قر سىبايلاس جەمقورلىققا قارسى ٸس-قيمىل اگەنتتٸگٸ جەدەل-تەرگەۋ بٶلٸمشەلەرٸنٸڭ قىزمەتكەرلەرٸنە تۇرعىن ٷي تٶلەمدەرٸ بەلگٸلەنەدٸ. بۇل تۋرالى قر سىبايلاس جەمقورلىققا قارسى ٸس-قيمىل اگەنتتٸگٸ تٶراعاسىنىڭ بٸرٸنشٸ ورىنباسارى ولجاس بەكتەنوۆ ايتتى, دەپ حابارلايدى قازاقپارات.
«زاڭمەن سىبايلاس جەمقورلىققا قارسى ٸس-قيمىل جٶنٸندەگٸ ۋەكٸلەتتٸ ورگاننىڭ جەدەل-تەرگەۋ بٶلٸمشەلەرٸنٸڭ قىزمەتكەرلەرٸنە تۇرعىن ٷي تٶلەمدەرٸ بەلگٸلەنەدٸ. تۇرعىن ٷي مەسەلەسٸن شەشۋ, قىزمەتكەرلەردٸڭ تيٸستٸ ۋەجدەمەسٸن قامتاماسىز ەتۋ ماقساتىندا عانا ەمەس, سونداي-اق سىبايلاس جەمقورلىق تەۋەكەلدەرٸنٸڭ الدىن الۋ ٷشٸن دە ماڭىزدى بولىپ سانالدى. زاڭمەن 3 كودەكسكە, 7 زاڭعا تٷزەتۋلەر ەنگٸزٸلدٸ», - دەدٸ ولجاس بەكتەنوۆ ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
سونىمەن قاتار ول مەملەكەت باسشىسى مەملەكەتتٸك قىزمەتشٸلەرگە, دەپۋتاتتار مەن سۋديالارعا شەتەلدٸڭ بانكتەردە ەسەپشوت اشۋعا, قۇندى زاتتار ساقتاۋعا تىيىم سالۋ, سىبايلاس جەمقورلىق قىلمىس جاساعان تۇلعالاردى شارتتى تٷردە مەرزٸمٸنەن بوساتۋعا جول بەرمەۋ, پارا بەرۋشٸلەر مەن پاراقورلىققا دەلدالدارعا جاۋاپكەرشٸلٸكتٸ كٷشەيتۋ تۋرالى تاپسىرما بەرگەنٸن ەسكە سالدى.
«قازٸرگٸ ۋاقىتتا اگەنتتٸك مٷددەلٸ مەملەكەتتٸك ورگاندارمەن بٸلەسٸپ, ەل پرەزيدەنتٸنٸڭ تاپسىرمالارىن جەدەل زاڭنامالىق جٷزەگە اسىرۋ باعىتىندا جۇمىس ٸستەپ جاتىر», - دەدٸ ولجاس بەكتەنوۆ.
ايتا كەتەيٸك, كەشە مەملەكەت باسشىسى «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە سىبايلاس جەمقورلىققا قارسى ٸس-قيمىل مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» قازاقستان رەسپۋبليكاسىنىڭ زاڭىنا قول قويعان ەدٸ.
