استانالىقتاردىڭ 30%-دان استامى قالا ٸشٸندە اۆتوبۋسپەن قاتىنايدى ەكەن. سول 30% تۇرعىننىڭ قاتارىندا بٸز دە بارمىز. كٷندەلٸكتٸ جۇمىسقا بارىپ-قايتاتىن 1 ساعاتقا جۋىق ۋاقىتىمىز اۆتوبۋستا ٶتەدٸ.
باسقا قالانى قايدام استانانىڭ اۆتوبۋستارىنىڭ ساپاسىنا سىن ايتا المايمىز. كٶلٸكتەر جاڭا, قىستا جىلى, جازدا سالقىن. قالا كٶشەلەرٸندە اۆتوبۋستارعا ارنايى جولاق سىزىلعالى كەي جەرگە تاكسيدەن تەز جەتەتٸن بولدىق.
اق پەن قارا قاتار جٷرەتٸن بۇل جالعاننىڭ قاتال زاڭىنا سەيكەس قوعامدىق كٶلٸكتەگٸلەردٸڭ, ياعني, جٷرگٸزۋشٸ مەن كوندۋكتوردىڭ دا كەي كەزدەرٸ زاڭدى بەلشەسٸنەن باسىپ, جولاۋشىلاردىڭ قۇقىعىن اياققا تاپتاپ جاتاتىن كەزدەرٸ جوق ەمەس. ونىڭ بٸر مىسالى - بيلەت بەرمەي جول اقىسىن جيناپ الۋ. بارلىعى بولماسا دا كەيبٸرەۋٸ 90 تەڭگەڭدٸ الىپ, ارى قاراي جٶنٸنە جٷرە بەرەدٸ. قۇددى بٸر بيلەت بەرۋ مٸندەتٸنە كٸرمەيتٸندەي, مٸز باقپايدى. بيلەت نەگە بەرمەيسٸڭ دەسەڭ, «وسى بٸر جاپىراق قاعازدى نە قىلايىن دەپ ەدٸڭ?!» دەيتٸندەرٸ دە بار. «بۇل تٸلدەي بيلەت تامىزدىققا دا جارامايدى. اۆتوبۋستان تٷسە سالا قوقىس جەشٸگٸنە تاستايمىز. بٸراق ول قاعازدىڭ دا سۇراۋى بار عوي. كٷنٸ بويى اۆتوبۋسقا مٸنگەن جولاۋشى اتاۋلىدان العان اقشاڭنىڭ ەسەبٸن سول جىرتىلعان بيلەتتٸڭ سانىنان شىعارمايسىڭ با?» دەپ ۇرىسقىڭ كەلەدٸ, ەلگٸ كوندۋكتورگە. امال نە, ول بٸلەدٸ, كوندۋكتور بولماي تۇرىپ-اق بٸلگەن. دەي تۇرعانمەن تەكسەرٸس جوقتا 3-4 مىڭ تەڭگە «لەۆىي» جاساپ الۋعا تالپىنادى. ول قاراعىمدار تەكسەرۋ كەلٸپ قالسا ايىپ تٶلەيتٸندەرٸن دە بٸلەدٸ. بٸراق ادامنان ايلا ارتىلعان با. سوڭعى ايالداماعا جاقىنداعاندا, تەكسەرۋشٸلەر جٷرمەيدٸ-اۋ دەگەن اۋدانداردا بيلەت بەرمەۋ وپەراتسيياسىن جٷزەگە اسىرادى.
كٶپشٸلٸگٸمٸز بيلەت بەرمەسە قويسىن, بارار جەرٸمە امان جەتسەم بولدى دەيمٸز. سونىمىز بەكەر. بٸر ادام, ون ادام بيلەت سۇرامايدى, سەيكەسٸنشە اقشا زاڭدى يەسٸنە جەتپەي جوق بولادى. ميلليونداعان قارجىنى جەپ جاتقاندار تۋرالى ەستٸگەندە اۋزىمىز اشىلىپ تاڭقالعاننان باسقا قىلار قايرانىمىز جوق. قولىنان كەلگەندە قونىشىنان باسىپ, تٷيەنٸ تٷگٸمەن جۇتاتىن كلاندارمەن كٷرەستە كٷشٸمٸز ەلسٸز بولۋى مٷمكٸن, بٸراق قولدان كەلەتٸن جەردە قارەكەت قىلۋىمىز كەرەك. الدىمەن بيلەت الىڭىز, اقشاڭىزدى ارتىنان بەرەسٸز. «باسىنان شٸريتٸن بالىقتى قۇيرىعىنان باستاپ تازالايدى».
دوسجان ىسقاق
