بەينەۋ جاستارى ٷندەۋٸن پرەزيدەنت قاسىم-جومارت توقاەۆ پەن ٷكٸمەت باسشىسى ەليحان سمايىلوۆقا جەنە ماڭعىستاۋ وبلىسىنىڭ ەكٸمٸ نۇرلان نوعاەۆقا جولدادى, دەپ حابارلايدى Ulysmedia.kz.
بەينەۋ جاستارىنىڭ تالابىن ەلەۋمەتتٸك جەلٸدە ەسەت سٷلەيمەنوۆ اتتى ازامات جارييالادى.
«بەينەۋ سەلوسى سۇلتان بەيبارىس كٶشەسٸندە ورنالاسقان لوتو كلۋبىنىڭ ويىن اۆتوماتتارى ارقىلى زاڭسىز بيزنەس ۇيىمداستىرىپ, اۋىل تۇرعىندارىن قۇمار ويىندارعا قىزىقتىرىپ, كٶپتەگەن وتباسىنى قارىزعا بەلشەدەن باتىرۋدا. وسىنداي قۇمار ويىنداردىڭ سالدارىنان ەل ٸشٸندە جاس وتباسىلاردىڭ ايىرىلىسۋى, ٶز-ٶزدەرٸنە قول جۇمساۋ جەنە تاعى دا باسقا قىلمىستار ورىن الىپ جاتىر. وسىلاردىڭ الدىن الۋ ٷشٸن بەينەۋ اۋدانىنىڭ ٸشكٸ ٸستەر بٶلٸمٸنە لوتو كلۋبى ارقىلى بٸرەۋلەر زاڭسىز كەسٸپپەن اينالىسىپ جاتقانى تۋرالى ۆيدەودەلەلدەر تاپسىرىلدى. الايدا وسى كٷنگە دەيٸن قۇزىرلى ورگانداردان ەشقانداي شەشٸم العان جوقپىز», - دەيدٸ ٷندەۋدٸ ۆيدەو ارقىلى وقىعان جاستار.
بەينەۋ جاستارى باس پروكۋراتۋراعا, سىبايلاس جەمقورلىققا قارسى ٸس-قيمىل اگەنتتٸگٸنە جەنە ٸشكٸ ٸستەر مينيسترلٸگٸنە دە ٶتٸنٸش جولداعان. الايدا قۇزىرلى مەكەمەلەردەن ەشقانداي جاۋاپ كەلمەگەن.
«بٸز بەينەۋ اۋدانىنىڭ بٸر توپ جاستارى, زاڭسىز كەسٸپكەرلٸكپەن اينالىسىپ وتىرعان لوتو كلۋبىنىڭ جابىلۋىن تالاپ ەتەمٸز! جابىلسىن!» - دەيدٸ جاستار.
ايتا كەتسەك, بەينەۋدەگٸ دەل وسى ويىن كلۋبىن بٸرنەشە اي بۇرىن قۇمار ويىندارعا بەرٸلگەن بٸر جٸگٸت ٶرتەپ جٸبەرگەن بولاتىن. ٶرتەنگەن كلۋبتىڭ ۆيدەوسى ەلەۋمەتتٸك جەلٸدە سول تۇستا كٶپ تارالىپ كەتكەن. الايدا ٶرتەنگەنٸنە قاراماستان, كلۋب قايتادان اشىلعان.
