نۇر-سۇلتان قالاسى سىبايلاس جەمقورلىققا قارسى ٸس-قيمىل دەپارتامەنتٸنٸڭ باسشىسى شىڭعىس قابدۋلا بۇرىن جەمقورلىق قىلمىس جاساعان ادامدى جۇمىسقا العان ەكٸمدٸك ٶكٸلٸنە قانداي جازا تاعايىندالعانىن ايتتى, دەپ حابارلايدى قازاقپارات.
«سىبايلاس جەمقورلىققا قارسى ٸس-قيمىل اگەنتتٸگٸنٸڭ ورتالىق اپپاراتىمەن بٸرگە استانا ەكٸمدٸگٸنٸڭ قىزمەتٸندەگٸ سىبايلاس جەمقورلىق تەۋەكەلدەرٸ تۋرالى سىرتقى تالداۋ جاسادىق. وسى تالداۋ قورىتىندىسى بويىنشا ەكٸمدٸككە باعىنىشتى قۇرىلىمداردىڭ قىزمەتٸندەگٸ تەۋەكەلدەردٸ جويۋدىڭ جوسپارى بەكٸتٸلەدٸ», - دەدٸ ول Astana Adaldyq Alańy جوبالىق كەڭسەسٸندە ٶتكەن ونلاين بريفينگٸدە.
دەپارتامەنت باسشىسنىڭ سٶزٸنشە, سەۋٸر ايىندا ەكٸمشٸلٸك قۇقىق بۇزۋ تارلى زاڭعا تٷزەتۋلەر مەن ٶزگەرٸستەر ەنگٸزٸلگەن. وسى ٶزگەرتۋلەر اياسىندا سىبايلاس جەمقورلىققا قارسى قىزمەتتٸڭ قۇزىرىنا 15 تٷرلٸ قۇقىق بۇزۋ نورماسى بەرٸلگەن.
«وسى زاڭ جوباسى كٷشٸنە ەنگەن سەتتەن بەرٸ 8 تۇلعا جاۋاپقا تارتىلدى. ونىڭ ٸشٸندە 5 مەملەكەتتٸك قىزمەتشٸ, 3 جەكە تۇلعا بار. سولارعا سالىنعان ايىپپۇلدان بيۋدجەتكە 2,1 ملن تەڭگە تٷستٸ.
مىسالى, 5000 تەڭگە كٶلەمٸندە ماتەريالدىق سىياقى العانى ٷشٸن ەدٸلەت دەپارتامەنتٸنٸڭ قىزمەتكەرٸ ەكٸمشٸلٸك جاۋاپقا تارتىلىپ, 300 اەك كٶلەمٸندە ايىپپۇل تٶلەدٸ. جۋىقتا عانا قالالىق بٸلٸم باسقارماسىنىڭ باسشىسى جۇمىستان قۋىلعانى حابارلاندى. ول بۇرىن سىيبايلاس جەمقورلىق قىلمىسىن جاساعان ادامدى جۇمىسقا العانى ٷشٸن جاۋاپقا تارتىلدى. بۇعان قوسا وعان 100 اەك كٶلەمٸندە ايىپپۇل سالىندى», - دەدٸ شىڭعىس قابدۋلا.
