«حالىق دەموگرافيياسى» قوعامدىق بٸرلەستٸگٸنەن پرەزيدەنتتٸككە ٷمٸتكەر رەتٸندە ۇسىنىلعان جۇماتاي ەليەۆ ورتالىق سايلاۋ كوميسسيياسىنىڭ شەشٸمٸنە اپەللياتسييا بەرە الادى. بۇل جايىندا بٷگٸن قر وسك مٷشەسٸ لەززات سٷلەيمەن ايتتى, دەپ حابارلايدى قازاقپارات تٸلشٸسٸ.
قازٸرگٸ ۋاقىتتا مەن ونىڭ (پرەزيدەنتتٸككە كانديدات رەتٸندە ۇسىنىلعان جۇماتاي ەليەۆ - رەد.) لينگۆيستيكالىق كوميسسييا شەشٸمٸمەن كەلٸسەتٸندٸگٸن نە كەلٸسپەيتٸندٸگٸن ايتا المايمىن. ول جايىندا ٶزٸ ايتا جاتار. جالپى, ورتالىق سايلاۋ كوميسسيياسىنىڭ كەز كەلگەن شەشٸمٸنە قارسى شاعىم جاساۋعا بولادى. 10 كٷننٸڭ ٸشٸندە سوتقا شاعىم بەرۋگە ول كٸسٸنٸڭ دە قۇقىعى بار. لينگۆيستيكالىق كوميسسييا كانديداتقا ٷمٸتكەر مەملەكەتتٸك تٸلدٸ ەركٸن مەڭگەرگەن نەمەسە مەڭگەرمەگەن دەپ قانا باعا بەرە الادى», - دەدٸ لەززات سٷلەيمەن.
ايتا كەتەيٸك, بٷگٸن «حالىق دەموگرافيياسى» قوعامدىق بٸرلەستٸگٸ قازاقستان رەسپۋبليكاسىنىڭ پرەزيدەنتتٸگٸنە كانديدات رەتٸندە ۇسىنعان جۇماتاي ەليەۆ مەملەكەتتٸك تٸلدەن ەمتيحان تاپسىردى. نەتيجەسٸندە قر پرەزيدەنتتٸگٸنە كانديداتتىڭ مەملەكەتتٸك تٸلدٸ مەڭگەرۋ دەڭگەيٸن انىقتايتىن لينگۆيستيكالىق كوميسسييا ونىڭ مەملەكەتتٸك تٸلدٸ ەركٸن مەڭگەرمەگەندٸگٸن انىقتادى.
وسىعان وراي قر ورتالىق سايلاۋ كوميسسيياسى «حالىق دەموگرافيياسى» قوعامدىق بٸرلەستٸگٸنەن پرەزيدەنتتٸككە ٷمٸتكەر رەتٸندە ۇسىنىلعان جۇماتاي ەليەۆتٸ كانديدات رەتٸندە تٸركەۋدەن باس تارتتى.
