جولاۋشىلار اۆتوكٶلٸگٸ قىزمەتتەرٸنٸڭ باعاسى 1 جىلدا 6 پايىزعا قىمباتتادى. بۇعان قوسا تامىز ايىندا جولاۋشىلار تاسىمالى ٶتكەن جىلمەن سالىستىرعاندا 8 ەسەگە جۋىق تٶمەندەپ وتىر, دەپ حابارلايدى "ۇلت اقپارات" energyprom.kz-كە سٸلتەم جاساپ.
2020 جىلدىڭ قاڭتار-تامىزىندا اۆتوموبيل جەنە قالالىق ەلەكتر كٶلٸكتەرٸمەن 7 ملرد ادام تاسىمالداندى. بۇل وسىدان 1 جىل بۇرىنعى كٶرسەتكٸشتەن 2,2 ەسەگە تٶمەن. ال تامىز ايىندا 260,9 ملن جولاۋشى تاسىمالدانىپ, كٶرسەتكٸش شٸلدەمەن سالىستىرعاندا 5,4 پايىز جوعارى بولعانىمەن 2019 جىلدىڭ تامىزىنا قاراعاندا 7,9 ەسەگە كەمٸدٸ. جولاۋشىلار اينالىمى جىل ٸشٸندە 2,3 ەسەگە ازايىپ, 75 ملرد جولاۋشى-شاقىرىم بولدى. تامىزدا جولاۋشىلار اينالىمى 3,1 ملرد جولاۋشى-شاقىرىمعا جەتٸپ, وسى جىلدىڭ شٸلدەسٸمەن سالىستىرعاندا 9,1 پايىز ٶسٸم كٶرسەتتٸ. دەگەنمەن, 2019 جىلدىڭ تامىزىمەن سالىستىرعاندا بۇل كٶرسەتكٸش 7,3 پايىزعا كەم.
اۆتوموبيل جەنە قالالىق ەلەكتر كٶلٸكتەرٸمەن تاسىمالدانعان جولاۋشىلاردىڭ ەڭ كٶبٸ ەدەتتەگٸدەي اۆتوبۋستار مەن تاكسيلەرگە تيەسٸلٸ. اۆتوبۋستارمەن 5 ملرد جولاۋشى تاسىمالداندى. بۇل ٶتكەن جىلدىڭ كٶرسەتكٸشٸنەن 2,3 ەسەگە از. تاكسيمەن 2 ملرد ادام تاسىمالدانىپ, 2019 جىلعى كٶرسەتكٸشپەن سالىستىرعاندا 48,7 پايىزعا تٶمەندەدٸ. اۆتوموبيل كٶلٸكتەرٸمەن 2 ملرد توننا جٷك جەنە قول جٷگٸ تاسىمالدانىپ وتىر. كٶرسەتكٸش ٶتكەن جىلمەن سالىستىرعاندا 8,5 پايىزعا كەمٸدٸ. جٷك اينالىمى 98,7 ملرد توننا-شاقىرىمعا جەتكەنٸمەن بٸر جىل بۇرىنعى كٶرسەتكٸشكە قاراعاندا 14,3 پايىزعا تٶمەندەدٸ. تامىزدا جٷك اينالىمى كٶلەمٸ شٸلدەمەن سالىستىرعاندا 3,4 پايىزعا ارتىپ, 14,9 ملرد توننا-شاقىرىم بولدى. دەگەنمەن, ٶتكەن جىلدىڭ تامىزىمەن سالىستىرعاندا 15,4 پايىزعا كەم.
وسى جىلدىڭ 8 ايىنىڭ قورىتىندىسىندا اۆتوموبيل جەنە قالالىق ەلەكتر كٶلٸكتەرٸنٸڭ كٸرٸسٸ 152,9 ملرد تەڭگەگە بولعانىمەن بٸر جىلدىڭ ٸشٸندە 11,6 پايىزعا قۇلدىراپ وتىر. ٶتكەن جىلى ولاردىڭ كٸرٸستەرٸ 173 ملرد تەڭگەگە جەتٸپ, جىل ٸشٸندە 8,2 پايىزكا ارتقان ەدٸ.
تامىزدا جولاۋشىلار كٶلٸگٸ قىزمەتتەرٸنٸڭ باعاسى ٶتكەن جىلدىڭ تامىزىمەن سالىستىرعاندا 5,7 پايىزعا قىمباتتادى. تەك شىمكەنت قالاسىندا عانا باعا ٶزگەرٸسسٸز قالدى. قىزمەت باعاسىنىڭ ەڭ جوعارى ٶسٸمٸ تٷركٸستان وبلىسىندا 28,1, ال ماڭعىستاۋ وبلىسىندا 25,4 پايىز بولدى.
