كٶرەسٸنٸ قانات ايتباەۆتان كٶرٸپ بٸتتٸم. ديماش تۋرالى گازەتكە بٸردەڭە بەرە قويايىن دەسەڭ: «قويا تۇر...», «ۇيات بولادى...» دەپ دٸڭكەلەتەدٸ دە تۇرادى.
ديماش قىتايداعى «مەن ەنشٸمٸن» بايقاۋىنان ورالعاندا سەنات تٶراعاسى قاسىم-جومارت توقاەۆ قانات پەن سۆەتانى قۇتتىقتاپ, جەدەلحات جولدادى. سونى ەستي سالا, جاتا كەپ جابىستىم: «گازەتكە بەرەيٸك...». «جو-جوق, ول — جەكە, وتباسىمىزعا كەلگەن دٷنيە عوي. ۇيات بولادى». قاناتتان قايىر بولماعاسىن سۆەتانى جاعالادىق. «قانات ۇرسادى...» دەپ ازار دا بەزەر بولدى ول دا. اقىرى ەرەڭ يلٸكتٸ. گازەتٸمٸزدٸڭ سايتىنا جارق ەتكٸزدٸك. باسقا سايتتار ٸلٸپ ەكەتتٸ. جاقسى جاڭالىق قوي.
قانات بٸراز كٸرجٸڭدەدٸ. سۆەتاعا دا سٶيلەپتٸ. مەيلٸ, قۋىرىپ جەسە دە, ٶز ەيەلٸ, وندا شارۋام قانشا?! «ەسەگٸم سۋدان ٶتتٸ», باستىسى.
سول قۋانىشتى كٷندەردٸڭ بٸرٸندە دوسىمىز, ديماشتىڭ قىتايلىقتار تٷگەل جاتتاپ العان «ۇمىتىلماس كٷن» اتتى ەنٸنٸڭ سٶزٸن جازعان ورال بايسەڭگٸر ەدەمٸ ۇسىنىس ايتتى. «اقتٶبەدە بيىل بٸرقاتار ەلەۋمەتتٸك نىساندار ٸسكە قوسىلادى عوي. سونىڭ ٸشٸندە جاستار سارايى بار. سوعان ديماشتىڭ اتى بەرٸلسە, قاتىپ كەتەر ەدٸ, يە? ەي, جۋرناليستەر, وسى ۇسىنىسىمدى باسپاسٶزگە جارييالاڭدارشى». جۇرت دۋ ەتە قالدى. قاناتتان باسقاسى, ەرينە. ول باياعى «ەنٸنە» باستى: «شىعارمايتىندارىڭ جوق. ۇيات بولادى». استانادان, قىتايدان حابارلاسىپ, ەلگٸ ۇسىنىستىڭ گازەتكە شىعىپ كەتپەۋٸن قاداعالاۋمەن بولدى. ماعان مەتٸبي, ەيتەۋٸر.
مەنٸڭشە, ورالدىڭ ۇسىنىسى ٶتە دۇرىس. ەرٸ بٸزدە بۇرىن مۇنداي تەجٸريبە بار. جاڭىلىسپاسام, قاراعاندىدا, ٶسكەمەندەگٸ سپورت سارايلارىنا وليمپيادا چەمپيوندارى سەرٸك سەپيەۆ پەن ولگا شيشيگينانىڭ ەسٸمدەرٸ بەرٸلدٸ. ال اقتٶبەدەگٸ سۋ جاڭا جاستار سارايىنا 23 جاسىندا كٷللٸ ەلەمدٸ مويىنداتقان ديماشتىڭ اتىن بەرسە, جٷزٸككە قاس قوندىرعانداي بوپ شىعا كەلمەي مە?! قالاي ويلايسىزدار?
باۋىرجان باباجانۇلىنىڭ فەيسبۋكتاعى جازباسىنان
