Almatyda balany biiktikten qulai jazdaǵan balany qutqarǵan stýdent marapattaldy, - dep habarlaidy Tengrinews.kz agenttigi Tótenshe jaǵdailar departamentiniń baspasóz qyzmetine silteme jasap.
Tótenshe jaǵdailar departamenti málimetinshe, ministr Iýrii Ilinniń buiryǵy boiynsha Almatyda Abai atyndaǵy pedagogikalyq ýniversiteti dene shynyqtyrý fakýltetiniń 18 jastaǵy stýdenti Erasyl Mahmud marapattalǵan. Ol balany aman alyp qalǵany úshin "Tótenshe jaǵdaidaǵy Erligi úshin" tósbelgisimen marapattaldy.
"Almatyda saltanatty túrde ujymnyń qatysýymen ministrdiń atynan marapatty Almaty qalasy Tótenshe jaǵdailar departamentiniń basshysy Rýslan Qasybaev tabys etti. Rýslan Qasybaev Erasyldyń ata-anasyna ulyna laiyqty tárbie bergeni úshin alǵysyn bildirdi. Ol Qazaqstanda osyndai balalar barda aǵa býyn elimizdiń bolashaǵyna senimdi bola alatynyn aitty", - dedi Tótenshe jaǵdailar ministrligi ókilderi.
Eske salaiyq, 21 shildede Mahmud Erasyl 67 jastaǵy Ermekbai Tamabaevtyń ótinishin jerge qaldyrmaǵan. Kópqabatty úidiń jetinshi qabatynda bala baspaldaqtyń qorshaýynda qysylyp qalǵan. Bar kúshimen temir tordan ustap turǵan kishkentai balany Erasyl ustap, aman alyp qaldy.
Nazar aýdaryńyz! Videoda balaǵat sózder aitylǵan.
