الماتىدا بالانى بيٸكتٸكتەن قۇلاي جازداعان بالانى قۇتقارعان ستۋدەنت ماراپاتتالدى, - دەپ حابارلايدى Tengrinews.kz اگەنتتٸگٸ تٶتەنشە جاعدايلار دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
تٶتەنشە جاعدايلار دەپارتامەنتٸ مەلٸمەتٸنشە, مينيستر يۋريي يليننٸڭ بۇيرىعى بويىنشا الماتىدا اباي اتىنداعى پەداگوگيكالىق ۋنيۆەرسيتەتٸ دەنە شىنىقتىرۋ فاكۋلتەتٸنٸڭ 18 جاستاعى ستۋدەنتٸ ەراسىل ماحمۇد ماراپاتتالعان. ول بالانى امان الىپ قالعانى ٷشٸن "تٶتەنشە جاعدايداعى ەرلٸگٸ ٷشٸن" تٶسبەلگٸسٸمەن ماراپاتتالدى.
"الماتىدا سالتاناتتى تٷردە ۇجىمنىڭ قاتىسۋىمەن مينيستردٸڭ اتىنان ماراپاتتى الماتى قالاسى تٶتەنشە جاعدايلار دەپارتامەنتٸنٸڭ باسشىسى رۋسلان قاسىباەۆ تابىس ەتتٸ. رۋسلان قاسىباەۆ ەراسىلدىڭ اتا-اناسىنا ۇلىنا لايىقتى تەربيە بەرگەنٸ ٷشٸن العىسىن بٸلدٸردٸ. ول قازاقستاندا وسىنداي بالالار باردا اعا بۋىن ەلٸمٸزدٸڭ بولاشاعىنا سەنٸمدٸ بولا الاتىنىن ايتتى", - دەدٸ تٶتەنشە جاعدايلار مينيسترلٸگٸ ٶكٸلدەرٸ.
ەسكە سالايىق, 21 شٸلدەدە ماحمۇد ەراسىل 67 جاستاعى ەرمەكباي تاماباەۆتىڭ ٶتٸنٸشٸن جەرگە قالدىرماعان. كٶپقاباتتى ٷيدٸڭ جەتٸنشٸ قاباتىندا بالا باسپالداقتىڭ قورشاۋىندا قىسىلىپ قالعان. بار كٷشٸمەن تەمٸر توردان ۇستاپ تۇرعان كٸشكەنتاي بالانى ەراسىل ۇستاپ, امان الىپ قالدى.
نازار اۋدارىڭىز! ۆيدەودا بالاعات سٶزدەر ايتىلعان.
