فوتو: Tengrinews.kz©
جالپىۇلتتىق سوتسيال-دەموكراتييالىق پارتيياسى اتىنان كەزەكتەن تىس پرەزيدەنت سايلاۋىنا نۇرلان ەۋەسباەۆ قاتىسادى, دەپ حابارلايدى "ۇلت اقپارات".
استانادا جسدپ-نىڭ ⅩⅠⅩ كەزەكتەن تىس سەزٸ ٶتتٸ. جيىندا دەلەگاتتار ەۋەسباەۆتىڭ كانديداتۋراسىن قولدادى.
"سەزد جالپىۇلتتىق سوتسيال-دەموكراتييالىق پارتيياسى اتىنان پرەزيدەنتتٸككە ٷمٸتكەر رەتٸندە نۇرلان ساتىبالدىۇلى ەۋەسباەۆتى تاڭداۋ تۋرالى شەشٸم قابىلدادى", - دەدٸ پارتييا تٶراعاسى اسحات راقىمجانوۆ.
پارتييا ٶز تاريحىندا العاش رەت پرەزيدەنت سايلاۋىنا ٷمٸتكەر ۇسىنىپ وتىر.
ايتا كەتەيٸك, نۇرلان ەۋەسباەۆ 1957 جىلى تٷركٸستان وبلىسىندا تۋعان. پارتييانىڭ ەلوردالىق فيليلىن باسقارادى. جوعارى بٸلٸمٸ بار, ەۋەزوۆ اتىنداعى وڭتٷستٸك قازاقستان ۋنيۆەرسيتەتٸن تەمامداعان. ۇزاق جىلدار بويى جەرگٸلٸكتٸ اتقارۋشى ورگانداردا جاۋاپتى لاۋازىمداردا جۇمىس ٸستەگەن.
جسدپ – 2006 جىلى 10 قىركٷيەكتە قۇرىلعان وپپوزيتسييالىق ساياسي پارتييا.
ەسكە سالساق, كەزەكتەن تىس پرەزيدەنت سايلاۋى 20 قاراشادا ٶتەدٸ.
