جەكپە-جەكتەن كەيٸن تٶبەلەسكە قاتىسقانى ٷشٸن حابيب نۋرماگومەدوۆ قانا ەمەس, ونىڭ قارسىلاسى كونور ماكگرەگور دا جازالانۋى مٷمكٸن. نەۆادا شتاتىنىڭ اتلەتيكالىق كوميسسيياسى (NSAC) ٶتكەن دەمالىستا T-Mobile Arena-دا بولعان وقيعادان كەيٸن قوس فايتەرگە دە رەسمي شاعىم تٷسٸرمەك, دەپ حابارلايدى Sputnik ESPN باسىلىمىنا سٸلتەمە جاساپ.
NSAC تٶراعاسى ەنتوني مارنەلدىڭ ايتۋىنشا, قازٸر كوميسسييا نۋرماگومەدوۆ پەن ماكگرەگوردىڭ كەزدەسۋٸنەن كەيٸن شىققان تٶبەلەستٸ تولىعىمەن تەرگەپ جاتىر. تەرگەۋ بارىسىندا ۆيدەو مۇقييات زەرتتەلٸپ, وقيعاعا قاتىسۋشىلاردان جاۋاپ الىنادى.
سونىمەن بٸرگە تٶبەلەسكە قاتىسقان باسقا دا تۇلعالار جازا تارتۋى مٷمكٸن – ونىڭ ٸشٸندە سەگٸز بۇرىشقا شىعىپ ماكگرەگوردى بٸرنەشە رەت ۇرعان "قىزىل جەيدە كيگەن ادام" دا بار.
"وكتاگونعا شىعىپ كەتكەن كٶرەرمەنگە تاعىلاتىن ايىپتاۋلار بار. ونىڭ كٸم جەنە قايدا ەكەنٸن بٸلەمٸز. تەرتٸپ بۇزۋشىلىق جايىندا باس پروكۋرورعا حابارلاۋىم كەرەك. بۇل كٷردەلٸ وقيعا, سوندىقتان مۇقييات تەرگەلۋٸ تيٸس", — دەيدٸ مارنەلل.
NSAC تٶراعاسى حابارلاعانداي, تەرتٸپتٸك تىڭداۋلار قاراشانىڭ سوڭىنا دەيٸن ٶتۋٸ تيٸس.
حابيب نۋرماگومەدوۆ پەن كونور ماكگرەگور اراسىنداعى جەكپە-جەك رەسەيلٸك فايتەردٸڭ جەڭٸسٸمەن اياقتالدى. الايدا كەزدەسۋ بٸتە سالىسىمەن نۋرماگومەدوۆ وكتاگوننىڭ قورشاۋىنان اسىپ تٷسٸپ, قارسىلاس كوماندانىڭ ٶكٸلدەرٸمەن تٶبەلەسە باستادى. ماكگرەگور دا سوڭىنان ۇمتىلىپ ەدٸ, ونى ەشكٸم جٸبەرمەدٸ. كەيٸن يرلاندىق فايتەر الاڭدا نۋرماگومەدوۆتٸڭ كومانداسىنداعى ادامدارمەن جۇدىرىقتاستى.
جەكپە-جەكتەن كەيٸنگٸ باسپاسٶز مەسليحاتىندا حابيب نۋرماگومەدوۆ ٶز قىلىعى ٷشٸن كەشٸرٸم سۇراعان.
