قازاقستاندىق جاس ەنشٸ, «سلاۆيان بازارى» حالىقارالىق بايقاۋىنىڭ گران-پري يەگەرٸ رۋحييا بايدٷكەن جەڭٸستەن كەيٸنگٸ ٶز ەسەرٸمەن بٶلٸستٸ, دەپ حابارلايدى قازاقپارات.
«كٶڭٸل كٷيٸم كەرەمەت. بۇل مەنٸڭ ەڭ العاشقى ٷلكەن جەڭٸسٸم جەنە ونى قازاق ەلٸنە ارنايمىن. سەبەبٸ مەن وتانداستارىمنىڭ قولداۋىن سەزٸندٸم. سونىمەن قاتار وسىنداعى جەرگٸلٸكتٸ حالىق تا قولداۋ كٶرسەتتٸ. مەن ٶزٸم مۋزىكامەن مەكتەپ جاسىنان باستاپ اينالىسىپ كەلەمٸن. مەكتەپ بٸتٸرگەن سوڭ مۋزىكالىق كوللەدجگە تٷسٸپ, ونى تەمامداپ, قازٸر ۇلتتىق ٶنەر اكادەميياسىنىڭ 3 كۋرس ستۋدەنتٸمٸن. الداعى ماقساتىم – ٶز ەندەرٸمدٸ ورىنداپ, سوعان كليپ تٷسٸرۋ. سول سيياقتى قازاقستاندىق جەنە شەتەلدٸك تەلەۆيزييالىق جوبالارعا قاتىسۋ. شەتەلدٸك پروديۋسەر نەمەسە كومپانييالاردان ۇسىنىس تٷسٸپ جاتسا, جۇمىس ٸستەۋگە ەزٸرمٸن», - دەدٸ جاس ەنشٸ رۋحييا بايدٷكەن ZOOM الاڭىندا ٶتكەن باسپاسٶز مەسليحاتىندا.
سونداي-اق, جەرلەسٸمٸز, ەنشٸ ديماش قۇدايبەرگەن قولداۋ كٶرسەتكەنٸن ايتىپ ٶتتٸ.
«ديماش قۇدايبەرگەن بايقاۋعا دەيٸن ٶز كەڭەستەرٸن بەرٸپ, قولداۋ كٶرسەتتٸ. ەسٸرەسە ۆوكال جاعىنان سٷيەمەلدەۋ كٶرسەتتٸ. بايقاۋ باستالعان سوڭ بٸز سٶيلەسپەدٸك, ٶيتكەنٸ ول تٶرەشٸ ال مەن قاتىسۋشىمىن. سوندىقتان بٸز سايىستىڭ ەدٸل ٶتۋٸن قالادىق», - دەيدٸ ول.
بۇعان دەيٸن جەرلەسٸمٸز رۋحييا بايدٷكەننٸڭ ۆيتەبسكٸدە ٶتكەن «سلاۆيان بازارى» بايقاۋىنىڭ گران-پري جٷلدەسٸن جەڭٸپ العانىن حابارلاعان بولاتىنبىز.
14 مەملەكەتتەن كەلگەن قاتىسۋشى سلاۆيان ەلٸنەن شىققان كومپوزيتوردىڭ تۋىندىسىن سلاۆيان توبىنا جاتاتىن تٸلدٸڭ بٸرٸندە وركەستردٸڭ سٷيەمەلدەۋٸمەن ورىندادى. بايقاۋ نەتيجەسٸندە قازاقستاندىق رۋحييا بايدٷكەنوۆا گران-پري يەگەرٸ اتانىپ, «التىن ليرا» مٷسٸنشەسٸمەن بٸرگە 20 مىڭ اقش دوللارىنا يە بولدى.
ايتا كەتسەك, «سلاۆيان بازارى» حالىقارالىق بايقاۋىنىڭ جەڭٸمپازى رۋحييا بايدٷكەندٸ مەملەكەت باسشىسى قاسىم-جومارت توقاەۆ ارنايى قۇتتىقتادى.
ودان بٶلەك, جاس ەنشٸنٸ جەڭٸسٸمەن ەلٸمٸزدٸڭ مەدەنيەت جەنە سپورت مينيسترٸ اقتوتى رايىمقۇلوۆا دا قۇتتىقتادى.
