يندۋسترييا جەنە ينفراقۇرىلىمدىق دامۋ مينيسترلٸگٸ اۆتوكٶلٸك قۇراستىرۋ باسقارماسى قىزمەتكەرٸ جەڭٸلدەتٸلگەن اۆتونەسيەلەۋ باعدارلاماسىنا قانشا قارجى بٶلۋ جوسپارلانىپ وتىرعانىن, باستاپقى جارنا قانشا بولاتىنىن ايتتى, - دەپ حابارلايدى Tengrinews.kz تٸلشٸسٸ Kolesa.kz سايتىنا سٸلتەمە جاساپ.
ييدم 2027 جىلعا دەيٸن جەڭٸلدەتٸلگەن اۆتونەسيەگە 250 ميلليارد تەڭگە بٶلۋدٸ جوسپارلاپ وتىرعانى ايتىلدى. مەملەكەت بيۋدجەتٸنەن 150 ميلليارد, ال "ٶكم وپەراتورى" كەدەگە جاراتۋ تٶلەمٸنەن 100 ميلليارد جۇمسالادى.
"2022 جىلى مەملەكەت بيۋدجەت تاراپىنان باستاپقىدا 30 ميلليون تەڭگە بٶلۋ كٶزدەلٸپ وتىر. كەلەسٸ جىلى 45 ميلليارد, 2024 جىلى 50 ميلليارد بەرٸلەدٸ", - دەلٸنگەن حابارلامادا.
ييدم اۆتوموبيل قۇراستىرۋ باسقارماسى قىزمەتكەرٸ "ٶكم وپەراتورىنىڭ" قارجىسىنا بايلانىستى مەسەلە ەلٸ شەشٸلٸپ جاتقانىن ايتتى. ٷكٸمەت كەدەگە جاراتۋ تٶلەمٸ تاراپىنان اقشا بٶلۋ يدەياسىن قولداسا, 100 ميلليارد تەڭگەسٸ حالىقتىڭ وسال توپتارى ٷشٸن باستاپقى جارناسىز نەسيەگە بٶلٸنەدٸ. بٸراق 4 پايىزبەن تەك 10 ميلليون تەڭگە بەرٸلەدٸ.
سونىمەن قاتار, جەڭٸلدەتٸلگەن اۆتونەسيە ٷشٸن دە وسىنداي 10 ميلليون دەگەن شەكتٸ بەلگٸلەۋ جوسپارلانىپ وتىر. قىمباتىراق كٶلٸك ساتىپ العىسى كەلەتٸندەرگە ايىرماشىلىقتى ٶز قالتاسىنان تٶلەۋگە تۋرا كەلەدٸ. ال بانكتەر تۇتىنۋشىلاردان باستاپقى جارنانى تالاپ ەتۋ نەمەسە تالاپ ەتپەۋ مەسەلەسٸن ٶزدەرٸ شەشەدٸ.
ۆەدومستۆو ٶكٸلٸ كەزەك تۋرالى ايتتى. بٷگٸندە 15 مىڭنان اسا قازاقستاندىق جەڭٸلدەتٸلگەن اۆتونەسيەگە كەزەكتە تۇر.
10 ميلليون تەڭگەگە دەيٸنگٸ جەڭٸلدٸكپەن اۆتونەسيەلەۋدٸڭ جاڭا باعدارلاماسى بويىنشا ساتىپ الۋعا بولاتىن اۆتوكٶلٸكتەر تٸزٸمٸ سۋرەتتە كٶرسەتٸلگەن.
