فوتو: QyzPU
قازاق ۇلتتىق قىزدار پەداگوگيكالىق ۋنيۆەرسيتەتٸنٸڭ ستۋدەنتتەرٸ سۋ رەسۋرستارىن ٷنەمدٸ پايدالانۋعا ارنالعان يننوۆاتسييالىق جوبانى ٸسكە قوستى. ولاردىڭ «اۆتوماتتاندىرىلعان سۋعارۋ جٷيەسٸ» ستارتاپى وقۋ ورداسىندا ٶتكەن سالتاناتتى شارا بارىسىندا رەسمي تٷردە تانىستىرىلدى, دەپ حابارلايدى Ult.kz.
بۇل جوبا – QyzPU بازاسىندا ەكٸ جىلدان بەرٸ ٶتكٸزٸلٸپ كەلە جاتقان Demoday «Startup Tomiris» بايقاۋىنىڭ جەمٸسٸ. 2024 جىلى اتالعان كونكۋرستا ٸ ورىندى يەلەنگەن ستارتاپتىڭ اۆتورلارى – فيزيكا, ماتەماتيكا جەنە تسيفرلىق تەحنولوگييالار ينستيتۋتىنىڭ 3-كۋرس ستۋدەنتتەرٸ دينارا بۋلكۋنبەك پەن ەمينا يمانوۆا.
ينفورماتيكا كافەدراسىنىڭ اعا وقىتۋشىسى ەرٸ جوبانىڭ عىلىمي جەتەكشٸسٸ جۇلدىز بازاەۆا بۇل جٷيەنٸڭ باستى ماقساتى – تۇراقتى دامۋ قاعيداتتارى اياسىندا ەكولوگييالىق جەنە تەحنولوگييالىق تيٸمدٸ شەشٸم ۇسىنۋ ەكەنٸن اتاپ ٶتتٸ. ال جوبا اۆتورلارى جٷيەنٸڭ تەحنيكالىق ەرەكشەلٸكتەرٸمەن تانىستىرىپ, ونىڭ جۇمىس ٸستەۋ الگوريتمدەرٸن جان-جاقتى تٷسٸندٸردٸ.
فوتو: QyzPU
اۆتوماتتاندىرىلعان قۇرىلعى بٸرنەشە نەگٸزگٸ كومپونەنتتەن تۇرادى: اۋا تەمپەراتۋراسى مەن ىلعالدىلىعىن ٶلشەيتٸن سەنسور, توپىراق ىلعالدىلىعىنىڭ داتچيگٸ, سۋ سورعىسى مەن سولەنويدتى كلاپاندار. جٷيە اۋا رايى مەن توپىراق جاعدايىنا قاراي دەربەس جۇمىس ٸستەيدٸ, ال باسقارۋ ارنايى ەزٸرلەنگەن موبيلدٸ قوسىمشا ارقىلى جٷزەگە اسىرىلادى. قوسىمشا Android جەنە iOS پلاتفورمالارىندا قولجەتٸمدٸ. وندا ٶشٸرٸپ-قوسۋ, قولمەن جەنە اۆتوماتتى رەجيمدەر قاراستىرىلعان.
«جٷيە تولىقتاي اۆتوماتتاندىرىلعان. ەگەر توپىراق قۇرعاپ كەتسە, سەنسورلار ارقىلى بۇل تۋرالى سيگنال تٷسٸپ, سۋعارۋ پروتسەسٸ ٶزدٸگٸنەن باستالادى. مۇنداي جٷيە ەسٸرەسە ۋاقىتى شەكتەۋلٸ ادامدار ٷشٸن ٶتە تيٸمدٸ», – دەيدٸ جوبا اۆتورلارى.
سۋعارۋ جٷيەسٸمەن قاتار گٷلزارلاردى كٶركەيتۋ جەنە كليماتتىق جاعدايلارعا بەيٸمدەلگەن سۋارۋ تەرتٸبٸ دە ەنگٸزٸلدٸ. بۇل باستاما تابيعاتتى قورعاۋ شارالارىنا ٷلەس قوسىپ قانا قويماي, ەكولوگييالىق مەدەنيەتتٸ دامىتۋعا دا ىقپال ەتتٸ.
جوبانىڭ تاعى بٸر ماڭىزدى جەتٸستٸگٸ – وعان اۆتورلىق قۇقىق كۋەلٸگٸنٸڭ الىنۋى. بۇل ستارتاپتىڭ يننوۆاتسييالىق ەلەۋەتٸن راستايتىن ماڭىزدى قادام.
ۋنيۆەرسيتەتتٸڭ باسقارما تٶراعاسى – رەكتورى گٷلميرا قاناي جوبانىڭ بولاشاعىنا سەنٸم بٸلدٸرٸپ, ونىڭ مەملەكەتتٸك دەڭگەيدە كەڭٸنەن قولدانىلاتىنىنا ٷمٸت ارتتى. سونىمەن قاتار, ول مۇنداي باستامالار ستۋدەنتتەردٸڭ پراكتيكالىق داعدىلارىن نىعايتىپ, ولاردى ناقتى پروبلەمالاردى شەشۋگە باعىتتايتىنىن اتاپ ٶتتٸ.
