مەملەكەت باسشىسى باس پروكۋرور بەرٸك اسىلوۆتى قابىلدادى, دەپ حابارلايدى "ۇلت اقپارات" اقورداعا سٸلتەمە جاساپ.
پرەزيدەنتكە ەلٸمٸزدەگٸ زاڭدىلىق پەن قۇقىقتىق تەرتٸپتٸڭ جاي-كٷيٸ, سونداي-اق پروكۋراتۋرا ورگاندارىنىڭ ٶتكەن كەزەڭدەگٸ جۇمىستارىنىڭ قورىتىندىسى تۋرالى مەلٸمەت بەرٸلدٸ.
مەملەكەت باسشىسىنا «قاڭتار وقيعاسى» بويىنشا جٷرگٸزٸلٸپ جاتقان تەرگەۋ امالدارى مەن وعان قاتىسقاندارعا راقىمشىلىق جاساۋ مەسەلەلەرٸ پروكۋراتۋرانىڭ ەرەكشە باقىلاۋىندا تۇرعانى باياندالدى.
قاسىم-جومارت توقاەۆقا قىلمىستىق سالادا 1,8 مىڭنان استام تۇلعانىڭ كونستيتۋتسييالىق قۇقىعى قورعالعانى جٶنٸندە ايتىلدى. پروكۋرورلاردىڭ نارازىلىعى بويىنشا 866 ٷكٸم جويىلىپ, ٶزگەرتٸلدٸ. 183 سوتتالۋشىنىڭ جاعدايى جاقسارتىلدى, 20 ادام اقتالدى. بيزنەستٸ قورعاۋ سالاسىندا 145 مىڭ كەسٸپكەردٸڭ قۇقىعى قالپىنا كەلتٸرٸلدٸ.
بەرٸك اسىلوۆتىڭ ايتۋىنشا, جەر قويناۋىن پايدالانۋ مەن اۆتوموبيل جولدارى سالالارىندا جٷيەلٸ زاڭ بۇزۋ فاكتٸلەرٸ انىقتالدى. يندۋسترييا مينيسترلٸگٸ كەن ٶندٸرۋگە دايىن تۇرعان 144 كەن ورنىن بارلاۋعا كەلٸسٸمشارتتار بەرگەن. بۇدان بٶلەك, جەر قويناۋىن پايدالانۋشىلار بيۋدجەتكە مٸندەتتٸ 96 ميلليارد تەڭگە تٶلەمەگەنٸ انىقتالدى.
ەكونوميكالىق رەسۋرستاردى زاڭسىز شوعىرلاندىرۋعا قارسى ٸس-قيمىل مەسەلەلەرٸ جٶنٸندەگٸ كوميسسييا جۇمىسىنىڭ اياسىندا مەملەكەتكە جىلجىمايتىن مٷلٸك وبەكتٸلەرٸ, جەر ۋچاسكەلەرٸ جەنە باسقا دا مٷلٸك قايتارىلدى.
پروكۋرورلاردىڭ اكتٸلەرٸنە سەيكەس, قۇنى 43 ميلليارد تەڭگەنٸ قۇرايتىن زاڭسىز بەرٸلگەن جەنە ماقساتىنا پايدالانىلماعان 7,3 ميلليون گەكتار جەر مەملەكەتكە قايتارىلدى. سونىڭ ٸشٸندە, وليگوپولييا مەنشٸگٸندەگٸ قۇنى 6 ميلليارد تەڭگە بولاتىن 140 مىڭ گەكتار جەر قايتارىلدى. جۋىق ارادا وليگوپولييا سۋبەكتٸلەرٸنٸڭ مەنشٸگٸندە بولعان 160 مىڭ گەكتار جەر قايتارىلادى.
