بۇۇ جەنەۆا بٶلٸمشەسٸندە قازاقتىڭ ۇلى اقىنى اباي قۇنانبايۇلىنىڭ 175 جىلدىعىنا جەنە بٸرٸككەن ۇلتتار ۇيىمىنىڭ 75 جىلدىعىنا ارنالعان بيۋستٸڭ سالتاناتتى اشىلۋى ٶتتٸ, دەپ حابارلايدى قر سٸم باسپاسٶز قىزمەتٸ.
ٸس-شاراعا بٶلٸم باسشىلىعى مەن قىزمەتكەرلەرٸ, بٸرقاتار بۇۇ-عا مٷشە مەملەكەتتەردٸڭ ٶكٸلدەرٸ قاتىستى.
سالتاناتتى شاراعا قاتىسۋشىلاردىڭ نازارىنا پرەزيدەنت قاسىم-جومارت توقاەۆتىڭ بۇۇ باس اسسامبلەياسىنىڭ 75-شٸ سەسسيياسىندا ابايدىڭ 175 جىلدىعىنا ارنالعان بايانداماسىنان ٷزٸندٸلەر جەنە ابايدىڭ تاريحي وتانىندا وعان اشىلعان ەسكەرتكٸش تۋرالى فيلم ۇسىنىلدى.
بۇۇ-نىڭ جەنەۆاداعى بٶلٸمشەسٸنٸڭ باس ديرەكتورى تاتيانا ۆالوۆايا بۇۇ-نىڭ 75 جىلدىعىنا وراي ۇلتتار سارايىنىڭ تاريحي عيماراتىندا بيۋستتٸڭ اشىلۋىنىڭ سيمۆولدىق مەنٸ بار ەكەنٸن اتاپ ٶتتٸ. ول قازاقستاندىقتاردى تەۋەلسٸزدٸك كٷنٸمەن قۇتتىقتاپ, ەلدٸڭ حالىقارالىق ساياساتتاعى, ەكونوميكالىق, ەلەۋمەتتٸك جەنە مەدەني دامۋداعى ماڭىزدى رٶلٸ مەن جەتٸستٸكتەرٸن اتاپ ٶتتٸ. ت.ۆالوۆايا ۇلى اقىن, ويشىل جەنە كومپوزيتور ابايدىڭ شىعارماشىلىق مۇراسىنىڭ تەك مەملەكەتٸمٸز ٷشٸن عانا ەمەس, بٷكٸل ەۋرازييا ٶڭٸرٸ ٷشٸن ماڭىزى زور ەكەنٸن, سونداي-اق باتىس جەنە شىعىس مەدەنيەتٸن بٸرٸكتٸرەتٸن كٶپٸر بولىپ تابىلاتىنىن, مىسال رەتٸندە ابايدىڭ لەرمونتوۆتىڭ قازاق تٸلٸنە اۋدارمالارى ارقىلى نەمٸس اقىنى گيوتە شىعارماشىلىعىن تاراتۋداعى رٶلٸن كەلتٸرەتٸنٸن اتاپ ٶتتٸ.
قازاقستاننىڭ جەنەۆاداعى بۇۇ جانىنداعى تۇراقتى ٶكٸلٸ جانار ايتجانوۆا ٶز ٶمٸرٸن اعارتۋشىلىققا ارناعان ابايدىڭ 175 جىلدىعى بيىل بٷكٸل ەلەمدە كەڭٸنەن اتاپ ٶتٸلگەنٸن ايتىپ كەتتٸ. ونىڭ ايتۋىنشا, اباي شىعارماشىلىعى ەلدەر مەن حالىقتاردىڭ جاقىنداسۋىنا ىقپال ەتتٸ, ونىڭ تولەرانتتىلىق, ماحاببات يدەيالارى بۇۇ-نىڭ 75 جىلدىعىندا اسا ٶزەكتٸ بولىپ تابىلادى. قازاقستاندىق ديپلومات ابايدىڭ بيۋستٸن ورناتۋ ٷشٸن قارۋسىزدانۋ جٶنٸندەگٸ كونفەرەنتسييانىڭ مەجٸلٸس زالىنا قاراما-قارسى ورىندى تاڭداۋدىڭ سيمۆولدىق مەنٸن اتاپ ٶتٸپ, ابايدىڭ «ادامزاتتىڭ بەرٸن سٷي باۋىرىم...» دانا قارا سٶزدەرٸ بۇۇ قوعامداستىعىنا ٸزەت, بەيبٸتشٸلٸكتٸ, بٸرلٸكتٸ جەنە كٶپجاقتى ديپلوماتييانى نىعايتۋعا ىقپال ەتەتٸنٸنە سەنٸم بٸلدٸردٸ.
