قىرعىزستان پرەزيدەنتٸ سوورونباي جەەنبەكوۆ بٸشكەكتە تٶتەنشە جاعداي جارييالاۋ تۋرالى ەكٸنشٸ رەت جارلىققا قول قويدى.
پرەزيدەنتتٸڭ باسپاسٶز قىزمەتٸنٸڭ حابارلاۋىنشا, جوگوركۋ كەڭەش سوڭعى ٷش كٷندە قالادا تج ەنگٸزۋ تۋرالى شەشٸمدٸ قاراستىرماعاندىقتان قايتادان جارلىققا قول قويىلىپ وتىر.
جارلىققا سەيكەس, قالادا 12 قازان كەشكٸ ساعات 20.00-دەن باستاپ 19 قازان تاڭەرتەڭگٸ ساعات 7-گە دەيٸن تج رەجيمٸ ەنگٸزٸلەدٸ. قۇجاتتا "جاپپاي تەرتٸپسٸزدٸك سالدارىنان ادامداردىڭ ٶمٸرٸ مەن دەنساۋلىعىنا قاۋٸپ تٶنگەندٸكتەن" تج رەجيمٸ ەنگٸزٸلٸپ وتىر دەپ جازىلعان.
قالا كومەندانتى بولىپ ٸشكٸ ٸستەر مينيسترٸنٸڭ ورىنباسارى المازبەك وروزاليەۆ تاعايىندالعان. وسىعان دەيٸن پرەزيدەنتپەن كەزدەسۋ كەزٸندە وروزاليەۆتٸڭ تج رەجيمٸن ۇزارتۋ تۋرالى ۇسىنىس ايتقانى حابارلانعان ەدٸ.
پرەزيدەنت العاش رەت 9 قازاندا بٸشكەكتە تٶتەنشە جاعداي جارييالاعان. قىرعىزستاندا 4 قازاندا ٶتكەن پارلامەنت سايلاۋىنان كەيٸن ساياسي كٷشتەر بٸشكەكتەگٸ "الا-توو" الاڭىندا نارازىلىق اكتسيياسىن باستاعان. پارلامەنت سايلاۋىنىڭ نەتيجەسٸن جويۋدى تالاپ ەتكەن نارازىلىق اكتسييالارىنىڭ سوڭى تەرتٸپسٸزدٸككە ۇلاسقان. 6 قازانعا قاراعان تٷنٸ دەمونسترانتتار پارلامەنت پەن پرەزيدەنت اپپاراتى ورنالاسقان "اق ٷيدٸ" باسىپ الدى.
سول كٷنٸ نارازىلار تالابىنان كەيٸن تٷرمەدەگٸ بٸرنەشە ساياساتكەر قاماۋدان شىقتى. ولاردىڭ اراسىندا بۇرىنعى پرەزيدەنت المازبەك اتامباەۆ, بۇرىنعى دەپۋتات سادىر جاپاروۆ تا بولدى. 10 قازاندا جاپاروۆ پرەمەر-مينيستر قىزمەتٸنە بەكٸتٸلگەن. كەيبٸر دەپۋتاتتار ونىڭ قىزمەتكە تاعايىندالۋىنىڭ لەگيتيمدٸگٸنە كٷمەن كەلتٸرگەن.
قىرعىزستاندا ساياسي كٷشتەر داعدارىستان شىعۋ جولدارىن ەلٸ تالقىلاپ جاتىر. 9 قازانعا قاراعان تٷنٸ سوورونباي جەەنبەكوۆ "مەملەكەت قۇقىقتىق اياعا ورالعان سوڭ پرەزيدەنت قىزمەتٸنەن كەتۋگە دايارمىن" دەپ مەلٸمدەگەن.
