16 مامىردا قىرعىزستان پرەزيدەنتٸ سوورونباي جەەنبەكوۆ "قىرعىزستان پرەزيدەنتٸنٸڭ قىزمەتٸنە كەپٸلدٸك بەرۋ تۋرالى" زاڭعا ٶزگەرٸستەر ەنگٸزۋ تۋرالى زاڭعا قول قويدى. بۇل تۋرالى قىرعىزستان پرەزيدەنتٸنٸڭ اپپاراتى حابارلادى.
قىرعىزستان پارلامەنتٸ بۇل زاڭدى بيىل 4 سەۋٸردە قابىلداعان.
بىلتىر جەلتوقساندا قۇجات اۆتورلارى - كۋرمانكۋل زۋلۋشەۆ پەن يسحاك ماساليەۆ "قىرعىزستان پرەزيدەنتٸنٸڭ قىزمەتٸنە كەپٸلدٸك بەرۋ تۋرالى" زاڭداعى ەكس-پرەزيدەنتتٸڭ تيٸسپەۋشٸلٸك مەرتەبەسٸ تۋرالى جازىلعان نورمانى الىپ تاستاۋدى ۇسىنعان.
بٸراق ەكٸنشٸ وقىلىم كەزٸندە پارلامەنت بۇل نورمانى الىپ تاستاماي, تەك جاۋاپقا تارتۋ مەحانيزمدەرٸن جەتٸلدٸرۋ تۋرالى شەشٸم قابىلداعان. پرەزيدەنت زاڭ جوباسىنا قول قويسا, جوگوركۋ كەڭەش تاعىپ, باس پروكۋرور راستاعان اسا اۋىر قىلمىس جاسادى دەگەن ايىپتان سوڭ ەكس-پرەزيدەنت ٶز ستاتۋىسىنان ايىرىلىپ, جاۋاپقا تارتىلۋى مٷمكٸن.
سونداي-اق, زاڭ جوباسىنىڭ 11-بابىنا سەيكەس, ەكس-پرەزيدەنت مەملەكەتتٸك بيلٸك ورگاندارىندا ساياسي, ارناۋلى مەملەكەتتٸك لاۋازىمداردى اتقارماۋى تيٸس, ساياسي پارتييالاردا باسشىلىق قىزمەتتە ٸستەپ نە ونىڭ قىزمەتٸنە ارالاسپاۋعا مٸندەتتٸ. ەكس-پرەزيدەنت وسى ەرەجەلەردٸ بۇزسا, باس پروكۋروردىڭ ۇسىنۋىمەن, پرەزيدەنت اكتٸسٸمەن وعان بەرٸلگەن كەپٸلدٸكتەردٸڭ كٷشٸ جويىلىپ, بۇرىنعى پرەزيدەنتتٸ رەسپۋبليكالىق بيۋدجەت قاراجاتى ەسەبٸنەن ماتەريالدىق نە باسقا دا جاعدايلارمەن قامتاماسىز ەتۋ توقتاتىلادى.
زاڭعا ٶزگەرٸس ەنگٸزۋ تۋرالى تالقى المازبەك اتامباەۆتىڭ بٸشكەك تەتس-ٸن مودەرنيزاتسييالاۋعا تٸكەلەي قاتىسى بارى تۋرالى مەلٸمدەمەدەن كەيٸن كٷشەيگەن. قىرعىزستان قۇقىق قورعاۋ ورگاندار "تەتس-تٸ مودەرنيزاتسييالاۋ كەزٸندە سىبايلاس جەمقورلىق قىلمىسى بولعان" دەپ كٷدٸكتەنەدٸ. اتامباەۆ ايىپتى جوققا شىعارادى.
قىرعىزستاندا روزا وتۋنباەۆا جەنە المازبەك اتامباەۆتىڭ ەكس-پرەزيدەنت دەگەن مەرتەبەسٸ بار. العاشقى ەكٸ پرەزيدەنت اسقار اقاەۆ پەن قۇرمانبەك باكيەۆ حالىق تولقۋلارى نەتيجەسٸندە بيلٸكتەن كەتٸپ, ەكس-پرەزيدەنت مەرتەبەسٸن الا الماعان.
