڭ باسشىسىنىڭ بٸرٸ ٶزٸڭٸز. سوندىقتان مەن دە سٸزگە جالىندى سەلەم ايتقىم كەلەدٸ. „جەر اماناتى“ كوميسسيياسى دا وسى مەسەلەگە قاتىستى ار جاعىندا قالاي ەدٸل بٶلٸنٸپ جاتىر, سونى قاداعالاۋعا, باقىلاۋعا بٷكٸل قۇزٸرەتٸ بار. بۇل مەسەلەنٸ جەرگٸلٸكتٸ بيلٸك ٶكٸلدەرٸ دە, مينيسترلٸك تە قاراۋى كەرەك. كوميسسييا دا جاۋاپتى. بٸراق سۇراق قويعاندا, باقىتجان جۇمابەكۇلى, بۇل بٸرٸنشٸ رەت ەمەس, سٸزگە سۇراق قويعاندا رەگلامەنتتٸ قامتاماسىز ەتەتٸن پالاتانىڭ باسشىسى رەتٸندە ەسكەرتۋ جاسايمىن», — دەدٸ ول.
