فوتو: اشىق دەرەككٶزدەن
قر پرەمەر-مينيسترٸ ولجاس بەكتەنوۆ 16 ميلليون قازاقستاندىقتىڭ جەكە دەرەكتەرٸنٸڭ تاراپ كەتۋٸنە بايلانىستى جاڭا مەلٸمەت ايتتى, دەپ حابارلايدى Ult.kz.
ونىڭ ايتۋىنشا, 2022 جىلعى دەرەكتەر تاراپ كەتكەن.
"ەرينە, بۇل ەشكٸمگە, ەسٸرەسە ٷكٸمەتكە ابىروي ەكەلمەيدٸ. ٶكٸنٸشكە قاراي, مۇنداي فاكتٸلەر بار", – دەدٸ پرەمەر-مينيستر.
دەرەكتەردٸڭ تارالۋىنا بايلانىستى قۇزىرلى ورگاندار تەكسەرٸس جٷرگٸزٸپ جاتقان كٶرٸنەدٸ. ولجاس بەكتەنوۆ دەرەكتەر مەديتسينالىق ۇيىمدار ارقىلى تاراۋى مٷمكٸن دەگەن بولجام ايتتى.
"تەكسەرۋشٸلەردٸڭ قولىنداعى الدىن الا مەلٸمەتتەرگە سەيكەس, دەرەكتەردٸڭ تاراۋ كٶزٸ مەديتسينالىق ۇيىمدار بولۋى مٷمكٸن. ولار مەملەكەتتٸك دەرەكتەر بازاسىنا قول جەتكٸزە الادى, بٸراق كەيٸن ونىڭ قاۋٸپسٸزدٸگٸن قامتاماسىز ەتپەيدٸ. تيٸستٸ جاۋاپكەرشٸلٸك بار. زاڭناما جەنە قۇقىقتىق تۇرعىدا ەرەكەت ەتەمٸز", – دەدٸ پرەمەر-مينيستر.
ال الاياقتار تۇرعىندارعا قوڭىراۋ شالۋىن قاشان دوعاراتىنىن سۇراعان تٸلشٸگە, بەكتەنوۆ ناقتى جاۋاپ بەرە المايتىنىن ايتتى.
"قوڭىراۋلار ەرتەڭ توقتايدى دەمەيمٸن. الاياقتاردىڭ 67 ميلليون قوڭىراۋىن توقتاتقانىمىزدى ايتتىم. ولار حابارداسا المادى. نٶمٸر سٶندٸرٸلٸپ جاتىر – SIM-كارتا ٸستەمەيدٸ, بۇل – مەسەلەمەن كٷرەسۋدٸڭ بٸر بٶلٸگٸ", – دەدٸ بەكتەنوۆ.
سونىمەن قاتار ٷكٸمەت باسشىسى ديپفەيكتەرمەن دە جۇمىس جٷرگٸزٸپ جاتقاندارىن ايتتى. ونىڭ سٶزٸنشە ٸشكٸ ٸستەر مينيسترلٸگٸندە ارنايى بٶلٸم پايدا بولدى جەنە ۇلتتىق بانك جانىندا انتيفرود-ورتالىق جۇمىس ٸستەپ جاتىر.
