قر پرەزيدەنتتٸگٸنە كانديدات ەمٸرجان قوسانوۆ مەملەكەتتٸك تٸلدٸ ەركٸن مەڭگەرگەن. مۇنداي قورىتىندىنى بٷگٸن قر ورتالىق سايلاۋ كوميسسيياسى جانىنان قۇرىلعان قر پرەزيدەنتتٸگٸنە كانديداتتىڭ مەملەكەتتٸك تٸلدٸ مەڭگەرۋ دەڭگەيٸن انىقتايتىن لينگۆيستيكالىق كوميسسييا شىعاردى, دەپ حابارلايدى "ۇلت اقپارات".
"بٷگٸن مەملەكەتتٸك تٸلدەن ەمتيحان تاپسىرۋعا قوسانوۆ ەمٸرجان ساعيدراحمانۇلى كەلدٸ. ٶزدەرٸڭٸز بٸلەسٸزدەر, ەمتيحان ٷش كەزەڭنەن ٶتەدٸ. جازبا جۇمىسىنىڭ تاقىرىبى "تمد تاريحى مەن بٷگٸنٸ" بولدى. سودان كەيٸن مەتٸن وقۋعا اقىن قادىر مىرزا ەلٸنٸڭ شىعارمالارىن تاڭداپ الدى. ٷشٸنشٸ كەزەندە "ٶنەر بٸلٸم بار جۇرتتار" دەگەن تاقىرىپتا سٶز سٶيلەدٸ", - دەدٸ كوميسسييا تٶراعاسى مىرزاتاي جولداسبەكوۆ كانديداتتىڭ ەمتيحان قورىتىندىسىن جارييالاي كەلە.
ونىڭ ايتۋىنشا, پرەزيدەنتتٸككە كانديدات ەمتيحاننىڭ بارلىق ٷش كەزەڭٸنەن سٷرٸنبەي ٶتتٸ.
"جازبا جۇمىسىن بيٸك دەڭگەيدە جازىپ, تاقىرىپتى تەرەڭ قامتىدى. قادىر مىرزا ەلٸ زامانداسىمىزدىڭ ٶلەڭٸن ەركٸن, ەدەمٸ وقىدى. ٷشٸنشٸ "ٶنەر-بٸلٸم بار جۇرتتار" دەگەن تاقىرىپتا دا ٶتە ەدەمٸ ەڭگٸمە ٶربٸتتٸ. بٸز قاناعاتتاندىق. سونىمەن لينگۆيستيكالىق كوميسسيياسىنىڭ قورىتىندىسى - قوسانوۆ ەمٸرجان ساعيدراحمانۇلى مەملەكەتتٸك تٸلدٸ ەركٸن مەڭگەرگەن. باسقا پٸكٸر جوق", - دەدٸ م.جولداسبەكوۆ.
