جايىقتىڭ سۋى رەكوردتىق دەڭگەيگە كٶتەرٸلدٸ — ورسكتە تٶتەنشە جاعداي

ورسك — ورىنبور وبلىسىنداعى 200 مىڭعا جۋىق حالقى بار ەكٸنشٸ ٷلكەن قالانى جايىق ٶزەنٸنٸڭ سۋى باستى. رەسەي بيلٸگٸنٸڭ ايتۋىنشا, سۋ دەڭگەيٸ بۇرىن-سوڭدى بولماعان رەكوردتىق دەڭگەيگە كٶتەرٸلدٸ. بٶگەتتەر سۋدىڭ قىسىمىنا تٶتەپ بەرە الماي, جارىلدى. سۋ باسقان قالادا سيرەنالار ەستٸلٸپ, جاپپاي ەۆاكۋاتسييا جالعاسۋدا, دەپ حابارلايدى "BBC".

رەسەيدٸڭ 39 ايماعىندا 6,8 مىڭنان استام تۇرعىن ٷي سۋ استىندا قالدى, دەپ حابارلادى رەسەي تجم باسپاسٶز قىزمەتٸ.

"سۋ تاسقىنى 39 ٶڭٸرگە كەرٸ ەسەرٸن تيگٸزۋدە. 6,8 مىڭنان استام تۇرعىن ٷي سۋ استىندا قالدى", - دەلٸنگەن حابارلامادا.

الايدا ورىنبور وبلىسىنداعى جاعداي اسا كٷردەلٸ.

ورىنبورداعى جايىق ٶزەنٸنٸڭ دەڭگەيٸ جەكسەنبٸ كٷنٸ كەشكە قاراي 930 سانتيمەترگە ٶستٸ, دەپ حابارلادى قالا ەكٸمدٸگٸ تەلەگرامدا.

"ورىنبور گيدرومەتەورولوگييالىق ورتالىعىنىڭ مەلٸمەتٸنشە, 7 سەۋٸر كٷنٸ كەشكە ورىنبور ماڭىنداعى جايىق ٶزەنٸندەگٸ سۋ دەڭگەيٸ 864 سم-گە جەتتٸ, قاۋٸپتٸ دەڭگەي – 930 سم", - دەپ ەسكەرتەدٸ قالا ەكٸمدٸگٸ.

قازٸر ورىنبور وبلىسىندا جٷرگەن رەسەي فەدەراتسيياسىنىڭ تجم باسشىسى الەكساندر كۋرەنكوۆ ورسكٸدەگٸ جاعدايدى «داعدارىستى» دەپ اتادى.

"جايىق ٶزەنٸندەگٸ قورعانىس قۇرىلىستارى قيراعان ورسك قالاسىندا كٷردەلٸ جاعداي قالىپتاستى. نەتيجەسٸندە 4 518 تۇرعىن ٷي مەن 4 587 ٷي ۋچاسكەلەرٸ سۋ استىندا قالدى", - دەيدٸ ينتەرفاكس.

جەكسەنبٸ كٷنٸ كەشكە قالا مەرٸ ۆاسيليي كوزۋپيتسا تەلەگرامدا ورسكٸدە ەلشانكا ٶزەنٸ ٶز ارناسىنان تاسىپ جاتقانىن حابارلادى. مينيستردٸڭ مەلٸمەتٸنشە, ٶڭٸردە سۋ باسقان اۋدانداردان 4 مىڭنان استام ادام, ونىڭ ٸشٸندە 885 بالا ەۆاكۋاتسييالانعان. سۋ تاسقىنى سالدارىنان جەرگٸلٸكتٸ مۇناي ٶڭدەۋ زاۋىتى — "ورسكنەفتەورگسينتەز" كەسٸپورنى جۇمىسىن توقتاتتى.

مەديتسينالىق كٶمەككە 99 ادام, ونىڭ ٸشٸندە 18 بالا جٷگٸندٸ, دەپ حابارلايدى جەرگٸلٸكتٸ بيلٸك.

قىلمىستىق ٸس ەكٸ باپ بويىنشا قوزعالدى — قۇرىلىس جۇمىستارى كەزٸندە قاۋٸپسٸزدٸك ەرەجەلەرٸن بۇزۋ جەنە نەمقۇرايلىلىق.

10 جىلدان استام ۋاقىت بۇرىن ورسكتەگٸ جايىقتىڭ ەكٸ جاعالاۋىندا ٶزەننەن بٸرشاما قاشىقتىقتا ٷيٸندٸ بٶگەتتەر سالىندى. مۇنداي بٶگەتتەر توپىراق پەن قيىرشىق تاستان قۇيىلادى. ولار كٶكتەمگٸ سۋ تاسقىنى كەزٸندە سۋدىڭ تۇرعىن ٷيلەرگە جاقىنداۋىنا جول بەرمەدٸ. بيىل سۋ تاسقىنىنىڭ قارقىنى مىقتى بولدى. سوندىقتان جوعارى اعىس بويىنشا گەس-تە يريكلين سۋ قويماسىنان سۋ اعىزۋدى ۇلعايتۋعا تۋرا كەلدٸ. بٶگەتتەر سۋدىڭ رەكوردتىق قىسىمىنا تٶتەپ بەرە المادى. جۇما كٷنٸ جايىقتىڭ سول جاعالاۋىنداعى بٶگەت جارىلىپ, ەسكٸ قالانى سۋ باسۋ باستالدى.

بٸر تەۋلٸك ٸشٸندە ورسكتەگٸ سۋ العان اۋماق بٸرنەشە ەسەگە كەڭەيدٸ. جەكسەنبٸ كٷنٸ تاڭەرتەڭ تاعى ٷش كٶشەدە ەۆاكۋاتسييا جارييالاندى, ال سۋ باسقان شاعىن اۋدانداردا ەلەكتر قۋاتى مەن گاز ٶشٸرٸلە باستادى.