جاتاقحانا جانىندا وتىرعان الماتىلىق ستۋدەنتتەر. (كٶرنەكٸ سۋرەت)
جاڭا وقۋ جىلىندا كەيبٸر جوو-لار جاتاقحانادا تۇرۋ باعاسىن كٷرت قىمباتتاتقان. كانيكۋلدان ورالعان ستۋدەنتتەردٸڭ كەيبٸرٸ ٷيلەرٸنەن قوسىمشا قاراجات الدىرىپ جاتقاندارىن ايتادى. ال جوو ٶكٸلدەرٸ ستۋدەنتتەرگە «جاتاقحانالاردى جٶندەۋ شىعىنى كٶبەيگەنٸن» ەسكەرتكەن.
بيىلعى جاڭا وقۋ جىلىندا الماتى مەن استاناداعى كەيبٸر جوعارى وقۋ ورىندارى (جوو) جاتاقحانالارىندا تۇرۋ باعاسىن قىمباتتاتقان. بۇل تۋرالى اقپارات بەرگەن ستۋدەنتتەردٸڭ بەرٸ قىسىمنان قورقىپ اتى-جٶندەرٸن جارييالاماۋدى ٶتٸندٸ.
قازۇۋ
ەل-فارابي اتىنداعى قازاق ۇلتتىق ۋنيۆەرسيتەتٸنٸڭ (قازۇۋ) اتى-جٶنٸن جارييالاماۋدى ٶتٸنگەن ستۋدەنتٸ جازعى دەمالىستان «جاتاقحاناعا جىلداعىداي 30 مىڭ تەڭگەدەي تٶلەيمٸن» دەگەن ويمەن كەلگەنٸن ايتادى. بٸراق ۋنيۆەرسيتەتكە كەلگەن سوڭ ول جاتاقحانا قۇنىنىڭ ٷش ەسەدەن اسا قىمباتتاعانىن بٸلٸپ, «اتا-اناسىنان قوسىمشا اقشا سالىپ جٸبەرۋدٸ سۇراعان».
- بىلتىر جاتاقحاناعا 28 مىڭ تەڭگە تٶلەدٸك. وقۋ جىلى اياقتالعاندا قوسىمشا ٷش مىڭ تەڭگە تاعى تٶلەگەنبٸز. بيىل كەلسەك, [جاتاقحانا باعاسىن] ٷش ەسەگە ٶسٸرٸپ جٸبەرٸپتٸ. ەكٸ كٸسٸلٸك بٶلمەگە [كٸسٸ باسى جىلىنا] 95 مىڭ تەڭگەدەن (281 دوللار), ٷش كٸسٸلٸك بٶلمەگە - 85 مىڭنان (250 دوللار), تٶرت كٸسٸلٸك بٶلمەگە 75 مىڭ تەڭگەدەن (222 دوللار) تٶلەيتٸن بولىپ كەتكەن. بٸراق جاتاقحانانىڭ ٸشٸ سول قالپى ٶزگەرمەگەن. جٶندەۋ جۇمىستارى جاسالماعان. قابىرعالاردى اقتاعان, باسقا ٶزگەرٸس جوق, - دەيدٸ قازۇۋ ستۋدەنتٸ.
جاتاقحانانىڭ تۇرمىستىق بٶلمەسٸندە تاماق ەزٸرلەپ تۇرعان ستۋدەنت. (كٶرنەكٸ سۋرەت)
وسى ۋنيۆەرسيتەتتٸڭ اتى-جٶنٸن جارييالاماۋدى سۇراعان تاعى بٸر ستۋدەنتٸ جاتاقحاناعا 95 مىڭ تەڭگە تٶلەپ ورنالاسقانىن ايتتى. ول «جاتاقحانا باعاسى جىلدا ٶسەتٸن, بٸراق بٸردەن ٷش ەسەگە قىمباتتايدى دەپ ويلاماعىنىن» ايتادى.
- 1-كۋرسقا كەلگەندە 18 مىڭ تەڭگەدەي تٶلەدٸك. جىل سايىن ەكٸ-ٷش مىڭ تەڭگە قوسىلاتىن. بٸراق بيىل جاتاقحانانىڭ باعاسىن پەتەراقى سيياقتى تٶلەمگە كٶشٸرگەن. ەكٸ ادامدىق بٶلمەگە 95 مىڭ تەڭگەدەن تٶلەيمٸز. باعا قىمباتتاسا دا جاتاقحانا بەرٸبٸر جەتپەي جاتىر. جاتاقحانادا تۇرعىسى كەلەتٸندەر كٶپ. بٸراق پەتەردە تۇرساق, شىعىن 95 مىڭ تەڭگەدەن كٶپ بولادى, - دەيدٸ ول.
پەداگوگيكالىق جوو-لار
الماتىداعى اباي اتىنداعى قازاق ۇلتتىق پەداگوگيكالىق ۋنيۆەرسيتەتٸنٸڭ ەسٸمٸن جارييالاماۋدى سۇراعان ستۋدەنتٸ دە ۋنيۆەرسيتەت جاتاقحاناسى قىمباتتاعانىن ايتادى.
- اقىلى بٶلٸمدە وقيمىن. بىلتىر جاتاقحاناعا 40 مىڭ تەڭگە تٶلەدٸك. بيىل 45 مىڭ تەڭگەگە (133 دوللار) كٶبەيدٸ. جىل سايىن بەس مىڭ قوسىلىپ جاتىر. بٸراق بىلتىرعى جاتاقحانا سول جاتاقحانا. ٸشٸ ٶزگەرمەگەن. جيھازدارى دا سول كٷيٸ. ورىن الا الماي جٷرگەنٸمە بٸرنەشە كٷن بولدى. رەكتورات «ورىن بولادى, كٷتٸڭدەر» دەگەن سوڭ, كٷندە جاتاقحانا الۋ كەزەگٸن كٷتٸپ جٷرمٸز, - دەيدٸ ول.
قازاق مەملەكەتتٸك قىزدار پەداگوگيكالىق ۋنيۆەرسيتەتٸنٸڭ ستۋدەنتتەرٸ دە جاتاقحانا باعاسىنىڭ 25 مىڭ تەڭگەدەن 30 مىڭ تەڭگەگە (88 دوللار) كٶتەرٸلگەنٸن ايتتى.
ەۇۋ
تاماقتانىپ وتىرعان ستۋدەنتتەر. (كٶرنەكٸ سۋرەت)
ال استاناداعى لەۆ گۋميلەۆ اتىنداعى ەۋرازييا ۇلتتىق ۋنيۆەرسيتەتٸنٸڭ اتى-جٶنٸن ايتقىسى كەلمەگەن ستۋدەنتٸ سەگٸز ادام تۇراتىن بٶلمەگە 40 مىڭ تەڭگە (118 دوللار) تٶلەگەنٸن ايتادى.
- بىلتىر 35 مىڭ تەڭگە تٶلەگەنبٸز. ول كەزدە دە بٸر بٶلمەدە سەگٸز ادام تۇرعان ەدٸك. ەزٸرشە سەگٸز ادامدىق بٶلمەدە ەكٸ ادام جاتىرمىز. 40 مىڭ تەڭگەدەن تٶلەدٸك. تاعى ادام كەلەتٸن شىعار دەپ ويلاپ وتىرمىز, - دەيدٸ 2-كۋرس ستۋدەنتٸ.
جوو-لار جاۋابى
جوعارىدا اتالعان جوعارى وقۋ ورىندارىنىڭ باسشىلىعى جاتاقحانا باعاسىنىڭ قىمباتتاۋىنا قاتىستى ازاتتىققا قانداي دا بٸر كوممەنتاريي بەرگٸسٸ كەلمەدٸ. ازاتتىق تٸلشٸسٸ قازۇۋ مەن ەۋرازييا ۇلتتىق ۋنيۆەرسيتەتٸ رەكتوراتى مەن فاكۋلتەت باسشىلىقتارىنا بٸرنەشە رەت حابارلاسقانىمەن, ناقتى جاۋاپ الۋ مٷمكٸن بولمادى.
قازۇۋ رەكتوراتىندا ٶزٸن «حاتشى» دەپ تانىستىرعان ەيەل «جاتاقحاناعا جاۋاپتى ادامداردىڭ بارلىعى جاڭا وقۋ جىلى باستالعاندىقتان قاربالاس جۇمىس جاساپ جاتقانىن, ولاردىڭ تەك قىركٷيەكتٸڭ 20-سىنا تامان قولدارى بوسايتىنىن» ايتتى.
بٸراق ازاتتىق تٸلشٸسٸنە سۇحبات بەرگەن وسى ۋنيۆەرسيتەتتٸڭ ستۋدەنتٸ «باسشىلىق جىل سايىن جٶندەۋگە كەتەتٸن ماتەريالدار قىمباتتاعان سوڭ, جاتاقحانا باعاسىن دا ٶسٸرگەندەرٸن ايتتى» دەيدٸ.
الماتىداعى اباي اتىنداعى قازۇپۋ-دٸڭ باس عيماراتى. (كٶرنەكٸ سۋرەت)
اتالعان جوو-لار باسشىلارى ٸشٸندە ازاتتىق ساۋالدارىنا جاۋاپ بەرۋگە اباي اتىنداعى قازاق ۇلتتىق پەداگوگيكالىق ۋنيۆەرسيتەتٸنٸڭ پرورەكتورى عاني تۇراباەۆ قانا بەيٸل تانىتقانىمەن, ول «بٸز كٶپ كٶتەرمەيمٸز, كٶتەرسەك سەل عانا كٶتەرەمٸز» دەپ قىسقا قايىردى.
ستاتيستيكا كوميتەتٸ دەرەگٸ بويىنشا, قازاقستاندا 459 مىڭنان استام ستۋدەنت بار. ونىڭ 358 مىڭى (70 پايىزى) اقىلى بٶلٸمدە وقيدى. بۇل ەلدە جاڭا وقۋ جىلى باستالعاندا ستۋدەنتتەرگە جاتاقحاناداعى ورىندار ٷنەمٸ جەتپەي جاتادى. مەسەلەن, قازاقستانداعى 15 مىڭنان استام ستۋدەنت وقيتىن قازۇۋ تەك التى مىڭداي ستۋدەنتتٸ عانا جاتاقحانامەن قامتاماسىز ەتە الادى. الماتى قالاسى ەكٸمدٸگٸنٸڭ دەرەگٸ بويىنشا, قالاداعى 12 ۋنيۆەرسيتەتتە جاتاقحانا جوق.
قازاقستان ۋنيۆەرسيتەتتەرٸندە گرانتتا وقيتىن, اتا-اناسىنان ايىرىلعان جەنە كٶپبالالى وتباسىدان شىققان ستۋدەنتتەرگە بٸرٸنشٸ كەزەكتە جاتاقحانا بەرٸلەدٸ. ونداي ستۋدەنتتەر ۋنيۆەرسيتەتكە كٶپبالالى وتباسىدان شىققانىن, اتا-اناسىنان ايىرىلعانىن دەلەلدەيتٸن انىقتاما الىپ كەلۋٸ كەرەك. ال اقىلى بٶلٸمدەگٸ ستۋدەنتتەرگە جاتاقحانادان ورىن ارتىلسا عانا بەرٸلەدٸ.
