فوتو: Flickr
ۋكراينا جوعارعى راداسىنىڭ دەپۋتاتى الەكسەي گونچارەنكو پرەزيدەنت كەڭسەسٸنٸڭ كەڭەسشٸسٸ الەكسەي ارەستوۆيچتٸ قىزمەتتەن الۋ تۋرالى تالاپ جازىلعان حاتقا قول جيناۋ باستالعانىن حابارلادى. بۇعان قوسا ول ۋكراينا قاۋٸپسٸزدٸك قىزمەتٸنەن ارەستوۆيچتٸڭ ٸس-ەرەكەتٸندە مەملەكەتكە وپاسىزدىق جاساۋ قىلمىسى بار-جوعىن تەكسەرۋدٸ تالاپ ەتكەن, دەپ جازادى ازاتتىق.
بۇدان بٶلەك پرەزيدەنت ۆلاديمير زەلەنسكييدٸڭ ەكٸمشٸلٸگٸ "ارەستوۆيچتٸڭ سوعىس تاقىرىبىنا ايتقان سٶزدەرٸ پرەزيدەنت كەڭسەسٸنٸڭ رەسمي پوزيتسيياسىنا ەش قاتىسى جوق" دەپ رەسمي مەلٸمدەۋٸ كەرەك دەپ سانايدى گونچارەنكو.
16 قاڭتاردا جوعارعى رادانىڭ تاعى بٸرنەشە دەپۋتاتى پرەزيدەنت كەڭسەسٸنٸڭ باسشىسى اندرەي ەرماكتان بيلٸكتٸڭ رەسمي پوزيتسيياسى مەن ارەستوۆيچتٸڭ ۇستانىمىن اجىراتۋدى سۇراپ ٶتٸنٸش قىلعان. ولاردىڭ پٸكٸرٸنشە, كەڭەسشٸ ارەستوۆيچتٸڭ "ٸس-ەرەكەتٸ ەلگە زييان تيگٸزەدٸ", مىسالى, ونىڭ دنەپر قالاسىنداعى كٶپقاباتتى ٷيدٸڭ قيراۋىنىڭ سەبەبٸ تۋرالى ايتقان سٶزٸن "اگرەسسور ەلدٸڭ مەدياسى قولما قول ٸلٸپ الىپ, جار سالا تاراتتى" دەپ جازعان ولار.
14 قاڭتاردا فەيگين Live YouTube-ارناسىنا بەرگەن سۇحباتىندا الەكسەي ارەستوۆيچ دنەپر قالاسىنداعى كٶپقاباتتى تۇرعىن ٷيدٸڭ تۇتاس بٸر پودەزٸن قيراتقان رەسەيلٸك زىمىراندى ۋكراينا كٷشتەرٸنٸڭ ەۋە شابۋىلىنا قارسى جٷيەسٸ اتىپ تٷسٸرگەن دەپ مەلٸمدەدٸ. ۋكراينا قورعانىس مينيسترلٸگٸ مۇنى جوققا شىعارىپ, رەسەي زىمىرانى كٶزدەپ اتقان نىساناعا دەل تيگەن دەپ ايتتى.
كەيٸنٸرەك ارەستوۆيچ ەۋەلٸ "ەفيردە شارشاپ وتىرىپ ايتقان" سٶزٸ ٷشٸن كەشٸرٸم سۇراپ, بٸراق ارتىنان اينىپ قالدى. پرەزيدەنت كەڭسەسٸ كەڭەسشٸسٸنٸڭ سٶزٸ ۋكراينادا داۋ تۋعىزدى. دنەپر قالاسىنىڭ مەرٸ بوريس فيلاتوۆ ارەستوۆيچتٸ "مەنمەنسٸگەن", "ٸرٸگەن اۋزىنان شٸرٸگەن سٶز شىعادى" دەپ سٶكتٸ.
ايتا كەتەيٸك, بىلتىر 24 اقپاندا رەسەي ۋكرايناعا قارسى باسقىنشىلىق سوعىس اشقاننان كەيٸن الەكسەي ارەستوۆيچ پرەزيدەنت زەلەنسكيي كەڭسەسٸنٸڭ نەگٸزگٸ سپيكەرلەرٸنٸڭ بٸرٸنە اينالعان. ارەستوۆيچتٸڭ سوعىستىڭ بارىسى جايلى ايتقان ەفيرلەرٸ ميلليونداپ قارالادى.
ۋكراينانىڭ سوتسيولوگييا قىزمەتتەرٸ جٷرگٸزگەن زەرتتەۋ دەرەكتەرٸ بويىنشا, ارەستوۆيچ ەلدەگٸ ەڭ تانىمال ساياساتكەرلەر مەن قوعام قايراتكەرلەرٸنٸڭ ٷشتٸگٸنە ەنەدٸ: ول پرەزيدەنت ۆلاديمير زەلەنسكيي مەن ەسكەرباسى ۆالەريي زالۋجنىيدان كەيٸن ٷشٸنشٸ ورىندا تۇر. بىلتىر تامىزدا ارەستوۆيچ كەلەسٸ پرەزيدەنت سايلاۋىنا تٷسۋٸ مٷمكٸن ەكەنٸن مەلٸمدەگەن.
Copyright (c) 2013. RFE/RL, Inc. Reprinted with the permission of Radio Free Europe/Radio Liberty, 1201 Connecticut Ave., N.W. Washington DC 20036.
