«اق جول» پارتيياسى باس پروكۋراتۋراعا جەمقورلىق قاراجاتتىڭ وففشورلارعا كەتۋٸن توقتاتۋعا قاتىستى ٶز ۇسىنىستارىن جولدادى, دەپ حابارلايدى "ۇلت اقپارات" پارتييانىڭ باسپاسٶز قىزمەتٸنە سٸلتەمە جاساپ.
اتالمىش دەپۋتاتتىق ساۋالدى بٷگٸن ازات پەرۋاشەۆ مەلٸمدەدٸ. دەپۋتاتتىڭ پٸكٸرٸنشە, «كٷنٸ بٷگٸنگە دەيٸن قازاقستاننان سىرتقا 167 ملرد دوللاردان استام قاراجات شىعارىلعان.» بۇل - حالىقارالىق ساراپشىلاردىڭ انىقتاعانى.
ناقتىلاي ايتساق, «جەمقورلاردىڭ حالىقتان ۇرلاعان سوماسى ەلٸمٸزدٸڭ تەۋەلسٸزدٸك جىلدارىندا مۇناي ساتىلىمىنان تٷسكەن ۇلتتىق قورداعى قاراجاتىنان ەكٸ ەسە كٶپ.»
پەرۋاشەۆتٸڭ ايتۋىنشا, «اق جول» فراكتسيياسى 2012 جىلدان باستاپ, حالقىمىزدان ۇرلانعان اقشاسىنا بايلانىستى كٷرەسٸن توقتاتقان جوق. پارتييا ەردايىم ۋەكٸلەتتٸ ورگانداردان ۇرلانعان ميللياردتاردى قازاقستانعا قايتارۋ جۇمىستارىن رەتتەۋدٸ تالاپ ەتٸپ كەلەدٸ. الايدا بۇل تالاپتاردىڭ نەتيجەلەرٸنٸڭ ٸشٸندەگٸ ەڭ كٶرنەكٸسٸ – جاقىندا قايتارىلعان 180 ملن. تەڭگە, ياعني جارتى ميلليونداي دوللار. مۇنىڭ ٶزٸ نەتيجە. دەگەنمەن ونى ۇرلانعان اقشا كٶلەمٸمەن سالىستىرۋعا مٷلدەم كەلمەيدٸ. جەنە بۇل پروتسەستٸڭ ارى قاراي جالعاسىپ جاتقانىن ايتۋ كەرەك. سەبەبٸ جەتٸ جىل بۇرىن دەل وسى ساراپشىلار مەملەكەتتەن 138 ملرد دوللار شىعارىلدى دەپ جازعان بولاتىن».
«سول سەبەپتٸ, بٸزدٸڭ الدىمىزدا ۇرلانعان اقشانى قايتارۋ مەسەلەسٸ عانا ەمەس, سىرتقا توقتاۋسىز كەتٸپ جاتقان زاڭسىز كاپيتالدىڭ ورىن الۋىنا جول بەرمەۋ مٸندەتٸ تۇر. جەمقورلار سوتتالعان جاعدايدىڭ ٶزٸندە, ولار مەرزٸمنەن بۇرىن شارتتى بوساتۋ ارقىلى بٸر-بٸر جارىم جىلدان سوڭ بوستاندىققا شىعىپ, ٶزدەرٸنٸڭ كاپيتالدارىنا قايتا ورالاتىنىنا سەنەدٸ», - دەيدٸ ازات پەرۋاشەۆ.
پەرۋاشەۆ: «جەمقورلاردىڭ بۇل ەرەكەتٸن العاش رەت باتىس ەلدەرٸ بايقاعان بولاتىن. وسىنى ەسكەرٸپ, اقش-تىڭ بٸرنەشە شتاتى جەمقورلىق بويىنشا 10-15 جىلعا سوتتالعان ازاماتتاردى مەرزٸمٸنەن بۇرىن بوساتۋعا تىيىم سالعان. دەل وسىنداي زاڭ بەلارۋس مەملەكەتٸندە دە قابىلداندى: «جەمقورلىق قىلمىستارى ٷشٸن سوتتالعان ازاماتتاردى مەرزٸمٸنەن بۇرىن شارتتى تٷردە بوساتۋعا نەمەسە ازاماتقا زاڭدا كٶزدەلگەننەن جەڭٸلٸرەك جازا تاعايىنداۋعا بولمايدى». مۇنداي زاڭ جوباسىن رف مەملەكەتتٸك دۋماسى دا ەنگٸزدٸ. ۇرلانعان اقشانىڭ سوماسى مەن بوپسالاۋشىلىق تۋرالى فاكتٸلەرگە قاراماستان (مٷمكٸن سولاردىڭ ارقاسىندا), تەك قازاقستان عانا جارييالى تٷردە ۇزاق مەرزٸمگە سوتتالۋشىلاردى بٸرٸنشٸ مٷمكٸندٸك تۋعان جاعدايدا ەش ايعاي-شۋسىز بوستاندىققا شىعارادى. قازاقستاندىقتار ول تۋرالى ٸس بٸتكەن سوڭ, باق-تان بٸلەدٸ», - دەيدٸ.
وسىعان بايلانىستى, «اق جول» فراكتسيياسى سوتتالۋشىلاردىڭ شارتتى تٷردە مەرزٸمٸنەن بۇرىن بوساتۋىن بولدىرماۋ ٷشٸن قىلمىستىق زاڭ نورمالارىنا كەلەسٸنٸ ەنگٸزۋدٸ تالاپ ەتەدٸ: شارتتى تٷردە مەرزٸمٸنەن بۇرىن بوساتۋ مٷمكٸندٸكتەرٸنە جول بەرمەۋ جەنە سوتتالۋشىلاردىڭ ۇرلانعان قاراجات سوماسىن تولىق ٶتەمەيٸنشە, ەلدەن سىرتقا شىعۋىنا تىيىم سالۋ.
دەپۋتاتتىق ساۋال قر پرەمەر-مينيسترٸ ا.ۇ. مامينگە جەنە قر باس پروكۋرورى ع.د. نۇردەۋلەتوۆكە جولداندى.
