قازاقستان جوعارعى سوتىنىڭ قىلمىستىق ٸستەر بويىنشا كاسساتسييالىق القاسى 22 قاڭتاردا اقمولا گارنيزونى ەسكەري سوتىنىڭ 2018 جىلدىڭ 26 قاڭتارىندا ۇلتتىق قاۋٸپسٸزدٸك كوميتەتٸنٸڭ (ۇقك) بۇرىنعى تٶراعاسى نارتاي دٷتباەۆقا شىعارعان ٷكٸمٸنە باس پروكۋراتۋرانىڭ قارسى شاعىمىن قارادى, دەپ جازادى ازاتتىق.
جوعارعى سوت دٷتباەۆقا كەسٸلگەن 12 جىلدىق تٷرمە جازاسىن 11 جىلعا ازايتتى. بۇل تۋرالى دٷتباەۆتىڭ ادۆوكاتى نىعمەت ەسٸرگەپوۆ حابارلاعان. ادۆوكات كاسساتسييالىق القا ٸستٸ جابىق قاراعانىن, سوندىقتان ٶزٸ قورعايتىن ادامنىڭ ٸسٸ جەنە كاسساتسييالىق پروتسەسس تۋرالى تولىق اقپارات بەرە المايتىنىن ايتتى.
جوعارعى سوت باسپاسٶز قىزمەتٸنٸڭ قىزمەتكەرلەرٸ بۇل ٸس بويىنشا كاسساتسييالىق القا شەشٸمٸ تۋرالى كٷننٸڭ سوڭىنا قاراي عانا ايتا الۋى مٷمكٸن ەكەنٸن حابارلادى.
اقمولا گارنيزونىنىڭ ەسكەري سوتى نارتاي دٷتباەۆتى قارجى جىمقىردى جەنە قارجى بوپسالادى دەگەن ايىپپەن 12 جىلعا سوتتاعان. مۇنداي ايىپتارمەن ورىنباسار قالقاباەۆ پەن نارتاي دٷتباەۆتىڭ ٸنٸسٸ رٷستەمبەك دٷتباەۆ تا تٷرمەگە جابىلعان.
دٷتباەۆ وسىعان دەيٸن 2017 جىلى «مەملەكەتتٸك قۇپييانى جارييالاۋ» ٸسٸ بويىنشا جەتٸ جىلعا سوتتالعان. ال 2018 جىلى 26 قاڭتاردا ەسكەري سوت دٷتباەۆ «قارجى جىمقىرۋ جەنە جىلىستاتۋ» ايىپتارىمەن 12 جىلعا سوتتالعانىن, ەكٸ جازانىڭ جارتىلاي بٸرٸكتٸرٸلٸپ, سوڭعى شەشٸم رەتٸندە 12 جىل كەسٸلگەنٸن حابارلاعان. ول كەزدە قالقاباەۆ پەن رٷستەمبەك دٷتباەۆقا جازالارى بٸرٸكتٸرٸلٸپ, ەرقايسىسىنا سەگٸز جىلدان جازا كەسٸلگەن.
نارتاي دٷتباەۆ ۇقك-نٸ 2001 جىلعى جەلتوقساننان 2006 جىلعى اقپاننىڭ 22-سٸنە دەيٸن باسقارعان. ول وپپوزيتسييا جەتەكشٸسٸ التىنبەك سەرسەنبايۇلىن قاستاندىقپەن ٶلتٸرۋگە ۇقك-نٸڭ «ارىستان» ارنايى جاساعى قىزمەتكەرلەرٸنٸڭ قاتىسى بارى انىقتالعاننان كەيٸن وتستاۆكاعا كەتكەن. دٷتباەۆ كەيٸن ۇقك اكادەميياسىنىڭ باسشىسى, پرەزيدەنت نۇرسۇلتان نازارباەۆتىڭ كەڭەسشٸسٸ بولدى. از ۋاقىت «قازاتومٶنەركەسٸبٸ» ۇلتتىق كومپانيياسىنىڭ ۆيتسە-پرەزيدەنتٸ قىزمەتٸن اتقاردى. ال 2016 جىلى جەلتوقساندا قاماۋعا الىندى.
