قازاقستان رەپرودۋكتيۆتٸ مەديتسينا قاۋىمداستىعىنىڭ پرەزيدەنتٸ, قر باس رەپرودۋكتولوگى ۆياچەسلاۆ لوكشين ەكستراكورپورالدى ۇرىقتاندىرۋ تەحنولوگيياسىنىڭ دامۋى دونور قىزمەتٸنە سۇرانىستى ازايتقانىن ايتتى, دەپ حابارلايدى قازاقپارات.
«بيىل «ەكو» ارقىلى دٷنيەگە كەلگەن العاشقى قازاقستاندىق بالا 25-كە كەلدٸ. وسىناۋ 25 جىلدىق قىسقا ۋاقىتتىڭ ٸشٸندە ەلٸمٸزدە 85 مىڭ ەرلٸ-زايىپتى ەمدەۋدەن ٶتكەن. قازان ايىندا «ەكو» ارقىلى 25 مىڭىنشى بالا ٶمٸرگە كەلدٸ. بۇل - ٶتە ماڭىزدى وقيعا دەۋگە بولادى. وسى قىسقا ۋاقىتتا ەلٸمٸزدە زاماناۋي تەحنولوگييالاردىڭ بەرٸ ەنگٸزٸلگەنٸن ايتۋ كەرەك. ونىڭ اراسىندا يمپلانتاتسييا الدىنداعى گەنەتيكالىق سكرينينگ تە بار. ياعني, بٷگٸندە 5 كٷندٸك ەمبريوننىڭ بٷكٸل حروموسومالارىن زەرتتەۋگە مٷمكٸندٸك بار. وسىنىڭ ارقاسىندا پاتولوگيياسى بار ەمبريوندى جاتىرعا سالماي تۇرىپ دياگنوستيكالاۋعا بولادى», - دەدٸ ول ورتالىق كوممۋنيكاتسييالار قىزمەتٸندە ٶتكەن بريفينگٸدە.
ونىڭ ايتۋىنشا, قازٸرگٸ تەحنولوگييالاردىڭ ارقاسىندا ەرلەردٸڭ بەلسٸزدٸگٸن ەمدەۋدٸڭ تٷرلٸ تەسٸلدەرٸ تارالعان.
«ەكوباعدارلامالار اياسىندا جٷرگٸزٸلەتٸن ەمنٸڭ شامامەن 50 پايىزى ەرلەردٸڭ سىرقاتىمەن بايلانىستى. جالپى, بالا سٷيە الماي جٷگٸنگەندەردٸڭ 40 پايىزىندا - ەيەل بەدەۋلٸگٸ, 30 پايىزىندا - ەرلەردٸڭ فاكتورى, قالعانىندا ەكٸجاقتى فاكتور كەزدەسەدٸ. ەرلەر فاكتورى «ەكو» جاساتۋعا جيٸ سەبەپ بولادى. توقسانىنشى جىلدارى ICSI تەحنولوگيياسى پايدا بولعاننان بەرٸ جۇمىرتقا جاسۋشاسىنا بٸر عانا cپەرماتوزويد سالۋ ارقىلى ۇرىقتاندىرۋعا بولاتىنى دەلەلدەندٸ. سونىڭ ارقاسىندا بەلسٸز دەپ تانىلعان ەرلەردٸڭ كٶبٸ ٶز كٸندٸگٸنەن شىققان بالا سٷيۋ مٷمكٸندٸگٸنە يە بولىپ وتىر. قازٸر دونوردىڭ ۇرىعىنا سۇرانىس سيرەك», - دەدٸ ۆياچەسلاۆ لوكشين.
