قر پارلامەنتٸ مەجٸلٸسٸنٸڭ تٶراعاسى نۇرلان نىعماتۋلين باعدارلامالاردىڭ ورىندالۋىنا بايلانىستى تيٸستٸ مەمورگانداردىڭ جاۋاپكەرشٸلٸگٸن ارتتىرۋ مەسەلەسٸن كٶتەردٸ, دەپ حابارلايدى "ۇلت اقپارات".
ايتا كەتەيٸك, بٷگٸن پارلامەنت مەجٸلٸسٸنٸڭ جالپى وتىرىسىندا «2019-2021 جىلدارعا ارنالعان رەسپۋبليكالىق بيۋدجەت تۋرالى» قر زاڭىنا ٶزگەرٸستەر ەنگٸزۋ تۋرالى» زاڭ جوباسىن تالقىلاۋ كەزٸندە «جاس مامان» جوباسىنىڭ ورىندالۋى بارىسىنا نازار اۋداردى.
ن. نىعماتۋلين جىل باسىندا, ياعني جاستار جىلىنىڭ اشىلۋى رەسٸمٸندە ەلباسى «جاس مامان» باعدارلاماسىن دايىنداۋ ٷشٸن ٷكٸمەتكە تيٸستٸ تاپسىرمالار بەرگەنٸن ەسكە سالدى. الايدا وسى باعىتتاعى قاجەتتٸ شارالار ٸسكە اسىرىلماعان.
وسى ورايدا, مەجٸلٸس تٶراعاسى قۇجاتتى دايىنداۋ مەن كەلٸسۋدٸڭ ۇزاق رەسٸمدەرٸن سىنعا الدى.
«تاپسىرمانى ورىنداماۋدىڭ سەبەبٸنٸڭ ٶزٸ نارازىلىق تۋدىرادى, ياعني بۇل جاعداي باعدارلامانى جٷزەگە اسىرۋ تەرتٸبٸن دايىنداۋ مەن كەلٸسۋ كەزٸندەگٸ جاي عانا قاعازباستىلىقپەن تٷسٸندٸرٸلٸپ وتىر. بٸر قۇجاتتى كەلٸسۋ شارالارىنا 9 اي مەرزٸم جۇمسالعان. بٸر عانا بۇيرىقتى دايىنداۋعا وسىنشاما ۋاقىت كەتتٸ. مەنٸڭ ويىمشا, بۇل جايت جاستاردىڭ مٷددەسٸن قامتيتىن ماڭىزدى باعدارلامانى جٷزەگە اسىرۋ كەزٸنە بيۋروكراتييالىق ەۋرە-سارساڭنىڭ جارقىن ٷلگٸسٸن كٶرسەتٸپ وتىر. «جاستار جىلى» بولسا اياقتالۋعا تاياپ قالعاندا, سٸزدەر ەندٸ عانا ويانىپ جاتىرسىزدار», - دەدٸ نۇرلان نىعماتۋلين.
