قر پرەمەر-مينيسترٸ اسقار ماميننٸڭ تٶراعالىعىمەن ٶتكەن ٷكٸمەت وتىرىسىندا 2019 جىلعى قاڭتار-مامىر ايلارىنداعى ەلٸمٸزدٸڭ ەلەۋمەتتٸك-ەكونوميكالىق دامۋ قورىتىندىلارى قارالدى. يندۋسترييا جەنە ينفراقۇرىلىمدىق دامۋ مينيسترٸ رومان سكليار ٶنەركەسٸپتٸك سالانىڭ دامۋى تۋرالى باياندادى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
قر ييدم دەرەكتەرٸ بويىنشا, جىل باسىنان بەرٸ ٶنەركەسٸپتٸك ٶندٸرٸس كٶلەمٸ 102% قۇرادى, ونىڭ ٸشٸندە تاۋ-كەن ٶندٸرٸسٸ — 100,7%, ٶڭدەۋ ٶنەركەسٸبٸ — 103,6%. تاۋ-كەن ٶندٸرٸسٸ سالاسىندا تٷستٸ كەندەردٸ ٶندٸرۋ كٶلەمٸ 15,7%-عا ارتتى, تەمٸر كەنٸن ٶندٸرۋ كٶلەمٸ 98% قۇرادى. جالپى, تەمٸر كەنٸن ٶندٸرۋ كٶلەمٸ بويىنشا ديناميكا ارتىپ كەلەدٸ جەنە جىل سوڭىنا قاراي 44,7 ملن توننانى قۇرايتىن بولادى.
ر. سكليار بايانداعانداي, كٶمٸر مەن ليگنيت ٶندٸرۋ كٶلەمٸ 95,8% قۇرادى. نەگٸزگٸ كٶمٸر ٶندٸرەتٸن كەسٸپورىنداردا كٶمٸر ٶندٸرۋدٸڭ تٶمەندەۋٸ ەلەكتر ستانتسييالارىنىڭ كٶمٸر ٶنٸمدەرٸن تۇتىنۋىنىڭ ازايۋىمەن بايلانىستى. دەگەنمەن, بٷگٸنگٸ كٷنٸ كٶمٸر ەكسپورتى بويىنشا وڭ ديناميكا بايقالىپ وتىر, ٶسٸم 105,6% نەمەسە 11,3 ملن توننانى قۇرادى.
ٶڭدەۋ ٶنەركەسٸبٸندە جەڭٸل ٶنەركەسٸپتە 23%-عا, ماشينا جاساۋدا — 16%-عا, فارماتسەۆتيكا ٶنەركەسٸبٸندە — 11,6%-عا, دايىن مەتالل بۇيىمدار سالاسىندا — 9,2%-عا, قۇرىلىس ماتەريالدارىندا — 3,4%-عا ٶسٸم بايقالىپ وتىر.
كٶلٸك كەشەنٸ بويىنشا 2019 جىلعى قاڭتار-مامىر ايلارىندا ناقتى كٶلەم يندەكسٸ 105,3% قۇرادى. جالپى, بارلىق كٶلٸك تٷرلەرٸنٸڭ جٷك تاسىمالداۋ كٶلەمٸنٸڭ ٶسٸمٸ 3,7% بولدى. ٶتكەن جىلدىڭ سەيكەس كەزەڭٸمەن سالىستىرعاندا قازاقستان ارقىلى ٶتەتٸن كونتەينەرلٸك تاسىمالدار 47%-عا ٶسٸپ, 240 مىڭ جفە قۇرادى.
قۇرىلىس بويىنشا ناقتى كٶلەم يندەكسٸ قاڭتار–مامىردا 108,8% قۇرادى. 15 ٶڭٸردە وڭ قارقىن بايقالادى. تۇرعىن ٷي قۇرىلىسى بويىنشا 5 ايدىڭ قورىتىندىسى بويىنشا 4,6 ملن شارشى مەتر تۇرعىن ٷي پايدالانۋعا بەرٸلدٸ, بۇل 2018 جىلدىڭ سەيكەس كەزەڭٸمەن سالىستىرعاندا 100,1% قۇرايدى.
«رەسپۋبليكا بويىنشا جالپى 40 546 تۇرعىن ٷي بەرٸلدٸ. ٶتكەن جىلمەن سالىستىرعاندا تۇرعىن ٷيدٸ پايدالانۋعا بەرۋ كٶلەمٸنٸڭ ارتۋى رەسپۋبليكانىڭ 15 ٶڭٸرٸندە جالعاسۋدا. جىلدىق جوسپارعا قول جەتكٸزۋ بويىنشا قابىلدانعان مٸندەتتەمەلەردٸ ورىنداۋ ٷشٸن وبلىستاردىڭ ەكٸمدٸكتەرٸنە ٶزدەرٸنٸڭ جۇمىسىن جانداندىرۋ قاجەت», — دەدٸ ر. سكليار
