2-8 قىركٷيەك ارالىعىندا قىرعىزستاننىڭ شولپان-اتا قالاسىندا دٷنيەجٷزٸلٸك كٶشپەندٸلەر ويىنى ٶتتٸ. قازاقستان سپورتشىلارى بۇل ويىنداردا 18 التىن, 24 كٷمٸس جەنە 30 قولا مەدال يەلەنٸپ, جالپى ەسەپتە 2-ورىن الدى. مەدال سانى ەسەبٸندە 40 التىن, 32 كٷمٸس جەنە 31 قولا مەدال يەلەنگەن قىرعىزستان قۇراماسى ٷزدٸك بولدى.
ەلەۋمەتتٸك جەلٸلەردە قازاقستاندىق سپورتشىلاردىڭ كٶرسەتكەن ٶنەرٸنە سىن ايتقاندار بارشىلىق. ەسٸرەسە تۋرنير فاۆوريتٸ سانالىپ كەلگەن كٶكپارشىلاردىڭ جٶنٸ بٸر بٶلەك دەستٸ جۇرت. الايدا قازاقستان جارتىلاي فينالدا ٶزبەكستان قۇراماسىنا ەسە جٸبەردٸ. وسىدان كەيٸن ونسىز دا قىزىپ تۇرعان ەلەۋمەتتٸك جەلٸدەگٸ داۋعا قىرعىز باق-تارى تٷسٸرگەن ۆيدەولار ماي قۇيعانداي ەسەر قالدىردى.
داۋ نەدەن شىقتى?
مەسەلەن, Facebook جەلٸسٸندە تاراعان ۆيدەوداعى ات ٷستٸندە تۇرىپ سۇحبات بەرگەن قازاق سپورتشىسى كٶپتٸڭ نازارىنا ٸلٸكتٸ. ۆيدەودا سپورتشى ەشقانداي دايىندىق بولماعانىن, قارجىلاندىرۋدىڭ دا جٷرگٸزٸلمەگەنٸن, سونىمەن قاتار, ات جوقتىعىن مەلٸمدەيدٸ.
الايدا, قر مەدەنيەت جەنە سپورت مينيسترلٸگٸنٸڭ باسپاسٶز قىزمەتٸ بۇل ۆيدەونىڭ 2016 جىلى تٷسٸرٸلگەنٸن حابارلادى.
مينيستر نە دەيدٸ?
فاۆوريت سانالعان قۇراما كٶكپارشىلارىنىڭ فينالعا دا شىعا الماۋىن ەلٸمٸزدٸڭ مەدەنيەت جەنە سپورت مينيسترٸ ارىستانبەك مۇحامەديۇلى ەكٸ فاكتورمەن بايلانىستىردى.
"ٶز باسىم بارىپ قاتىستىم, كٶشپەندٸلەر ويىنىنىڭ اشىلۋ سالتاناتىندا قىرعىز ەرٸپتەستەرٸمٸزبەن سٶيلەستٸك. سوندا بٸز تۋرنير يەسٸنٸڭ حالىقارالىق ەرەجەنٸ ساقتاۋى كەرەك ەكەنٸن ايتىپ, جاۋاپتىلاردى شاقىرتتىق. مىسالى, حالىقارالىق ەرەجە بويىنشا, شەڭبەر تۇرۋى قاجەت, ال ۇيىمداستىرۋشىلار وندا قازاندىق قويعان. بۇل ٶتە قاۋٸپتٸ, مەسەلەن ٶتكەن جىلى بٸزدٸڭ سپورتشىلار سونداي قازاندىققا سوعىلىپ, اۋىر جاراقاتتار العان ەدٸ. بٷكٸل ەلەم شەڭبەرگە ٶتٸپ جاتسا, جارىس يەلەرٸ قايتادان قازاندىق سالىپ قويعان. بۇعان, ەرينە, بٸز نارازىلىق تانىتتىق. سولايشا داۋلاسىپ جٷرگەندە بٸر كٷنٸمٸزدٸ جوعالتىپ الدىق", - دەيدٸ مينيستر.
سونىمەن قاتار, مۇحامەديۇلىنىڭ ايتۋىنشا, بۇل دوداعا تەجٸريبە جيناپ قايتسىن دەگەن ويمەن جاس سپورتشىلار جٸبەرٸلگەن.
قازاقستاندىق كٶكپارشىلار ٶز اتتارىمەن بارماعان
جەلٸدەگٸ سىننىڭ بٸر سىپىراسى كٶكپارشىلاردىڭ اتسىز بارعانىنا ايتىلدى. سٶيتسەك, قازاقستاننىڭ ۇلتتىق سپورت قاۋىمداستىعى تۋرنير قارساڭىندا قىرعىزستاننىڭ "كٶكبٶرٸ" فەدەراتسيياسىنا اتپەن قامتاماسىز ەتۋ تۋرالى ٶتٸنٸش جولداعان ەكەن.
قازاقستان كٶكپار فەدەراتسيياسىنىڭ پرەزيدەنتٸ ەرلەن وسپانوۆتىڭ ايتۋىنشا, قىرعىز تاراپىنان مۇنداي كٶمەك سۇراۋدىڭ سەبەبٸ 27 تامىزدا عانا اياقتالعان قازاقستان چەمپيوناتى ەكەن.
"دەل 27 تامىزدا كٶكپاردان قازاقستان چەمپيوناتى اياقتالدى, سوندىقتان اتتاردى دايىنداپ ٷلگەرمەي, قىرعىز تاراپىنا وسىنداي ٶتٸنٸش ايتتىق. قىرعىز تاراپى بٸزگە تەپ-تەۋٸر اتتارىن بەرٸپ, جاقسى كٷتٸپ الدى. دەسە دە, بٸز بۇدان ۋاقىت جوعالتتىق. جالپى ايتقاندا, ٶز اتىمىزبەن بارماۋىمىز جەڭٸلٸس تابۋىمىزعا سەبەپ ەمەس", - دەيدٸ وسپانوۆ.
ال مينيستر ايتقان ويىنداعى شەڭبەر مەن قازاندىق قويۋدىڭ ەرەكشەلٸگٸن قازاقستان كٶكپار فەدەراتسيياسىنىڭ پرەزيدەنتٸ بىلاي دەپ تٷسٸندٸردٸ:
"حالىقارالىق قاۋىمداستىق بار, سول قاۋىمداستىق بەكٸتكەن ەرەجە بويىنشا, بٸز بۇل تۋرنيردە قازاندىقسىز, ياعني شەڭبەر ارقىلى ويناۋىمىز قاجەت ەدٸ. سەبەبٸ قازاندىققا اتتار جيٸ سوعىلىپ, جاراقات الىپ جاتادى, سپورتشىلارىمىز دا اياعىن جاراقاتتايتىن. سوندىقتان ۇلتتىق سپورتىمىزدى وسىلاي يگٸ ماقساتتا مودەرنيزاتسييالاۋ تۋرالى شەشٸمگە قاراماستان, شولپان-اتاداعى دودادا ەسكٸ ەرەجەمەن ويناۋعا مەجبٷر بولدىق", - دەيدٸ ول.
"جۇرتتىڭ نازارى وسى سپورت تٷرٸنە اۋعانىنا قۋاندىم"
ەلەۋمەتتٸك جەلٸلەردە اۆتوبۋس ٸشٸندە وتىرعان قازاقستاندىق كٶكپارشىلارعا بٸر ەر ادامنىڭ قىرعىز تٸلٸندە سٶيلەپ تۇرعان ۆيدەوسى كەڭ تارالدى.
"بۇل سپورت قوي. نەمەنەگە ساياساتتى ارالاستىرىپ وتىرسىڭدار? "كٶك بٶرٸدەن" نەگە سونشا قورقاسىڭدار? بۇل ويىن عوي, سپورت قوي. جٸگٸتشە ويناپ, كٷلٸپ جايناپ كەتپەيسٸڭدەر مە ەلدەرٸڭە? ٶزبەكستان ٶمٸرٸ كٶكپار ويناعان جوق. قايتٸپ ۇتىلىپ باراسىڭدار ەلدەرٸڭە? قاي بەتتەرٸڭمەن باراسىڭدار?", - دەيدٸ ەر ادام ۆيدەودا.
وسپانوۆتىڭ ايتۋىنشا, بۇل ۆيدەودا قىرعىزستان قۇراماسىنىڭ ٶكٸلٸ تالاس بەگاليەۆ بەينەلەنگەن.
"بۇل جٸگٸت بٸر جىل بۇرىن بٸزدٸڭ ەلگە كوماندانىڭ جەتەكشٸسٸ رەتٸندە كەلٸپ, جەڭٸلٸس تاپقان ەدٸ. سودان بولار, فينالدا بٸزدٸڭ قۇرامامەن ويناپ, ەسە قايتارعىسى كەلگەن سيياقتى. ۆيدەوداعى سٶزٸن تىڭداساق, ٶزبەكستان تٸپتٸ وسال كوماندا سەكٸلدٸ, الايدا مٷلدەم ولاي ەمەس. ٶزبەك قۇراماسىندا ٷلكەن جٸگٸتتەر, بٸزدەن بارعاندار جاستار ەدٸ, ونى ۆيدەودان دا كٶرە الاسىزدار. سپورتتا بٸرەۋدەن جەڭٸلمەۋ ٷشٸن ەكٸنشٸسٸنە قاساقانا ەسە جٸبەرۋ ناعىز نامىسسىزدىق, بٸزدٸڭ نامىسى بار جٸگٸتتەر مۇندايعا اتتاپ باسپاس ەدٸ. جاستار قۇراماسى قولىنان كەلگەندٸ جاسادى. باستىسى كٶكپارشىلارىمىزدىڭ ۆيدەودا سابىر ساقتاپ, ەموتسيياعا بەرٸلمەگەنٸ دۇرىس بولدى. سەبەبٸ بۇل سپورت, سپورت تاتۋلىققا, بەيبٸتشٸلٸككە شاقىرادى. قازٸر ەلەۋمەتتٸك جەلٸلەردە كٶپ تالقىلانىپ جاتقانى, بٸر جاعىنان, وسى سپورت تٷرٸنە دەگەن كٶپتٸڭ ىقىلاسى, نامىستىڭ بولعانى دۇرىس. جۇرتتىڭ نازارى وسى سپورت تٷرٸنە اۋعانىنا قۋاندىم", - دەيدٸ ەرلەن وسپانوۆ.
وسىلايشا قازاقستان كٶكپار قۇراماسى جارتىلاي فينالدا ٶزبەكستاننان 4-5 ەسەبٸمەن جەڭٸلدٸ. الايدا ٷشٸنشٸ ورىنعا تالاستا وتانداستارىمىز مەسكەۋ قۇراماسىن 18-1 ەسەبٸمەن ويسىراتا جەڭدٸ.
ٶزبەكستانعا جەڭٸستٸ قولدان بەردٸ دەپ ايىپتالعان قازاقستاندىق قۇرامانىڭ ويىنشىسى ەسجان قۇرمانبايدىڭ ايتۋىنشا, قىرعىز كٶكپارشىلارىنىڭ مۇنداي مەلٸمدەمەسٸ ورىنسىز ەرٸ نەگٸزسٸز.
"جەڭٸستٸ قولدان بەردٸ دەگەنگە كەلٸسپەيمٸز!"
"ٶزبەك كومانداسى وڭاي قارسىلاس ەمەس, بٸلدەي بٸر ەلدٸڭ اتىنان بارعان مىقتى جٸگٸتتەر. بٸزدٸڭ قۇرامادا جاس بالالار بولدى. قۇداي قالاسا, 2021 جىلى ٶتەتٸن وليمپياداعا قاتىساتىن بالالار دەپ ايتساق بولادى. ٶزبەك كومانداسى دا, بٸز دە جاقسى دايىندىقپەن كەلدٸك. مۇنداي ٸرٸ حالىقارالىق جارىستى بٸرٸنشٸ رەت كٶرٸپ وتىرعان بالالار, ال ٶزبەك جٸگٸتتەرٸ جارىس كٶرگەن, ٷلكەن-ٷلكەن جٸگٸتتەر. دەسەك تە, ويىن كەرەمەت ٶتتٸ. بٸزگە بەرٸلگەن اتتار دا جاقسى بولدى, ٶز دەڭگەيٸندەگٸ اتتار دەر ەدٸم. سوندىقتان جەڭٸستٸ قولدان بەردٸ دەگەنگە كەلٸسپەيمٸز. جٸگٸتتەر جاس تا بولسا دا, ساقاداي ٶزبەك جٸگٸتتەرٸنە بارىن سالىپ, قارسىلىق كٶرسەتتٸ. جەڭٸلمەيتٸن سپورتشى جوق, جاس بالالار, قۇداي قالاسا ٶز بٸلٸگٸن ەندٸ شىڭدايدى, بارلىق جەڭٸس الدا", - دەدٸ كٶكپارشى ەسجان قۇرمانباي.
ٶز كەزەگٸندە سپورت جەنە دەنە شىنىقتىرۋ ٸستەرٸ كوميتەت تٶراعاسى سەرٸك جاراسباەۆتىڭ ايتۋىنشا, قازاقستان كٶكپارشىلار قۇراماسى ٶتە جوعارى ەرٸ لايىقتى ٶنەر كٶرسەتە بٸلگەن.
"ازييا ايماعىندا بٸز ٷزدٸكتەر قاتارىندامىز. بٸراق سپورتتا جەڭٸلٸس تە, جەڭٸس تە بولادى. كٶكپارشىلارىمىز لايىقتى ٶنەر كٶرسەتە بٸلدٸ دەپ سانايمىز. جالپى مەدالدار ەسەبٸندە ەكٸنشٸ ورىن العانى جوعارى دەڭگەيدٸ بٸلدٸرەدٸ. سپورتشىلار ەردايىم مورالدىق جەنە پسيحولوگييالىق تۇرعىدان كەز كەلگەن جاعدايعا دايىن بولۋى قاجەت دەپ ەسەپتەيمٸن. مەنٸڭشە, كٶكپارشىلارىمىز داۋ-دامايعا ارالاسپاي, جاقسى ويىن كٶرسەتتٸ", - دەيدٸ جاراسباەۆ.
ايتا كەتەيٸك, بيىلعى دٷنيەجٷزٸلٸك كٶشپەندٸلەر ويىنىنا ەلەمنٸڭ 77 ەلٸنەن ٷش مىڭنان استام سپورتشى قاتىسىپ, 37 سپورت تٷرٸنەن 594 مەدال جۇبى ساراپقا سالىندى. جٷلدە قورى - 28 ميلليون سوم.
