فوتو: Ertenmedia.kz
ەكس-پرەزيدەنتتٸڭ نەمەرە ٸنٸسٸ, اتىشۋلى قايرات ساتىبالدىنىڭ تاعى بٸر ەيەلٸ اسىلجان ەسەنقىزى وتباسىلىق ٶمٸرٸندەگٸ اۋىر جاعدايدى جارييا ەتتٸ. بۇل تۋرالى Ertenmedia.kz باسىلىمى جازدى.
«بەسە» ارناسىمەن سۇحباتتاسقان اسىلجان ٶزٸنٸڭ «توقال» ەمەسٸن, ساتىبالدىنىڭ ازاماتتىق نەكەدەگٸ ەيەلٸ بولعانىن جەتكٸزٸپتٸ. ايتۋىنشا, ەكس-ەلباسى ولاردىڭ قارىم-قاتىناسىنان حاباردار بولعان, وتباسىلىق شارالاردا بٸرگە كٶرگەن.
«مەن وعان اقشا ٷشٸن تۇرمىسقا شىقپادىم. قايرات ماعان فرانتسييا, تٷركييا جەنە باسقا ەلدەردەن ٶتە قىمبات ۆيللا سىيلاعىسى كەلدٸ. بٸراق مەن باس تارتتىم. ورتاق بالامىزدىڭ دٷنيەگە كەلۋٸ دە ونىڭ قالاۋى بولاتىن. مەن بٸرنەشە جىل بويى ونى جاقسى تانىپ-بٸلۋ ٷشٸن جٷكتٸلٸكتەن ساقتانىپ جٷردٸم», – دەيدٸ اسىلجان.
بٸراق جٷكتٸ كەزٸندە-اق ولاردىڭ اراقاتىناسى بۇزىلا باستاعان. قايرات ساتىبالدى ەيەلٸنە پسيحولوگييالىق قىسىم كٶرسەتٸپ قانا قويماي, وعان بٸرنەشە رەت قول كٶتەرگەن.
«جٷكتٸلٸگٸمنٸڭ ەكٸنشٸ جارتىسىندا ول مەنٸ اياۋسىز ۇرىپ-سوقتى. بٸردە ول مەنٸڭ ٸشٸمنەن ۇردى. سول كەزدە ول باسقا بٸر ەيەلمەن ارالاسىپ جٷرگەنٸن كەيٸن بٸلدٸم. تٸپتٸ اۋرۋحاناعا تٷسٸپ, دەرٸگەرلەر ماعان ينفەكتسييا جۇقتىرىلعانىن ايتتى», – دەيدٸ ول.
وسىنداي زورلىق-زومبىلىق پەن سترەسس سالدارىنان قىزى يمانجان اۋىر جاعدايدا دٷنيەگە كەلگەن. وعان قويىلعان نەگٸزگٸ دياگنوزدار: اۋتيزم, سدۆگ, ديسلەكسييا, سٶيلەۋدٸڭ دامۋىنىڭ كەشٸگۋٸ جەنە ەپيلەپسييا.
اسىلجاننىڭ سٶزٸنشە, قايرات ساتىبالدى بالاسى دٷنيەگە كەلگەن سوڭ قىزىنا التى اي عانا نازار اۋدارعان, كەيٸن مٷلدەم ارالاسپاي كەتكەن. 2021 جىلى بالاعا ناقتى دياگنوز قويىلعالى بەرٸ ساتىبالدى ەشبٸر ەم-شاراعا ارالاسپاعان, ونىڭ دەنساۋلىعىنا بايلانىستى مەسەلەلەردٸ ەلەمەگەن. تٸپتٸ سوت ورىنداۋشىلارىمەن بٸرٸگٸپ, تابىسىن جاسىرىپ, اليمەنتتٸ ازايتۋ ٷشٸن تٷرلٸ امالعا بارعان.
«ساتىبالدى مەنٸڭ جەنە بالامنىڭ جالعىز باسپاناسىن زاڭسىز تارتىپ الۋعا ەرەكەتتەندٸ. پەتەردٸ ساتۋعا مەنٸڭ رۇقساتىم الىنبادى, بارلىق قۇجاتتار زاڭسىز رەسٸمدەلگەن. مٷلٸكتٸ مەملەكەتتٸك ورگاندارعا بەرٸپ, تٷرمەدەن مەرزٸمٸنەن ەرتە شىعۋ ٷشٸن پارا رەتٸندە پايدالانعانىنا سەنٸمدٸمٸن», – دەيدٸ ول.
ونىڭ سٶزٸنشە, قازٸرگٸ تاڭدا ول ەرەكشە بالا تەربيەلەپ وتىرعان جالعىزباستى انا رەتٸندە ٶتە اۋىر جاعدايدا قالعان. جۇمىس ٸستەي المايدى, ٶيتكەنٸ بالاسىنا تەۋلٸك بويى كٷتٸم كەرەك. وسى ۋاقىتقا دەيٸن ولارعا وتباسىنىڭ جاقىن دوسى اندرەي لوباچەۆسكيي قارجىلاي كٶمەك كٶرسەتكەن, الايدا اسىلجان قۇقىقتارىن قورعاۋ ٷشٸن بەلسەندٸ كٷرەس باستاعان سوڭ, بۇل كٶمەك تە توقتاعان. سونىڭ سالدارىنان ەرەكشە قاجەتتٸلٸكتەرٸ بار بالا بٸرنەشە كٷن بويى اش قالعان كٷندەر بولعان.
«مەن پوليتسيياعا, پروكۋراتۋراعا, سوتقا شاعىمداندىم. بٸراق ەشكٸم قۇلاق اسقان جوق. كەرٸسٸنشە, مەنٸڭ ٶزٸمدٸ قورقىتىپ, سوڭىمنان باقىلاۋ ورناتىپ, ماعان قارسى جاساندى ٸستەر قوزعاپ, قىسىم كٶرسەتتٸ. بالام ەكەۋمٸز ەلٸ كٷنگە دەيٸن مورالدىق جەنە ەلەۋمەتتٸك تۇرعىدا ٶتە اۋىر كٷيدەمٸز», – دەيدٸ اسىلجان.
ول بيلٸككە, ونىڭ ٸشٸندە پرەزيدەنت توقاەۆقا, نازارباەۆتىڭ جاقىندارىنا ٷندەۋ جاساپ, ەرەكشە بالا ٶسٸرٸپ وتىرعان انالاردىڭ قۇقىعىن قورعايتىن ارنايى زاڭ قابىلداۋدى تالاپ ەتتٸ.
سونىمەن قاتار, ول قايرات ساتىبالدىنى وسى ەرەكەتتەرٸ ٷشٸن جاۋاپقا تارتۋدى سۇراپ وتىر.
«مەن بۇعان تٶزٸمدٸلٸكپەن قاراۋعا تىرىستىم, ەشقانداي اتاق-داڭق نەمەسە بايلىقتى كٶزدەمەيمٸن. بٸراق ەدٸلەتسٸزدٸككە ٷنسٸز قاراپ وتىرا المايمىن. بالامنىڭ بولاشاعى ٷشٸن اياعىنا دەيٸن بارامىن», – دەپ سٶزٸن قورىتتى اسىلجان ەسەنقىزى.
