فوتو: مەجٸلٸس
مەجٸلٸس دەپۋتاتى ەلنۇر بەيسەمباەۆ پالاتا وتىرىسىندا ٷكٸمەتتٸڭ قارجى-ەكونوميكالىق بلوگى مەن ۇلتتىق بانكتٸڭ ۆاليۋتا ساياساتىنا قاتىستى ۇستانىمىن قاتاڭ سىنعا الدى.
ول دوللار باعامىنىڭ كٷرت ٶسۋٸنە بايلانىستى شەنەۋنٸكتەردٸڭ ونى «جاي عانا سان» دەپ اتاعان مەلٸمدەمەسٸنە نارازى بولدى.
"جاقىندا بٸرقاتار شەنەۋنٸكتٸڭ دوللار مەن تەڭگە اراسىنداعى ايىرباس كۋرسى – بۇل "جاي عانا سان" دەپ ايتقان مەلٸمدەمەسٸ بولاشاقتاعى قارجىلىق سالداردى ەلەمەيدٸ. بٸز تٷسٸنۋٸمٸز كەرەك, تۇرمىسى تٶمەن, جالاقىدان جالاقىعا ٶمٸر سٷرەتٸن ادامداردىڭ سانى ساراپشىلارعا قاراعاندا مىڭ ەسە كٶپ. ولار ٷشٸن دوللاردىڭ جوعارى كۋرسى تيٸمدٸ. وسى كەزدە زاڭدى سۇراق تۋىندايدى. ٷكٸمەت كٸمنٸڭ جاعىندا? قاراپايىم ادامداردىڭ جاعىندا ما, ەلدە وليگارحتاردى قولداي ما?" – دەپ سۇرادى بەيسەمباەۆ مەجٸلٸس وتىرىسىندا.
بۇدان بٶلەك دەپۋتات بەيسەمباەۆ كٶپ نەسيە الۋ مەسەلەسٸنە دە نارازىلىق بٸلدٸردٸ.
"شىعىندارىمىزدىڭ ٷشتەن بٸرٸ قارىزدار ەسەبٸنەن جابىلادى. مەملەكەتتٸك جەنە ٷكٸمەتتٸك قارىزداردى ٶتەۋگە ارنالعان شىعىندار ٷش جىلدا 6 تريلليون تەڭگەدەن اسىپ كەتەدٸ. ال قارىزداردىڭ كٶپ بٶلٸگٸ كۆازيمەملەكەتتٸك سەكتور ارقىلى پارلامەنتتٸ اينالىپ ٶتٸپ الىنادى. بيىل سىرتقى قارىز 166 ميلليارد دوللاردان استى, جىل باسىنان بەرٸ 3 ميلليارد دوللارعا ٶستٸ. ياعني, سىرتقى قارىزىمىز ەلدٸڭ تٶرت جىلدىق بيۋدجەتٸنە تەڭ", – دەپ اتاپ ٶتتٸ ەلنۇر بەيسەمباەۆ.
ول ٷكٸمەت جاڭا تابىس كٶزدەرٸن ٸزدەۋگە باعىتتالعان ناقتى شارالار قابىلداماي وتىرعانىنا نازار اۋداردى.
