Nur-Sultan qalasy sybailas jemqorlyqqa qarsy is-qimyl departamentiniń basshysy Shyńǵys Qabdýla buryn jemqorlyq qylmys jasaǵan adamdy jumysqa alǵan ákimdik ókiline qandai jaza taǵaiyndalǵanyn aitty, dep habarlaidy QazAqparat.
«Sybailas jemqorlyqqa qarsy is-qimyl agenttiginiń ortalyq apparatymen birge astana ákimdiginiń qyzmetindegi sybailas jemqorlyq táýekelderi týraly syrtqy taldaý jasadyq. Osy taldaý qorytyndysy boiynsha ákimdikke baǵynyshty qurylymdardyń qyzmetindegi táýekelderdi joiýdyń jospary bekitiledi», - dedi ol Astana Adaldyq Alańy jobalyq keńsesinde ótken onlain brifingide.
Departament basshysnyń sózinshe, sáýir aiynda Ákimshilik quqyq buzý tarly zańǵa túzetýler men ózgerister engizilgen. Osy ózgertýler aiasynda sybailas jemqorlyqqa qarsy qyzmettiń quzyryna 15 túrli quqyq buzý normasy berilgen.
«Osy zań jobasy kúshine engen sátten beri 8 tulǵa jaýapqa tartyldy. Onyń ishinde 5 memlekettik qyzmetshi, 3 jeke tulǵa bar. Solarǵa salynǵan aiyppuldan biýdjetke 2,1 mln teńge tústi.
Mysaly, 5000 teńge kóleminde materialdyq syiaqy alǵany úshin Ádilet departamentiniń qyzmetkeri ákimshilik jaýapqa tartylyp, 300 AEK kóleminde aiyppul tóledi. Jýyqta ǵana qalalyq bilim basqarmasynyń basshysy jumystan qýylǵany habarlandy. Ol buryn syibailas jemqorlyq qylmysyn jasaǵan adamdy jumysqa alǵany úshin jaýapqa tartyldy. Buǵan qosa oǵan 100 AEK kóleminde aiyppul salyndy», - dedi Shyńǵys Qabdýla.
