مەسكەۋدە ۇستالىپ, ٷي قاماقتا وتىرعان قازاقستاندىق تانىمال بانكير جومارت ەرتاەۆ سوتتا قازاقستانداعى ناتسيونال-پاتريوتتاردىڭ وعان قوقان-لوقى كٶرسەتٸپ جاتقاندارىن ايتتى. بۇل جٶنٸندە "كوممەرسانت" جازدى.
"ولار رەسەيدٸ قازاقستاننىڭ تەلەكوممۋنيكاتسييالىق نارىعىنان ىعىستىرعىسى كەلەدٸ. ەگەر بٸز قازٸر تنت-نى جوعالتساق, قازاقستاندىقتاردىڭ كەلەسٸ ۇرپاعى تٷرٸك سەريالدارىنان تەربيە الاتىن بولادى", - دەپ كەلتٸردٸ باسىلىم ونىڭ سٶزٸن.
ەرتاەۆتىڭ ايتۋىنشا, ونىڭ قىلمىستىق قۋدالانۋىندا "قارجىلاي مٷددەدەن" گٶرٸ ساياسي مٷددە باسىمىراق.
"جاقىندا فجٶق قىزمەتكەرلەرٸ ونىڭ جٷرٸپ-تۇرۋىن باقىلاپ وتىرۋ ٷشٸن وعان ەلەكتروندى بٸلەزٸك تاعادى", - دەپ جازدى گازەت.
جومارت ەرتاەۆ كەي جىلدارى اليانس-بانك پەن ەۋرازييالىق بانكتٸ باسقاردى, Bank RBK مەن Qazaq Banki ديرەكتورلار كەڭەسٸنٸڭ كەڭەسشٸسٸ, سونىمەن قاتار, "الما تۆ" باس ديرەكتورى بولدى.
ەسكە سالا كەتەيٸك, 8 مامىردا مەسكەۋ ورتالىعىنداعى موسكۆا-سيتي بيزنەس-ورتالىعىنىڭ ماڭىندا ارنايى جاساق ساربازدارى قازاقستاندىق بانكير ەرٸ كەسٸپكەر جومارت ەرتاەۆتى ۇستادى. كەيٸن قازاقستاننىڭ ٸشكٸ ٸستەر مينيسترلٸگٸنٸڭ ٶكٸلدەرٸ قازاقستاندىق بانكير ەرٸ كەسٸپكەر جومارت ەرتاەۆتىڭ نە سەبەپتٸ ۇستالعانىن ايتتى.
"ول "Bank RBK" اق ديرەكتورلار كەڭەسٸنٸڭ تٶراعاسىنىڭ كەڭەسشٸسٸ بولا وتىرىپ, كەلٸسٸلگەن جشس-لارعا 80 ميلليون دوللار كٶلەمٸندە بانكتٸك قارىز بەرۋدٸ لوببيلەگەن, سونداي-اق, العان قاراجاتتاردى الداعى ۋاقىتتا قايتارماۋ ماقساتىندا ەرەكەت ەتكەن", - دەپ حابارلادى مينيسترلٸك ٶكٸلدەرٸ.
