«جاستار تەجٸريبەسٸ» باعدارلاماسىنا قاتىسقانداردىڭ 50 پايىزى تۇراقتى جۇمىسقا ورنالاسادى. بۇل تۋرالى قر ەڭبەك جەنە حالىقتى ەلەۋمەتتٸك قورعاۋ ۆيتسە-مينيسترٸ ەرجان بٸرجانوۆ ايتتى, دەپ حابارلايدى قازاقپارات.
«جاستار ٷشٸن «العاشقى جۇمىس ورنى», «جاستار تەجٸريبەسٸ» سىندى باعدارلامالار جۇمىس ٸستەيدٸ. باعىت ٶتە كٶپ. نيەت بولسا جۇمىس تابىلادى. كٶپشٸلٸگٸ كەيدە جۇمىستىڭ بۇل تٷرلەرٸنە بارعىلارى كەلمەيدٸ. ايتالىق, جاستار پراكتيكاسى بويىنشا ايلىق جالاقى 73 مىڭ تەڭگە. جاستار بەرٸ قىمبات, ال جالاقىسى نە بەرٸ 73 مىڭ تەڭگە دەپ ويلايدى. بٸراق, باعدارلاما جاس بۋىن بٸرٸنشٸ داعدى الۋى ٷشٸن ٸسكە قوسىلعان», - دەدٸ ەرجان بٸرجانوۆ قازاقپارات تٸلشٸسٸنە بەرگەن سۇحباتىندا.
ۆيتسە-مينيستردٸڭ اتاپ ٶتۋٸنشە, بۇل باعدارلاماعا قاتىسقان جاس مامانعا تٶلەنەتٸن قارجى مۇنىمەن شەكتەلمەيدٸ. جەرگٸلٸكتٸ اتقارۋشى ورگان تاراپىنان دا, جۇمىس بەرۋشٸ تاراپىنان دا جالاقىنى قوسىمشا سۋبسيدييالاۋ مٷمكٸندٸگٸ قاراستىرىلعان.
«بٷگٸندە جاستاردىڭ قاجەتتٸلٸگٸ ارتىپ كەلەدٸ. ولارعا بولماشى جالاقىعا بولا جۇمىس ٸستەۋ قيىندىق تۋدىرادى. بٸراق, قالاي دەگەندە دە بٸردەڭەدەن باستاۋ قاجەت قوي. ەگەر جاستار بۇل باعدارلامالارعا قاتىساتىن بولسا, وندا ٶتە جاقسى. جىل سايىن 27 مىڭنان استام ادام مەملەكەت جالاقىسىن ٶتەيتٸن جاستار تەجٸريبەسٸنە قاتىسادى», - دەدٸ ول.
ايتا كەتەرلٸگٸ, «جاستار تەجٸريبەسٸ» باعدارلاماسى اياسىندا مامان 6 اي بويى جۇمىس ٸستەيدٸ. ستاتيستيكاعا سەيكەس, وسى مەرزٸم ٸشٸندە جاستاردىڭ 50 پايىزى سول ورىنعا تۇراقتى جۇمىسقا ورنالاسسا, قالعان 50 پايىزى جاڭا جۇمىس ٸزدەۋگە مەجبٷر بولادى. ال كەلەسٸ باعدارلاما «العاشقى جۇمىس ورنى» دەپ اتالادى.
«العاشقى جۇمىس ورنى» - بۇل ۋنيۆەرسيتەت تٷلەگٸ ٶز ماماندىعى بويىنشا ۇيىمعا جۇمىسقا ورنالاسۋى. جەرگٸلٸكتٸ اتقارۋشى ورگان جىل بويى ايلىق جالاقىسىن ٶتەپ وتىرادى. بٸر جىل بٸتكەننەن كەيٸن ول اتالعان ۇيىمدا تۇراقتى جۇمىسقا ورنالاسادى دەگەن جوسپار بار», - دەدٸ ۆيتسە-مينيستر.
