جەتٸ جاسار ميلانا داۆىدوۆانى ٶلتٸرگەن ەر ادام ٶمٸر بويىنا باس بوستاندىعىنان ايىرىلدى

پاۆلوداردىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى ميلانا داۆىدوۆانى ايۋاندىقپەن ٶلتٸرۋ ٸسٸ بويىنشا ٷكٸم شىعاردى, دەپ حابارلايدى "ۇلت اقپارات".

قىزدىڭ اناسى قىلمىسقا قاتىسقانى ٷشٸن 20 جىلعا باس بوستاندىعىنان ايىرىلدى. سوتتالعاندار ٶز كٸنەلارىن مويىندامادى.

"سوتتالۋشىلاردىڭ ەرەكەتتەرٸ اسا اۋىر قىلمىستار ساناتىنا جاتادى جەنە نەگٸزگٸ جازا رەتٸندە 20 جىلعا باس بوستاندىعىنان ايىرۋ نەمەسە ٶمٸر بويىنا باس بوستاندىعىنان ايىرۋدى كٶزدەيدٸ. ەبٸلدينوۆ قىلمىستىق كودەكستٸڭ "كەمەلەتكە تولماعان ادامدى اسا قاتٸگەزدٸكپەن ٶلتٸرۋ" بابى بويىنشا كٸنەلٸ دەپ تانىلدى. وعان قاۋٸپسٸزدٸگٸ جوعارى مەكەمەدە ٶمٸر بويىنا باس بوستاندىعىنان ايىرۋ جازاسى تاعايىندالدى," – دەدٸ سۋديا نۇرلان قايىربەكوۆ.

سونىمەن قاتار, ەر ادام الكوگولگە تەۋەلدٸلٸكتەن ەمدەلەدٸ.

قىلمىستىق كودەكستٸڭ 46-بابىنىڭ 4-بٶلٸگٸنە سەيكەس, ٶمٸر بويىنا باس بوستاندىعىنان ايىرۋ جازاسى ەيەلدەرگە تاعايىندالمايتىنىنا بايلانىستى, سوت ەيەلگە 20 جىلعا باس بوستاندىعىنان ايىرۋ جازاسىن بەردٸ. سونداي-اق, ول پەداگوگيكالىق جەنە كەمەلەتكە تولماعاندارمەن جۇمىس ٸستەۋگە بايلانىستى لاۋازىمداردى اتقارۋ قۇقىعىنان ايىرىلدى.

"داۆىدوۆاعا 20 جىلعا باس بوستاندىعىنان ايىرۋ جازاسىن ورتاشا قاۋٸپسٸزدٸكتەگٸ تٷزەۋ كولونيياسىندا ٶتەۋ تۋرالى ٷكٸم شىعارىلدى," – دەدٸ سۋديا.

ٷكٸم زاڭدى كٷشٸنە ەنگەن جوق جەنە وعان شاعىم جاساۋعا بولادى.

سوت ٷكٸمٸ جارييالانعاننان كەيٸن ايىپتالۋشى نارازىلىق بەلگٸسٸ رەتٸندە ٶزٸنە زاقىم كەلتٸردٸ.

ەسكە سالساق, بىلتىر قاراشا ايىندا بەسقاۋعا اۋىلىندا جەتٸ جاسار ميلانا داۆىدوۆا ٸز-تٷسسٸز جوعالىپ كەتتٸ. ونى ٸزدەۋگە 500-گە جۋىق ادام جۇمىلدى. بٸرنەشە كٷننەن كەيٸن قىزدىڭ اناسى جاساعان قىلمىسىن مويىنداپ, قىزىنىڭ دەنەسٸن جاسىرعان ورىندى كٶرسەتتٸ. سونداي-اق قىلمىسقا تاعى بٸر ەر ادامنىڭ قاتىسى بارى انىقتالدى. ول ەيەلگە قىزدىڭ دەنەسٸن جاسىرۋعا كٶمەكتەسكەن.