بيىل ەلوردا ٸرگەسٸندە 890 مىڭ 151 تٷپ اعاش وتىرعىزىلدى. بۇل تۋرالى نۇر-سۇلتان قالاسى اكتيۆتەر جەنە مەملەكەتتٸك ساتىپ الۋ باسقارماسىنىڭ باسشىسى ەرسٸن ٶتەباەۆ مەلٸم ەتتٸ, دەپ حابارلايدى قازاقپارات تٸلشٸسٸ.
«ەلباسىنىڭ باستاماسىمەن قولعا الىنعان «جاسىل بەلدەۋ» جوباسى جالعاسىن تاۋىپ كەلەدٸ. نۇر-سۇلتان قالاسىنىڭ ماڭىن ورمانعا اينالدىرۋ جۇمىسى جالعاسىپ جاتىر. وسى ورايدا بيىل قالا بيۋدجەتٸنەن «جاسىل بەلدەۋ» جوباسىنا 2 ملرد 95 ملن تەڭگە بٶلٸندٸ. ول قاراجاتقا 890 مىڭ 151 تٷپ اعاش وتىرعىزىلدى. اعاش وتىرعىزىلعان جەردٸڭ اۋماعى 838 گەكتاردى قۇرايدى», - دەدٸ ەرسٸن ٶتەباەۆ قالالىق مەسليحاتتىڭ قوعامدىق كەڭەسٸنٸڭ وتىرىسىندا.
باسقارما باسشىسىنىڭ ايتۋىنشا, اتالعان باعىتتاعى جۇمىس الداعى جىلدارى جالعاسىن تابادى.
«سونىمەن قاتار قالا ٸشٸن دە كٶگالداندىرۋ جۇمىسى قارقىندى جٷرٸپ كەلەدٸ. ول ٷشٸن «استانا-زەلەنستروي» جشس-نە 1 ملرد 623 ملن تەڭگە بٶلٸنٸپ, وعان 40 بٸرلٸك تەحنيكا مەن 72 بٸرلٸك قوسىمشا جابدىق ساتىپ الىندى. بيىل ول سومانىڭ 562 ملن تەڭگە يگەرٸلدٸ. قالعانى جوسپار بويىنشا 2026 جىلعا دەيٸن جٷزەگە اسادى», - دەيدٸ ول.
