ەلەۋمەتتٸك جەلٸلەر مەن مەسسەندجەرلەردە تاعى بٸر فەيك تارادى, دەپ حابارلايدى "ۇلت اقپارات" Stopfake.kz سايتىنا سٸلتەمە جاساپ.
ورىس تٸلٸندەگٸ حابارلامادا وقۋشىلاردىڭ اتا-اناسىنا دياسكين-تەست جاساۋعا جەنە تۇماۋعا قارسى ەكپە سالۋعا ارنالعان كەلٸسٸم بلانكٸسٸ بەرٸلەتٸنٸ تۋرالى ايتىلعان. وعان قول قويسا, بالالارعا كوروناۆيرۋسقا قارسى ۆاكتسينا ەگٸلەدٸ.
"ساق بولىڭىزدار. مەكتەپتە دياسكين تەست جاساۋعا جەنە تۇماۋعا قارسى ەكپە سالۋعا ارنالعان كەلٸسٸمدٸ بٸر بلانكپەن بەرەدٸ. دياسكينگە كەلٸسٸم بەرە وتىرىپ, تۇماۋعا قارسى ەكپەگە دە رۇقسات بەرەسٸزدەر. مەسەلە مىنادا, بٷگٸن مانتۋروۆ بٸر جاڭالىق ايتتى. قازٸرگٸ كەزدە تۇماۋ مەن كوروناۆيرۋسقا قارسى جاڭا ۆاكتسينا ەزٸرلەنٸپ جاتىر. ول بٸر فلاكوندا بولادى ەكەن", - دەلٸنگەن حابارلامادا.
دەنساۋلىق ساقتاۋ مينيسترلٸگٸ بۇل اقپاراتتى جوققا شىعاردى. سانيتارلىق-ەپيدەميولوگييالىق باقىلاۋ كوميتەتٸنٸڭ رەسمي ٶكٸلٸ ەرجان بايتاناەۆ دياسكين تەست پەن تۇماۋعا قارسى ۆاكتسينا ەكٸ بٶلەك شارا ەكەنٸن ايتتى.
"دياسكين تەست – بۇل ادامنىڭ تۋبەركۋلەزبەن اۋىراتىندىعىن انىقتايتىن ناقتى تەست. ول بارلىق بالاعا بٸردەي جاسالمايدى. ونى مانتۋ سىناماسى وڭ نەتيجە بەرگەن مەكتەپ وقۋشىلارىنا عانا جاسايدى. سوسىن دياسكين تەست مەكتەپتەردە ەمەس, تۋبەركۋلەز ديسپانسەرلەرٸندە جەنە تەك اتا-انالاردىڭ كەلٸسٸمٸمەن عانا جاسالادى. تۇماۋعا قارسى ۆاكتسينالاۋ دا مەكتەپتە جٷرگٸزٸلمەيدٸ", – دەدٸ بايتاناەۆ.
وسى ورايدا كوميتەتتٸڭ رەسمي ٶكٸلٸ قازاقستاندا عانا ەمەس, جالپى ەلەم بويىنشا بٸر ۋاقىتتا تۇماۋدان دا, كۆي-دەن دە قورعايتىن پوليۆاكتسينالار جوق ەكەنٸن حابارلادى.
