جەردٸ ساۋدا مەن ساياساتتىڭ قۇرالىنا اينالدىرماۋىمىز كەرەك. مۇنداي پٸكٸردٸ بٷگٸن سەناتتىڭ جالپى وتىرىسىندا جەر قاتىناستارىن رەتتەۋ مەسەلەلەرٸن كٶزدەيتٸن زاڭ جوباسىن تالقىلاۋ بارىسىندا دەپۋتات مۇرات باقييارۇلى بٸلدٸردٸ, دەپ حابارلايدى قازاقپارات.
«قازاقتىڭ جەرٸ - قازاقتىڭ جانى مەن دەمٸ, تٸرشٸلٸگٸ, تەۋەلسٸزدٸگٸمٸزدٸڭ تٸرەگٸ. جەر - ۇلتارالىق تاتۋلىقتىڭ نەگٸزٸ. بٸرنەشە عاسىرلار بويى وتارلاۋ ساياساتىنىڭ زاردابىن تارتقان قازاق حالقى شەتەلدٸكتەرگە جەردٸ جالعا بەرۋدٸ قابىلداي بەرمەيتٸندٸكتەرٸنە كٶزٸمٸز انىق جەتكەندەي بولدى. وسى بٸر كٶڭٸل اۋانىن ەسكەرٸپ, جەردٸ ساۋدا مەن ساياساتتىڭ قۇرالىنا اينالدىرماۋىمىز كەرەك. جەر تاعدىرىنا حالىق الاڭداپ وتىر, «جەر حالىقتىڭ ورتاق بايلىعى, جەكەشەلەنبەيدٸ, ساتىلماۋى كەرەك» دەگەن وي-پٸكٸرلەر بۇرىن دا, قازٸر دە ايتىلىپ كەلەدٸ. بٸزدەر مۇنى ەسكەرۋٸمٸز كەرەك. سوندىقتان دا بولاشاقتا جەردٸ پايدالانۋدىڭ وسى كەزگە دەيٸن قولدانىلىپ كەلە جاتقان جالعا بەرۋ تٷرٸن عانا نەگٸز ەتٸپ العانىمىز دۇرىس», - دەدٸ مۇرات باقتييارۇلى.
ال سەناتور تٶلەۋبەك مۇقاشەۆ قازٸرگٸ ۋاقىتتا اۋىل تۇرعىندارى جەر ۋچاسكەلەرٸن رەسٸمدەۋ ٷشٸن كٶپتەگەن كەدەرگٸلەرگە تاپ بولىپ وتىرعانىن ايتتى.
«ەسٸرەسە بۇل مەسەلە الشاق جەردە ورنالاسقان اۋىل تۇرعىندارىنا ٶتە قيىن. سوندىقتان اۋىل ەكٸمٸ جەر ۋچاسكەلەرٸن جەكەمەنشٸككە نەمەسە ونى پايدالانۋعا بەرۋ قىزمەتٸن ٶز موينىنا الۋى تيٸس. وسىلايشا اۋىل تۇرعىندارى ٷشٸن ەكٸمشٸلٸك توسقاۋىلداردىڭ قاۋپٸ تٶمەندەيدٸ. تاعى دا بٸر مەسەلە, جەر ۋچاسكەسٸن شەكتٸ نورماسىن ۇلعايتۋدى قاجەت ەتەدٸ. ەسٸرەسە, اۋىلدى ەلدٸ مەكەندەردە ورىندى بولىپ تابىلادى. سەبەبٸ, بارشامىزعا اۋىلدىڭ جاعدايى مەلٸم. اۋىل تۇرعىنىنىڭ كٷنكٶرٸسٸ جەرمەن بايلانىستى. ٶزٸنٸڭ ۋچاسكەسٸنە جەرمەن قوسا قوراسىن دا, مونشاسىن دا, سارايىن دا تۇرعىزۋى قاجەت», - دەدٸ سەناتور.
اگرارلىق مەسەلەلەر, تابيعاتتى پايدالانۋ جەنە اۋىلدىق اۋماقتاردى دامىتۋ كوميتەتٸنٸڭ حاتشىسى راشيت ەكٸموۆ جەر قاتىناستارىن رەتتەۋ مەسەلەلەرٸن كٶزدەيتٸن زاڭنىڭ قابىلانۋىنا بايلانىستى ٷكٸمەتتٸڭ الدىندا بٸرقاتار مەسەلەنٸڭ تۇرعانىن اتاپ ٶتتٸ.
«ٷكٸمەت الدىندا وسى ٶتپەلٸ كەزەڭ دەپ وتىرعان ۋاقىت ارالىعىندا اۋىل شارۋاشىلىعى جەرلەرٸنە قاتىستى مەسەلەلەردٸ ساياسي-ەكونوميكالىق جەنە ەلەۋمەتتٸك تۇرعىدان ساراپتاپ, جان-جاقتى زەردەلەۋ مٸندەتٸ تۇر. كەلەشەكتە وسى مەسەلەگە بايلانىستى تاعى ناقتى ۇسىنىستاردىڭ بولارى دا انىق», - دەدٸ راشيد ەكٸموۆ.
ايتا كەتەيٸك, بٷگٸن سەناتتىڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە جەر قاتىناستارىن رەتتەۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» قر زاڭى قابىلداندى.
