Jolaýshylar avtokóligi qyzmetteriniń baǵasy 1 jylda 6 paiyzǵa qymbattady. Buǵan qosa tamyz aiynda jolaýshylar tasymaly ótken jylmen salystyrǵanda 8 esege jýyq tómendep otyr, dep habarlaidy "Ult aqparat" energyprom.kz-ke siltem jasap.
2020 jyldyń qańtar-tamyzynda avtomobil jáne qalalyq elektr kólikterimen 7 mlrd adam tasymaldandy. Bul osydan 1 jyl burynǵy kórsetkishten 2,2 esege tómen. Al tamyz aiynda 260,9 mln jolaýshy tasymaldanyp, kórsetkish shildemen salystyrǵanda 5,4 paiyz joǵary bolǵanymen 2019 jyldyń tamyzyna qaraǵanda 7,9 esege kemidi. Jolaýshylar ainalymy jyl ishinde 2,3 esege azaiyp, 75 mlrd jolaýshy-shaqyrym boldy. Tamyzda jolaýshylar ainalymy 3,1 mlrd jolaýshy-shaqyrymǵa jetip, osy jyldyń shildesimen salystyrǵanda 9,1 paiyz ósim kórsetti. Degenmen, 2019 jyldyń tamyzymen salystyrǵanda bul kórsetkish 7,3 paiyzǵa kem.
Avtomobil jáne qalalyq elektr kólikterimen tasymaldanǵan jolaýshylardyń eń kóbi ádettegidei avtobýstar men taksilerge tiesili. Avtobýstarmen 5 mlrd jolaýshy tasymaldandy. Bul ótken jyldyń kórsetkishinen 2,3 esege az. Taksimen 2 mlrd adam tasymaldanyp, 2019 jylǵy kórsetkishpen salystyrǵanda 48,7 paiyzǵa tómendedi. Avtomobil kólikterimen 2 mlrd tonna júk jáne qol júgi tasymaldanyp otyr. Kórsetkish ótken jylmen salystyrǵanda 8,5 paiyzǵa kemidi. Júk ainalymy 98,7 mlrd tonna-shaqyrymǵa jetkenimen bir jyl burynǵy kórsetkishke qaraǵanda 14,3 paiyzǵa tómendedi. Tamyzda júk ainalymy kólemi shildemen salystyrǵanda 3,4 paiyzǵa artyp, 14,9 mlrd tonna-shaqyrym boldy. Degenmen, ótken jyldyń tamyzymen salystyrǵanda 15,4 paiyzǵa kem.
Osy jyldyń 8 aiynyń qorytyndysynda avtomobil jáne qalalyq elektr kólikteriniń kirisi 152,9 mlrd teńgege bolǵanymen bir jyldyń ishinde 11,6 paiyzǵa quldyrap otyr. Ótken jyly olardyń kiristeri 173 mlrd teńgege jetip, jyl ishinde 8,2 paiyzka artqan edi.
Tamyzda jolaýshylar kóligi qyzmetteriniń baǵasy ótken jyldyń tamyzymen salystyrǵanda 5,7 paiyzǵa qymbattady. Tek Shymkent qalasynda ǵana baǵa ózgerissiz qaldy. Qyzmet baǵasynyń eń joǵary ósimi Túrkistan oblysynda 28,1, al mańǵystaý oblysynda 25,4 paiyz boldy.
