قر ينۆەستيتسييالار جەنە دامۋ مينيسترٸ جەڭٸس قاسىمبەك پويىز اپاتىنا بايلانىستى پٸكٸر بٸلدٸردٸ, دەپ حابارلايدى قازاقپارات.
«كوميسسييانىڭ باسشىلىعى وقيعا ورنىندا جۇمىس ٸستەپ جاتىر. تاڭەرتەڭنەن بەرٸ ەكسپەريمەنتتٸك شارالار جٷرگٸزٸلدٸ. ٶيتكەنٸ بۇقارالىق اقپارات قۇرالدارىندا تٷرلٸ نۇسقالدار سٶز بولىپ جاتىر. وسى ورايدا بٷگٸنگٸ ەكسپەريمەنت بارىسىندا پويىزداردىڭ جاناما سوقتىعىسۋى الدىن الا راستالمادى. قازٸرگٸ كەزدە بارلىق سەبەپتەر زەردەلەنۋدە», - دەپ توقتالدى ۆەدومستۆو باسشىسى.
سونىمەن قاتار مينيستر تەمٸرجول بويىنداعى قوزعالىس قالپىنا كەلتٸرٸلگەنٸن ەسكە سالىپ ٶتتٸ.
ج. قاسىمبەكتٸڭ اتاپ ٶتۋٸنشە, پويىز اپاتىنىڭ مەن-جايىنا قاتىستى جەنە ٶزگە سۇراقتارعا بايلانىستى ارنايى باسپاسٶز مەسليحاتى ٶتەدٸ.
«زارداپ شەككەندەر مەن قازا بولعان ادامعا قاتىستى ٶتەماقى بويىنشا شەشٸم قتج-مەن بٸرلەسە جاسالادى. جالپى, تەكسەرۋ شارالارى تيٸستٸ ۋاقىتتى قاجەت ەتەدٸ», - دەدٸ جەڭٸس قاسىمبەك.
مۇنىمەن قوسا ول كوميسسييا ٶكٸلدەرٸ پويىز ماشينيسٸنٸڭ ٸس-قيمىلدارىنا دا باعا بەرەتٸنٸن جەتكٸزدٸ.
«كەز كەلگەن كٶلٸك قۇرالى, ياعني تەمٸرجول جولاۋشىلار قۇرامى مٸندەتتٸ تٷردە قاجەتتٸ جٶندەۋ جۇمىستارىمەن جەنە باسقا دا شارالارمەن قامتىلادى. اتاپ ايتقاندا, بۇل تالاپتار قاتاڭ تٷردە ورىندالادى. ەگەر دە پويىز جولعا شىقسا, وندا وسى كٶلٸك تەحنيكالىق تۇرعىدا دۇرىس بولعانىن بٸلدٸرەدٸ», - دەدٸ ج. قاسىمبەك.
ەسكە سالا كەتسەك, جامبىل وبلىسىندا استانادان الماتىعا بارا جاتقان جولاۋشىلار پويىزى اپاتقا ۇشىراعان بولاتىن.
سەل كەيٸنٸرەك «قازاقستان تەمٸر جولى» ۇلتتىق كومپانيياسى «استانا-الماتى» باعىتىندا قاتىنايتىن پويىزدىڭ اپاتقا ۇشىراۋىنا قاتىستى رەسمي مەلٸمدەمە جاساپ, وقيعانىڭ شىعۋ سەبەبٸن تەكسەرەتٸن ارنايى كومييسسييا قۇرىلعانىن جارييا ەتكەن ەدٸ.
جامبىل وبلىستىق تجد باسپاسٶز قىزمەتٸنٸڭ دەرەگٸ بويىنشا, تٷرلٸ جاراقاتتارمەن شۋ اۋداندىق ورتالىق اۋرۋحاناسىنا 14 جولاۋشى جەتكٸزٸلدٸ.
قازٸر ەمدەۋ مەكەمەسٸندە 48 جاستاعى استانا تۇرعىنىنان باسقاسى ٶز ەرٸكتەرٸمەن اۋرۋحانادان شىققان. زارداپ شەككەن استانا تۇرعىنىنىڭ ەكٸ اياعى سىنىپ, ەم قابىلداپ جاتىر, دەپ تٷسٸندٸردٸ ٶڭٸرلٸك تجد باسپاسٶز قىزمەتٸنٸڭ ٶكٸلٸ سەۋلە مۇناتاەۆا.
