QR Premer-Ministri Asqar Maminniń tóraǵalyǵymen ótken Úkimet otyrysynda 2019 jylǵy qańtar-mamyr ailaryndaǵy elimizdiń áleýmettik-ekonomikalyq damý qorytyndylary qaraldy. Indýstriia jáne infraqurylymdyq damý ministri Roman Skliar ónerkásiptik salanyń damýy týraly baiandady, dep habarlaidy "Ult aqparat" primeminister.kz saityna silteme jasap.
QR IIDM derekteri boiynsha, jyl basynan beri ónerkásiptik óndiris kólemi 102% qurady, onyń ishinde taý-ken óndirisi — 100,7%, óńdeý ónerkásibi — 103,6%. Taý-ken óndirisi salasynda tústi kenderdi óndirý kólemi 15,7%-ǵa artty, temir kenin óndirý kólemi 98% qurady. Jalpy, temir kenin óndirý kólemi boiynsha dinamika artyp keledi jáne jyl sońyna qarai 44,7 mln tonnany quraityn bolady.
R. Skliar baiandaǵandai, kómir men lignit óndirý kólemi 95,8% qurady. Negizgi kómir óndiretin kásiporyndarda kómir óndirýdiń tómendeýi elektr stantsiialarynyń kómir ónimderin tutynýynyń azaiýymen bailanysty. Degenmen, búgingi kúni kómir eksporty boiynsha oń dinamika baiqalyp otyr, ósim 105,6% nemese 11,3 mln tonnany qurady.
Óńdeý ónerkásibinde jeńil ónerkásipte 23%-ǵa, mashina jasaýda — 16%-ǵa, farmatsevtika ónerkásibinde — 11,6%-ǵa, daiyn metall buiymdar salasynda — 9,2%-ǵa, qurylys materialdarynda — 3,4%-ǵa ósim baiqalyp otyr.
Kólik kesheni boiynsha 2019 jylǵy qańtar-mamyr ailarynda naqty kólem indeksi 105,3% qurady. Jalpy, barlyq kólik túrleriniń júk tasymaldaý kóleminiń ósimi 3,7% boldy. Ótken jyldyń sáikes kezeńimen salystyrǵanda Qazaqstan arqyly ótetin konteinerlik tasymaldar 47%-ǵa ósip, 240 myń JFE qurady.
Qurylys boiynsha naqty kólem indeksi qańtar–mamyrda 108,8% qurady. 15 óńirde oń qarqyn baiqalady. Turǵyn úi qurylysy boiynsha 5 aidyń qorytyndysy boiynsha 4,6 mln sharshy metr turǵyn úi paidalanýǵa berildi, bul 2018 jyldyń sáikes kezeńimen salystyrǵanda 100,1% quraidy.
«Respýblika boiynsha jalpy 40 546 turǵyn úi berildi. Ótken jylmen salystyrǵanda turǵyn úidi paidalanýǵa berý kóleminiń artýy respýblikanyń 15 óńirinde jalǵasýda. Jyldyq josparǵa qol jetkizý boiynsha qabyldanǵan mindettemelerdi oryndaý úshin oblystardyń ákimdikterine ózderiniń jumysyn jandandyrý qajet», — dedi R. Skliar
